Ke Aloha Aina, Volume VII, Number 48, 30 November 1901 — Page 3

KE ALOHA AINA

 

KA HOPENA A KA UA NUI

 

(Mai ka Elele Hawaii mai)

 

            Aole paha he wa i ike ia ai ke hana ino a ka wai ia Hilo no ka hi mau makahiki i hala mai ka paa ana o ka muliwai o Waiola ma i ke alanui, e like me ka mea i ike ia ma ka pule i hala.  He pule ae nei a oi ka haule ana mai o na ou ke wai a ka ua ia Hilo nei me ka mao ole, a he kapilikii maoli no ka noho ana o na aina kau nei "i ka lani ka holowaa ua."  Aole nae ia i lilo i mea makawelawela wale aku no, no ka mea, ua loihi na la i noho pumehana ai ka aina, a hiki mai la nae i ka pule holookoa i hala hoi mai la kamalii kamaina o Hilo a wehe mai la i namano wai o luna a hooma-u iho la i ka honua i hele a wela nopu i ka la haoa o ke kau makalii.  He ua keia i ike mua ole ia kona ikaika no kekahi mau makahiki loihi i kunewa aku mai ko makou hoolilo ana i keia aina malihini i home a i halau hale no makou, a lilo ai na kahawai ame alahele kinikini i mau hale kipa na ke aloha a hiki mai i keia la.  Ua ike kumaka ae nei hoi ua au me he manu kaka la iloko o ka wai a hoolana i ka auwae i kahi haiki.

            Ma ka Poalima ame ka Poaono o ka pule i hoike ia ae nei, ua halana ia na kauhale mahope o ka aoao mauka o alanui Alo e ka wai, ua uhi ia kahi uwapo o alanui Kekoa e ka wai a komo aku la iloko o na kauhale ma kona mau aoao.  Ua like ia wahi me ka moana wai akea e lana ana, a o kona opu ua piha i na opala a ka wai i hehu mai ai mamua o kona alahele.  Maluna o ka ili lipolipo o ka wai e lana hee ana na hale liilii ame na opala like ole a ka ikaika o ka wai i haohia mai ai a ku ke a ka hale o Kaupo i ka hoowaa eli moku kahawai.  Mai keia wahi uwapo ae la ma kona akau a hoea i kahi uwapo ma alanui Opilopilo (Mud Lane), he moana wai nui akea e hiki ai i ka moku ke holo me ka poino ole, oiai ua hiki aku ka hohonu o ka wai i ka 8 kapuai, oi aku a emi mai paha.  Aole e hiki i ka wai ke kahe aku ma ke alawai oki o Waiolama, no ka mea, ua iliwai like ka waiho ana o ka aina a halana malie ka wai.  I keia wa a ka wai e lana nei me kona mea ole nana e hoaleale aku, aka aia nae kona ikaika ke hala hele la i ka honua paa, e hoona ana hoi i wahi nona e hemo ai a hoolei aku i kana mau opala iloko o ka hohonu o ka moana, me ka nana ole ae i ka paa o ke alanui a ka mana o ke kanaka i hana ai.  Ma na wahi a pau o ke kulanakauhale he mau loko wai wale no ke lana mai ana i hiki i ka waapa ke hele a pau ka makemake.  Ua holo la e Dan K iheoni me kona waapa mai kona hale mai ahiki i kahi o ka pa papa o Hakapila ma ka lihi mauka o ke alanui e holo la i Waiakea.

            Ma ke kakahiaka Poaono he oia no-u ka ikaika o ka haule ana a na pakaua, a na hiki ole i ka wai ke hoomanawanui iala iho no kahi wa hou aku me ka nana ole ae i na alalai mamua, a ia wa i pii aku ai ka wai maluna o ke alanui a kahe aku la iloko o ka pa papa o Hakapila me ka ikaika a hoolana ia aku la na papa, a aneane hiki kupono ole i na kaa ke hele.  I ka auina la ae ua ano kualilii ka pii ana a ka wai.  Ma ia po iho a ao ua eli aku la ka wai e like me kona ikaika a lilo ae la ke alanui i muliwai akea aneane 50 kapuai a komo iloko o ke kai mawaena aku o ka hale olo papa ame ka hale hoahu papa a he kahawai ia e waiho ia i keia la.  Ua nui na papa i lilo i ka wai loaa mai hoi i ke kai kaialupe ia aku la i ka moana, a o kahi no hoi ua ike ia ae la a kukahaoa i ke one wali o Ohele.  Ua hina iho la ia mau hale me ka nui o na poino i loaa.

