Ke Aloha Aina, Volume IV, Number 1, 1 January 1898 — KE NOI HOPE A NA HAWAII NO KE KUOKOA [ARTICLE]

KE NOI HOPE A NA HAWAII NO KE KUOKOA

[Mai ka Nupepa S.F. Call mai] Waseinetona, Dec. 9. I keia la i waiho aku ai o Senate Hoa i ka palapala kue nui hewahewa iloko o ke Senate mai na kanaka Hawaii mai no ke kue ana aku i ka hoohui aina o na Paemoku Hawaii me Amerika Huipuia. He 700 pepa i hoopihaia, e na poe. kue i hoouna ia mai e Enoka Johnson a me Lilia Aholo, na kakauolelo o na Hui Hawaii Aloha Aina a me na Hui Hawaii Aloha Aina o na Wahme, na mea hoi nana i hooiaio pono mai o keia mau palapala i kakauinoa ia, ua pololei loa. Mailoko o na poe i kakauinoa he 21,269, he 10,300 he poe wahine a me 160 he poe na aina e. Ua paiia keia mau palapala ma na olelo Enelani a me Hawaii, a he pokole loa, oia hoi, e kue aku ana i ka hoohuiia ana aku me Amerika Huipuia ma na ano a pau.