Ke Aloha Aina, Volume VII, Number 24, 15 June 1901 — Page 4

Ke Aloha Aina

Hookum@@a no ka

Pomaikai a ka le@@le@@, a he Nu pepa na ka Lahui Hawaii

EDWARD L. LIKE

Lunahooponopono

HOGAN E. KALUNA

Luna Hoopuka

ALEX. NAWAHI

Luna Hoo@ana

EMMA A. NAWAHI

P@@K@ o KE ALOHA AINA.

 

PUKA PULE

E Hoop@uka ia ana ma na kakahiaka Poaono a pau.

 

No Ka Makahiki         $2.00

No ka @ono Mahina   $1.00

N@ oke Kope Hookahi          .50

 

KEENA HANA.

Ma alanui Moi, Leleo, Helu 370, Kokoke ma ka Hale Hoolulu Kaaahi. Pahu Leta 513

 

HONOLULU             JUNE 15, 1901

 

KUE KA LUNAKANAWAI O

HILO I KA HOEMILILO.

 

            Ua heluhelo ia mai he leta maloko o ka Hale o na Lunamakaainana e Lunamakaainana Emaluka, ma ka a@i@a la Poakolu nei i hoouna ia mai iaia mai Hilo mai e Lunakanawai Gilbert F. Little o ka Aha Kaapuni Eha. Maloko o ua palapala la e kue loa ana i ka manao e hoemi ia ka uku o na poe paahana o kana aha malalo iho o ka uku mahina e loaa nei ia lako@ i kela wa.  A ina he manao io heomi lilo @o ia Hale he mea pono no lakou e ho@mi mua i ka uku o ka Loio Kuhina a me ka Makai Nui Kiekie mamua o ka okioki ana aku i ka uku o ka Makai Nui o Hawaii, ke Kakaulolelo, Hope Kakauolelo, a me ke Kakauolelo Pokole o ka Aha Kaapuni Eha.

            He mea pono ina e hoopii ia ae ka uku o ke Kakauolelo i $150, Hope Kakauolelo $100, a me Kakau Pokole $100 o ka mahina mamua o ka hoemi ana iho i ko lakou mau uku ilalo, no ka mea, i ka a e loaa ai @he mau uku kiekie ma kekahi mau wahi okoa aku he mea maopopo e haalele koke ana lakou i na kulana a lakou e paa nei, no ka haahaa loa o ka uku, a he hana hoi ia e hoopilikia ana i ka Aha Hookolokolo, nolaila, he mea pono i na poe hana ka@awai ke noonoo me ke akahele.

 

KE PANI O KALE WILIKOKI

            Ua hookohu ia aku la C. Charlock i k@kauolelo kuik@wa no ka Papa Ola, ma ka halawai ana a ia papa ma ka auia la o ka Poakolu nei, a hiki i ka wa e loaa ai he kanaka pupono no ia wahi. Oia@, he nui na noi i waiho ia aku, e noonoo akahele ia aku ana ka mea i kupono e lawe ae ia keia kulana ano nui.

            O Mr. Charlock oia kekahi o na paahana o ka Papa Ola no kekahi mau makahiki loiki, he a@e@a hoopaa hoi oia no na poe ha@au a me mare e hoike ia aku ana i ka Papa Ola.

            O na lala o ka Papa Ola e hooikaika nei e lilo i kana inoa keia kulana i hoohakahaka ia oia no o F. C. Smith, ke makemake nei oia e hoonoho paa loa ia aku no o Charlock ma ia kulana. O ka Lo@o Kuhina Dole o Harry Moss ma@, ke kakauolelo a ka Hope Makai Nui Chillingworth, a ua olelo ae o Dole he kanaka oia ana i hilinai nui ai ua hiki iaia ke lawelawe i keia hana, no ka mea, ua noho kakauolelo mua o@a nana mamua o kona hoi ana aku i ka halewai e hana ai.

