Ke Aloha Aina, Volume IV, Number 1, 1 January 1898 — KUE NA LIMAHANA O AMERIKA I KA HOOHUI AINA. [ARTICLE]

KUE NA LIMAHANA O AMERIKA I KA HOOHUI AINA.

[Mai ka Nupepa S.F. Callmai] Nashville. Tenn. Dec. 14. O ka Hui Limahana o Amerika, ua akoakoa ae lakou i ko lakoa halawai makahiki i keia auwina la, ua hoopuka ae lakou he olelo hooholo e kue ana i ka ho'ohui ana mai ia Hawaii. He hookahi haneri me umi mau elele i hiki ae, malaila he hookahi hoi i koho ia mai kela a me keia oihana hanaliina o Amerika Huipuia. O ka huina nui o na lala o loko o keia Hui Limahaoa o Amerika Huipuia, aia no ia ma kahi o 1,000,000 a oi aku, Maluna o kanaha mau oihana like ole i komo hou aku malalo o keia Hui, a penei ke ano o ua olelo hooholo la. Oiai, oia i keia wa maloko o ke Senate o Amerika Huipuia, he kuikahi i hooholo ole ia, he hoomakaukau ia nei no ka hoohui ana mai i na mokupuni, a oiai, o ka hoohui

aina, ua like pu ia me ka hookomo ana mai i kekahi mokuaina kauwa kuapaa, o na lunamakaainana mailaila mai e hana ana lakou me ke koho ana no ka hookauwa kuapaa maoli ana i na limahana. Nolaila. e hooholo ia; O makou o ka Hui Limahana o Amerika, ke hoahewa nei i ka hoohuiaina, a E hooholo hou; Ke noi makou i ke Senate o Amerika Huipuia e hooie i ka hoohui aina, me ka lawe ae i kekahi mau keehina e ae e loaa ai he noho oluolu ana me Ha waii.