            Ma ia la Sabati he 200 a oi ka nui o na poe hana i hoolimlima ia no ke kokua ana i keia pilikia, a he mau tausani dala ke poho o ka hui i keia wa.  He nui aku na poino o ka hui, aka, aole nae ia i hoomaopopoia i keia wa.  O na hale Pake mauka o laila na ulaa pu ia e ka wai a waiho ilalo.  He ku i ka mainoipo na hana a ka wai, he ku maoli no i ke aloha na kauhale i halana a hoopuni ia e ka wai, oiai na poe oia mau wahi e kuku mai ana me he poe la ua loaa i ka ma'i hookaawale ohana, no ka mea, ua oki ia e ka wai a ua like me na mokupuni ako'ako'a e ku ana i waena moana.  Aka hoi, ua hala na la o ka inea a me ka auwe ana, ua emi ka wai a ua pau ka hewa o ka aina, a ua lohe hou ia ka leo o ke kuhukuku ma ko kakou aina.

            Eia ka uwapo o Waiolama ke hana ia mai nei e ke kamana uwapo kaulana Kimo Lui, a he mau la helu wale no koe hiki hou i na hana o ka lehulehu ke hoohana maluna oia alanui, aka, i keia wa o na poe helewawae wale no ke hiki.  O na kaa ame na kaa ukana aia ma ka mile ekahi e hele nei a hoea i kai o Waiakea.

            Ma na apana kua aku nei ua kipa pu ae la keia ino a hoohanee iho la i na alanui.  Ma Kaumana ae nei ua hoopoino ia ke alanui a ku kahaoa i ka pili wai.  O kela uwapo o Maulua ma Hilo Akau ua ulaa pu ia kahi aoao.  Ma Hakalau ua hanee iho la ka pali a paa ke alanui, aka, ua hana koke ia no a pau ka pilikia.  O keia ??? awina popilikia a pau ua kipa pu ae me Olaa, a ua hoolilo la ke alanui e ka wai i moana wai no kekahi mau mile.  Aole ua he kino ola i hoike ia mai a poino.  He mau poino e ae no paha kekahi, aka, aaole la i loaa mai ia makou.

            O ka muliwai o Wailuku iloko o ka pule i hala, ua like me ka wailele o Niagara, ke hele a ka wai a ku ke puhi i kumu pali, a aole ua ??? a Paao.  Ma ke ahiahi Poaono i hoike ia ae nei ua lilo mai la kekahi mau paipu wai o Hale Kukui Uwila a pae ma kela aoao o ke kai o Maluaka.  Ia po ana i ho ua nele ke kulanakauhale i ka uwila a haha poele ka papai o Honolulu.

            He nui ke kamailio o na haole i ka wa i hala e pili ana i kela inoa "Kulanakauhale Ua," ua i ae lakou he inoa keha wale iho no ia.  A hiki mai la nae i ka pule i hala pau kuhihewa a ikemaka i ka ua o na aina lulehua nei a lakou i hoopohala ai, a hookahi ka au pu ana iloko o ka wai me he manu la.  O ke alanui i lilo iho la i kahawai ua lilo kona paa i ku ai no aneane hapaha keneturia i mea ole i ka wai, a ko ae la ka olelo "O ka hale i kukula ia maluna o ke one, aole e mau.  Ua kaena ia kona paa, aka, i keia la ua hoi hou ia a kona kulana mua i kinohi.

            Iloko o keia pule i ua nui ai, aole he makani, aka, he lai papuhea wale no ka mea i ike ia.  Aole no hoi i lohe ia ka leo o ka hekili, aole i ike ia ka maka anapu o ka uwila ma ka pololu lani, aole.  Aka, o na omaka wai wale no ka ua i Kulanihakoi kai hanini iho maluna o ka aina a huai mai la na wai mai ka honua mai.  He nui na mea i olelo ia no keia wai nui o Hilo, a e hiki mai ana ia ma keia hope aku, aka, he mau olelo wale no ia a ka lehulehu.  Ma hope o ke komo ana o Hilo iloko o ka hoolua a ka ino, a nui ka poino, ua wehe mai la na lani i kona nani, a pau ae la paha hoi ka huhu o kamalii kolohe o ua aina nei a na ka lili o ke Akua.  He lohe wale no a ua ikemaka ae nei hoi i na mapu ua o ke Kualanakauhala Ua.

