Ke Aloha Aina, Volume VIII, Number 42, 18 October 1902 — Page 5

KE ALOHA AINA POAONO, OKATOBA 18, 1902

 

I NA POE HAWAII KOHO BALOTA O KA MOKUPUNI O OAHU

 

E na Makamaka,

Aloha oukou:

            Ehiku makahiki a keu i hala ae na kipakuia mai au mai Hawaii aku nei no ko'u aloha i ka lahui Hawaii, a no ko'u paio ana hoi no ko lakou mau pono. Ua huli hoi mai nei nae hoi au, a ua hauoli hoi a hoolauna hou aku i na laulea ana me o'u poe hoaloha mua iwaena o oukou e noho nei no maanei; eia nae, ua hoehaeha loa ia mai au i ka hoomaopopo ana iho ua lehulehu na poe o oukou i hala aku no ko lakou Home Hope Loa o na poe hoi i ku me ka hopo ole no na pono o ka lehulehu iloko o na la awahua i ae aku.

            E manaoio ana hoi o ko'u walea ma ka lawelawe ana i na hana kanawai me kahiaina o Hawaii nei, ua hookupono ia mai au e noho kauwa hou aku na oukou, a e kakoo a hooholomua aku i ko oukou mau pono iloko o ka Ahaolelo, ke kukala nei au ia'i iho he moho no ke kohoia mai ma ke ano i Senetoa no ka mokupuni o Oahu; o ka oukou mau koho a hooikaika ana no'u, o ka'u ia e ni a e uwalo haahaa aku nei.

            Aole au i kopeela i kekahi pohai a kahua hona paha. Ua manaoio au i ke ano hooponopono aupuni kupono loa no na hoouku auhau haahaa kupono loa. E hoea mai ana ka hooponopono aupuni Kulanakauhale a me Kalana, a ua kokua ia ano; eia nae, ua hoike mai ka ike i walea mua ia he mea pono ia ke hoopoalipuniia me na palepale ana. I hoopoino ole ia hoi na pono o ka lehulehu, a haawi haahaa loa ia hoi na ouli kupono no na hana hewa ma ka oihana. Ke hoike aku nei au he mea kupono loa e loaa kekahi wahi ano maa a hoonaauao kanawai ana i na poe na lakou ana e hana a e hooholo ia mau kanawai.

            Ma ko'u manaoio iho, aole loa he koi ana kahi no na kanaka o kekahi aoao hookahi ke hele i ka Ahaolelo. Ina o na kanaka e kepaia he poe hoopono a makaukau, aole loa he olelo ana kahi no ka aoao hea la lakou, ina nae hoi aole ko lakou mau manao maluna o na ninau pili i ko ka lehulehu mau pomaikai e ano okoa loa mai ana ia mai kou mai.

            E manaoia ana hoi ua kulike ko'u mau manao ma na ninau pili i ka lehulehu me ko ka hapanui o ko'u poe hoaloha Hawaii, ke hoike aku nei au ua like no ka palekana o ko oukou mau pono iloko o ko'u mau lima me he la ua nakiikilia au malalo o ke kahua hana o kekahi pohai kalaiaina. Mamuli hoi o ke kuokoa ana mai kahi poai mai, ua hiki loa ia'u ke hana aku no ko oukou mau pomaikai a ke hoopakele aku hoi i ko oukou mau pono.

            O ka hapanui loa o na poe koho balota ma Hawaii nei he poe Hawaii lakou ma ka hanauia ana, ke koko a me ka olelo. He lehulehu o na haole i hoihoi ole i ka nani o ka olelo Hawaii, ua makemake nui e hoopau ia olelo mai ko kakou mau kula, ua ahahookolokolo a me na aha kau kanapai. Ina au e kohola, e kue no au i keia hoaoia e kinai i ko oukou olelo makuahine oiwi a ka palena pau o ko'u ike @ kau hana, a e kokua no hoi au i ka hooholoia o ona mau kanawai e hoihoi hou mai ana i ka olele a ko oukou mau makua a kona wahi kupono loa iloko o na aha kula, hookolokolo a mau aha e ae o ka lehulehu. He hana kupo no ole maoli nou a me kau mau keiki ka hoopeleia ana i ka oukou olelo ponoi ma ka hookokono ana a kekahi poe haole i ike lea ole ia oukou a i ka hiki ole hoi ke hoomaopopo iho i ko oukou manao makee piha mahalo i ka olelo oluolu a waipahe e na Kamehameha.