            O ka Kauka Sloggett ua waiho mai oia mai o@a i ka inoa o Arthur Johnstone, he kanaka oia i kamaaina nui i ko keia kulana ka@hale, a @e naauao piha no hoi i kupono no ka lawe ana ae i keia kulana. Ua manao ia maloko o hookahi a i ole elua pule e maopopo ai ke kanaka ili keokeo e hoo@@ho ia aku ana ma kahi o Kale Wilikoko i hoopau ia iho nei.

 

KEKAHI O NA KAUA HAHANA I HOOUKAIA

Ladana, IUNE 5. O na lono e pili ana no Vlakfontein, e hoike ana @a i ka hahana o kahakaka i malama ia malaila. E kaaheleana ka puali o Kenerala Dickson ne ke kukulu ana i ana ka@@a kiai. a ma ia wa no ua lele kaua ia mai la lakou e 1200 Boa malalo o Kenerala Kemp. Ua kokoke loa na Boa, no ka mea i ka wa i kipapa mua mai ai na enemi he kanalima Beritania i haule aku no lalo o ka honua.

            Ua kupaa na koa Yeomanry ma ko lakou kulana no ke kiai ana i na pukuniahi a hiki i ka wa a lakou i ike ai ua hiki ole ia lakou ke malama hou aku i na pukuniahi, ua kipu iho la lakou i na lio huki pukuniahi i wai e hiki ole ai i na Boa ke lawe aku i ua mau pukuniahi la. Mahope o ka pau ana ae o na noonoo p@oloke @a nee hou aku la na koa Beritania imua, a no kekahi mau minute o ka hoouka kaua hahana ana, ua emi hope aku la na Boa ke ka lawa pio hou ia mai o na pukuniahi i lilo aku i na enemi. 

            He nui ka po@no i ike ia mawaena o na @oa Beritania. Ua olelo ia ae i ka wa a na Boa e paa ana i na pukuniahi ua haawi ia aku la ke kauoja i kekuhi ma@ kanaka kipa pukuniahi Beritania i paa pio e ki i na pukuniahi maluna o ko lakou mau hoa, a i ko laua hoole ana aku ua kipu koke ia iho laua e na Boa.

            Cape Town, Iune 5.  O k@ pakana o na Beritania ma Jamestown Cape Colony, na haawi pio aku la i na Boa malalo o Kritsinger ma ka la 2 o Iune, no lakou k huina he 60.  O ka nui o na kanaka o Kritsinger ua hoea aku aku ia i ka 1000.  Mahope o ka make ana o 12 Boa a me ka hoeha ia ana he 12 ua haawi pio aku la na Beritania, no ka mea, @a hiki ole ia lakou ke kue i keia heluna kanaka mahuahua o n@ enemi.

 

HOOLE IA KE NOI A IA WAHINE

            He palapala noi ka heluhelu ia mai ma ka noho ana o ka halawai a ka Papa Ola ma ka a@ina la Poakolu nei na kekahi wahine nona ka inoa o Mekala, e noi mai ana oia e hoi pu me kana kane i loohia i ka ma'i lepera no Molokai ma ke ano i kokua no kana kane i hoopilikia ia.  He ku i @a walohia na olelo o ka palapala e hoike ana ua ma@e ia laua he 8 makahiki i hala ae nei, a ua hoohiki aku hoin laua imua o ke Akua e noho no lana iloko o ka berita laahia o ka mare a na ka make wale no e hookaawale ae ia laua.

            Ma ka noonoo ana a ka Papa Ola ua hoole aku lakou i ke noi aloha a keia wahine, no ke kumu o ka mea ma'i a keia wahine e makemake nei e holo pu aku aole he pilikia o kona mau lala e hiki ole ai iaia ke lawelawe nona iho, a no ia kumu ua hiki ole ke ae ia aku ke noi a keia wahine, a o ka ae ana aku hoi i kana noi he wehe ana aku no ia i ka ipuka no na poe e ae i makemake e hoi aku iloko o ke kahua ma/i lepera ma ke ano ha mau kokua no na poe i hoopilikia ia.

