Ke Aloha Aina, Volume VIII, Number 47, 22 November 1902 — MAKE O SENATOA KAHILINA [ARTICLE]

MAKE O SENATOA KAHILINA

Ua loaa mai la he hoike i keia kulanakauhale no ka pauaho ana mai la o Senatoa Kahilina i keia ola ana ma kona home ma Kilauea Kauai, i ke ahiahi o ka Poakahi nei Nov. 17. O Kahilina kekahi o na Senatoa i kohoia e ka aoao Home Lula ma ke kau Ahaolelo i pau aku la, a oia no hoi ka moho Senatoa Home Rula i holo kue mai nei S.W. Wilikoki ma keia kau koho i hala iho la a haule. Ua olelo ia ua inu ikaika loa o Kahilina i ka waiona i keia mau la i hala iho la. Ma ke ahiahi Poakahi nei mahope o ka pau ana o kona paina ahiahi ua hoomaka mai la oia e loaa i kekahi ma'i ikaika he umii ma ka opu. Aole oia i pohala hou mai keia ma'i a hiki i kona make loa ana.