            Ma ke kau kanawai e hoea io mai ana no ka mea pili na aina, he mea pono ke hana ia ke kau wahi hoomaopopo koakoa ana, ina e hiki ana, no ka hoihoi hou i ka lahui Hawaii a ko lakou kulena mua ma ke ano he lahui lakou o na poe ona aina, a ma kekahi ano e ae hoi, e hanaia he hoomaopopo ana no ka loaa mai o na aina noho i ka lahui Hawaii ma ke kumukuai haahaa loa.

            Ma ka mahelehele ana i ka hoopomaikai oihana, aole loa e haawila kekahi kulana oihana i ke kahi malihini ina e hiki ana kehoopiha kupono ia e kekahi Hawaii, a i ole ia e kekahi haole kamaina i noho loihi.

            Oiai hoi, he moho au aole no kekahi aoao kalaiaina, ua hiki ole ia'u ke hele aku e haiolelo imua o oukou ma na halawai o kekahi poai. Eia nae e hoao no au e launa a e kukakuka aku me kekahi poe lehulehu o oukou e like me ka hiki ia'u mamua ae o ka la koho, a ke ponoi aku nei au ia oukou mai no a poina ia'u i ko oukou wa e kaha ai i ko oukou mau balota.

            Ko oukou hoaloha hookamani ole, i hoehaehaia hoi no kona manaoio ia oukou.

            CLARENCE W. ASHFORD,

            (C. W. AKEPOKA.)

 

Nui ko makou haohao i ka ike ana W. H. Kailimai kekahi luna hooikaika o ka aoao Repubalika, oiai no oia e paa ana i kona kulana luna aupuni. O ka Amerika kauoha ina he makemake i na hana kalaiaina e waiho i na hana aupuni.

 

HALAWAI KA MOKUAHI AMERIKA MARU ME KA INO NUI

 

            Ma ka hoea ana mai nei a ka mokuahi Amerika Maru mai Iokhama, Iapana mai, ua lawe mai la oia he hoike no kona komo ana iloko o kekahi ino weliweli i manao ia aole ola e pakele mai ana, mailoko mai o keia ino, ua make loa he keiki pake kuene ma o ka opa ia ana o kona poo i ke kahi pani puka.

            Ua haalele aku ka Amerika Maru ia Iokohama ma ka Poakahi, Oct. 6, hora 11 a.m. Mahope o ka hoohala ia ana he hookahi hora mawaho o ke awa no ka huli ia ana o na poe holo mahuka ua loaa iho la he ekolu a hoihoi hou ia aku la i ka aina. I ke awakea ua haalele aku la oia i ka noku a kamoe mai la kana huakai no Honolulu nei ka pahu hopu. I ka wa i komo pono mai ai ka moku i ka moana kai lipolipo ua halawai iho la oia me kekahi makani ikaika, a i ka wa a ka la i napoo aku ai ua ike ia aku la ka oia o ka liula he hiona hiki mua o ka makani ino i kapa ia he taifuna, i kau ia hoi ka weli e oe poe holomoku.

            Ma kekahi la ae ua komo pono iho la ka Amerika Maru iloko o ka iho a kona mau aliimoku, Iuina a me na ohua i makemake ole ai e ike hou i kekahi ino weliweli oia ano. Ma ke kakahiaka Poalua, ua hauhoa ia na waapa a me na ukana like ole o kela a me keia ano maluna o oneki me ke kaula, a haawi aku la i ka moku iloko o ka inaina o ka ino.

            Ma ka hora 2 p.m., i halawai ai ka moku me ka makani taifuna. O keia makani ua hoomaka ia mai kekahi wahi i kokoke i Manila a nee mai la no na kapakai o ka Akau.