 

NA BOA A ME NA BERITANIA.

 

            Ladana, Nov. 15.  He lono ku ikawa mai a Haku Kitchener mai no keia la no mai Pretoria mai, e olelo ana, he puali o na koa Beritania, oiai lakou e hoomakakau ana i ke kulana o ana enemi ma Braksprult ma ka la 3 o Novemaba nei ma kahi he 140 mile ma ke komohana aku o Pretoria, ua hoopuni ia lakou e 300 Boa a ua make he eono kanaka a me umi kumamaono i hoeha ia.  Ua p?e kekahi poe i ka hopu ia, aka, ua hookuu ia mai no ???.

            O ka puali kiai hope o Konela Byups ua hele kaua la mai la ma kahi kokoke i Hedborn, p palaau Alanui.  Novemaba 14, e 400 Boa, i olelo ia ae ua lilo lakou o na alakai ana a Kenerala De Wet.  Ma hope o ??? o ka hakaka ana, ua ?hope aku la na Boa me ka haalele a ua iho he ewalu o ko lakou mau hoa e waiho make aoa maluna o ke kahua kaua.  O ka p? o na kanaka o Kopela Byggs ua make o Lutanele Hughes me hookahi kanaka a me ekoa alii a me eiwa kanaka i hoeha ia.

            E paani ana ka bana ma ke kahua o ka ahe lea a me luau e malamala ai ma keia awakea Poaono.

 

HUI HAWAIIAN REALTY A ME MATURITY KAUPALENAIA.

 

            Aole makou e koi aku ana ia oe e uhaai i kau dala.

            E haawi ana makou i kekahi alahele palekana e hiki ai ke hoopuka puka a loan ke dala mamuli o ia mea, e koe ana hoouina dala mai ka hoolilo ia ma kekahi ano e ae a e loaa ole ana la oe kekahi wahi pomaikai mai loko mai oia mea.

            Aia iloko o keia Hui na mahele hoopomaikai o na aao apau o na Hui Heahu Panihakahak a me na Banako Hoahu Dala, a e kaupale ana i na mahele kupono ole o kekahi o ia mau hui.

            Ke uku nei i ka ukupanee oi o ke kiekie i kulike me ke alanui e holomua ai na hana.

            O na puka ke ukuia i na lala, aole hoi o ua waiwai o na lala i make.

            O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

            No ka mea, aole oihana hoopukapu ka i ikeia i oi aku ka pomaikai ma mua o keia.  E kaku mai i na hoa kaka piha.  E hauoli mau ana ka Haui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka lea a ke nihau kino ia mai.

            HUI HAWAIIAN REALTY A ME MATURITY KAUPALANAIA

            McIntyre Hale kihi o na Alanui Papu a me Moi.  Rumi 3 a me 4.

            Aia kekahi keena o makou ma Hilo.  O M. E. Silva ko makou Agena.

 

DAVID MALO.

 

            E na makamaka a me na hoaloha, e o'u mau hoa o ka io hookahi, he mea hauoli no'u ka hoike ana aku ia oukou, ua wehe ae nei au he Hale Hoomaemae Kaa Baikikala, a o na mea a pau he kaa baikikala poino ko lakou e lawe mai i ou nei a na'u no e hoomaemae me ka noeau nui ma ka auhau haahaa loa.  O ka iini iloko o'u e koku kekahi i kekahi, a o ka Hawaii e pii ae ana ma kekahi kulana ike ia e kakoo aku kakou iaia.  Nolaila, e ike mua ia kakou Hawaiia a mahope me na Haole me na Pake.  Keena Hawaii Alanui Rikeke ua kai iho o ke Alanui Moiwahine.  nov. 7

 

            Wm. RINGER

 

            Eia au imua o oukou e o'u mau hoa lahui Hawaii, ua wehe ae a? au he halekua?kike, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka ona, a pela me na Opelu maloo.  Ua hiki ia'u ke ?iawa i na makemake o'u mau hoa hanau o na mokupuni.  E loaa no au ma alanui Muliwai, kokoke i alanui ???