 

KE EMI MAU IHO LA KE OLA O MRS. MAKINILE

            Kikako, Iune 4.  He lono kuikawa kai loaa mai nei i ka Tribune mai Wasinetona mai e olelo ana:

            Aole he mau kanalua ana ua pau ka manaolana o na kauka ua hiki ke hoola ia o Mrs. Makinile @o Mrs. Makinile na kauka i keia kakahiaka no hookahi hora. Ua hoole ae na kauka i ka hoike ana ae i ku laua ma@ mea i i@e ai mawaho ae o ka hoike a Cortleyou i hoolaha mai ai. 

            Mai kekahi poe okoa mai ua hoike ae lakou ua maule o Mrs. Makinile no kekahi wa loihi ma ke ahiahi nei, aka, ua pohala no nae oia i keia kakahiaka, na hiki ole ia lakou ke @una aku i ke kulana nawaliwali o ka Peresid@@a, a na hoike ae lakou he manawa wale no nona e make ai.

 

MAI KA EUEU MAI O LAHAINA

(Mai ka @@@@ 1 m@@.)

            Ua hoonani ia ka oneki o ka moku me na hae like ole, a i ka hora 2 a.m. i hookua ai na lealea. Malie pu no hoi a mali@o ke kai, a ua hoopomaikai pu ia hoi ka makou huakai e na ola kino maikai ma ka moana a pa@ i ka aina nei.

            M@ Ladana nei e kaulua i ki iho ana makou no na pule eha a elima paha a holo aku no Parisa a ike na kaikamahine la wahi, alaila makou e holo makaikai ai a hiki i ka mahina o Okatoba alaila huli hoi hou aku no Nu Ioka. He maikai no ko makou mau ola kino a pau, a ke haawi aku nei na kaikamahine a kaua i ke aloha a nui ia oe a me ka ohana a me na makamaka no a pau.

Me ke aloha nui.

Kou hoaloha oiaio,

KAUIHELANI CAMPBELL.

 

KUAKAI MOANA ILOKO O KA INEA

            Ma ka a@ina la Poaha nei i hoea mai ai ka mokupea J.B. Thomas mai Port Stephens, Auseteralia mai, me kona hae e hapa ana ma kona kia hope, e hoike mai ana he ulia poino ka i ike ia maluna ona.

            Ua haalele aku ka J.B. Thomas ia Port Stephens ma ka la 2 o Aperila, o holo ana no Acapulco, Amerika Hema, me ka piha nanahu. Ma ka la 23 o Aperila ua halawai iho la oia me kekahi ino ma ka moana, a ua pau aku kekahi mau @@a me ka pea i ka lilo i na kikiao makani. Ua halana pu ia ka oneki o ka moku e ke kai, a ua ike ia aku na helehelena pihoihoi iwaena o na luina. He poe luina keia i maa ole i ka holomoku, a o ka manawa mua loa hoi keia a lakou i hele ai i ke kai. Iloko o keia wa a ka ino e pahola nei a o na ale kawahawaha o ka moana e uhi ana ia maluna o ka oneki o ka Thomas, ua lilo aku la kona kapena i ke kai. Mamuli o ka ino loa o ka moana ua hiki ole ke kapena ke hoopakeleia a hoi aku oia no lalo o ka hohonu.

            I ka nalowale anaaku o ke kapena e waiho ana kona malama moku iloko o ke kulana nawaliwali, a o ka malama moku elua hoi he hawawa loa oia i ka hookele moku, nolaila, ua ili iho la ke koikoi o ka hookele ana i ka moku maluna o alii waapa Fred Zube. 

            I ka wa i loaa ai ka maha i ka malama moku, ua hoomau aku aku no oia ma kona kulana malama moku, no ka mea, aole oia i lawa loa me ka naauao no ka lawe ana ae i ke kulana kapena.

            Nolaila, malalo o ka hookele ana a ke alii waapa i hoea mai ai ke Thomas ia@ei. Mahope o ka pau ana o ua wahi i hoopoina ia o ka moku i ka haua hoa ia e hoomau aku ai oia i @@@@alahele moana no ke awa Acapulco.