            Ua pokaakaa ae ke kai me ka ikaika nui a pukoa ae la ma ka hora 4 p.m., na komo pono aku la ka moku iloko o ke taifuna, e lohe ia aku ana ke kani oeoe o na rikini me ka pii mai o ke kai ma na aoao a pau o ka moku a uhi iho la maluna o kona oneki. Ma ka hora 8 p.m., ua ikeia iho la kekahi hiona kupaianaha e na ohua. Ua pohu laiku iho la ka moana, aka, o ka ale nae ua like me na kuahiwi ke kiekie. He hora a oi keia pohu ana, ua loaa hou mai la oia i ka hu'a o ka makani e poniniu hele ana me ka ikaika. A ia wa no i uhi mai ai kekahi ale nui. O ke keiki kuene e wehe ana i ka puka e komo aku ai iloko o ke keena ohua oneki, aole ia i hemo i ka wa i po poi mai ai o kekahi ale nui, ua hapai ia ae oia a upa ia aku la i ka puka ua hemo ae ka puka a komo aku la ke kai iloko e lawe ana i ke kino make me na pahu soi. Ua holomaka mai la ke komo ana o ke kai ma ka puka mahope o ka moku a holo pololei aku la iluna o na ohua oneki. O ka manao iloko o na ohua a pau ia manawa ua hoea mai ko lakou hopena, a lohe ia aku la na leo uwe kuo mai waena mai o na ohua,e hooi loa ae ana i ka weli weli oia mau minute, a mawaho aku hoi o lakou e lohe ia ana na leo ahiu o ka makani e wawalo hele ana i @ ia e ka leo halulu o na ale kawahawaha e popoi hala ole ana i ka moku. Iloko o oia wa ua haki ka huila o ka hoe hoohana ia ana e ka mahu, nolaoia ua lawelawe ia ka hookele ana me ka huila i koe e hoohana ia ana e umi kumamalua kanaka. Mahope iho o ka waena konu o ka po na kualilii iho la ka ino a pela oia i alo mai ai a hiki i keia awa. No nalii moku a me na Iuina ko na ohua hoomai kai palena ole i ko lakou hopo ole i ka paio ana me keia ino.

 

PAU KO KAUKA KOBAYASHI NOHO ANA MAANEI

 

            Maluna o ka mokuahi Nippon Maru i haalele iho ai o Kauka Kobayashi ia Honolulu nei no Sanahai, Kina, ke kahua hou ana i lawe ae ai no ka hoomau ana aku i kana oihana lapaau.

            O ke kumu o keia hoi ona i Sanahai mamuli no ia o kona manao ana he nui na pomaikai e loaa ana iaia malaila mai na pake i hoonawaliwali ia. Ua ike oia i kona hilinai a e   ko Honolulu nei mau pake kuonoono, a ua lawe pu aku oia me ia he mau palapala hoomaikai mai ia lakou aku e pili ana no kana mau lawelawe lapaau ana.

            O ka nui na makahiki o Kobayashi he 35, a i ka 20 o kona mau makahiki ua hoomaka oia e a'o i ka oihana kauka ma Tokio, a i kona puka pono ana mai, ua hoomahuahua aku oia i kona ike ma ke komo ana i ke kula kauka Cooper ma Amerika Huipuia, mailaila oia i holo mai ai a wehe i hale oihana lapaau nona maanei he 12 makahiki i hala ae nei. No kona ike aole no oia i lawa loa i na mea pili lapaau, nolaila, me na dala i loaa iaia maanei ua holo aku oia i Geremania no ka hoomahuahua ana i kona ike kauka, a he mea oiaio, oia kekahi o no kauka i lawa piha me ia ike i keia wa.

 

E NELE ANA I KA NANAHU

 

            Nu Ioka, Oct. 7. Ua oleloia ae maloko o eha la e pau ai na lako nanehu o eha la e pau ai na lako nanahu e hoohana ia nei no ka pa @ Brooklyn Water Works a paniku ana oia. O na hui ea ke kahi e hoopilikia ia nei i ka nanahu.

            He nui @ hale pule e pani ia ana ina e hoomauia ana keia neie i ka nanahu.