Ke Aloha Aina, Volume VIII, Number 50, 13 December 1902 — Page 3
| This text was transcribed by: | Rebecca Luning |
| This work is dedicated to: | Awaiaulu |
KE ALOHA AINA
POAONO, DEKEMABA 13 1902.
NA ANOI O KE KAHUA MAI NEI.
Mr. Lanahooponopono o KE ALOHA AINA,
Aloha nui kaua:--
E oluolu oe e hookomo iho i keia mau wahi huaolelo e kau ae la maluna, @ ike ai o’u mau kini e noho ana mai ka la hiki mai ma Kumu kahi a ke welona a ka la i ka mole olu i Lehua.
Oia keia, he lono laul@h@ e wawa hele ia nei maloko o keia kahua ma’i, oia hoi, he ho@pii kue na ka aoao Repubalika i ka luna nui o ke kahua ma’i nei ia Jack Makawe, e hoopau ana iaia mai kona noho luna nui ana no ke kahua ma’i nei malalo o na kumu maopopo ole, aka o ka mea nae i lohe ia aku ua noi aku na luna hooikaika o ka aoao Repubalika i ka luna nui, e haawi ia mai ka puaa a ka lehulehu i puaa no ka ahaaina Repubalika, eia nae ua hoole ka luna nui aole e hiki ia ia ke haawi i keia puaa, no ka mea, na ka lehulehu keia puaa kalua. No ka haawi ole ia a pau pono ke pai ai a me kahi mau mea ae paha kekahi.
Ma ka pule i hala ua lawe mai ka mokuahi Lehua he 500 pai ai, he oiaio kela, aole nae i pau ka ai i ka haawi ia i ka poe ma’i, malalo o na kumu; Ua ike ka haole i ke ino o ka ai, a ua haawi aku oia ma ka mea maikai a o ka mea ino hoole@ia, pela no i ke au ia Lalana, o ke ino a me ka maikai he like wale no ia iaia. Ea ina o na kumu keia alaila he keu maoli no hoi a ka lapuwale o ka naau o ke kanaka, hilahila ole keia mau hana, ke mahalo nei ma kou i ka hana a keia haole, maikai ka hana a keia haole makaala no hoi ma ka hana, nui na poe ma ka oihana i hoopauia mamuli no ia o ka hoolohe ole i ka olelo a keia kanaka, he ai nui makou i kahi io bipi a ponopono iki i keia wa. Ea, e o’u mau hoa ma’i o keia aina a ka ehaeha, mai hoao kakou e hana pela, no’u iho he nui ko’u mahalo ina hana a keia haole; Noloila, o ka pono ka hanaia a haule mai na lani.
Me ka mahalo i na keiki oniu hua medala, me oukou ko’u aloha nui; Owau iho me ka oiaio,
K. JOHN AHU.
Baldwin Home, Kalawao, Molokai,
Novemaba 30, 1902.
AIA KA BIHOPA GULSTON ILOKO O KA NAWALIWALI LOA.
Ma ka hoea ana mai la a ka mokuahi Kinau mai Hilo mai i ke kakahiaka Poaono nei, ua lawe mai la oia i na hoike aia ke waiho ala ma Olaa iloko o kekahi ma’i ikaika loa o Bihopa Gulston ke poo o ka Hoomana Katolika ma Hawaii nei. Aia o Kauka Russel ke haawi ala i kana mau lapaau ana i ka mea poino. O na hoike i loaa mai i ka misiona m@anei aia @a @ak@a ala o ka pono ko hookokoae aku la i kon@ luakup@pa@ a ke k@li nei na ka huna maanei me ke kaumaha no na lono hope e pili ana nona.
He ekolu pule i hala ae nei ua haalele iho la oia me kekahi ka huna hou mai Geremania mai no Hilo no ka hookahua ana i keia makua ma ia kihapai. O kona manao oia ka hoi ana mai i kela pula aku nei, aka, mamuli o kela ma’i ikaika i @ekau iho maluna ona i kaohi aku iaia mai ka hoi ana mai.
Mai ka hoi ana mai o Bihopa Gulston mai kana @nakai i Kaleponi he elua makahiki i hala ae nei aole i loaa i kona ola kino he oluolu maikai. Ua olelo ia ae o ke kumu o keia pilikia i hiki mai ai iaia mamuli no ia o kekahi i’o ulu iloko o kona opu.
NA LUNA AUPUNI HOU.
Ma ka noho ana a ka Aha Senate Kuikawa ma ke kakahiaka Poaono nei, ua hoouna mai ia o Kiaaina Dole i ka Senate i keia mau inoa malalo iho nei no ka hoopiha ana i kekahi mau keena ano nui o ke aupuni i hookaawaleia iho nei ko lakou mau poo, penei:
No ke Keena Hooia, J. H. Fisher.
No ke Keena Puuku, A. Noa Kepoikai.
No ke Keena Luna o na Hana Hou, Henry E. Cooper.
No na inoa o Fisher a me Kepoikai ua koho ke Senate me ka lokahi no ka inoa o Cooper he 13 kakoo 2 kue, oia na Senatoa Kaohi a me Kaiue. Mahope o koho ponoia ana o keia mau luna aupuni hou e ka Senate ua hookuu ka Senate.
ILI KA MOKUAHI NEVADA.
I ka wa a ka mokuahi Nevada e hoohemo ana no waho o ke awa, ua halawai iho la oia me ka ulia pakalaki o ka ili ana iluna o na kuaau ma kahi kokoke ikahi a ka mokuahi Miowera i ili ai, ma ka hora 7 o ke ahiahi o ka Poakahi nei: He elua hora kona paa ana malaila, ua hoea aku la ka mokuahi kolo Fearless a hoopakele ae la iaia mailoko ae o kona kulana poino. Aka, aole oia i hoopakele kokeia a hiki i ka wa i ae mai ai o ke kapena o ka mokuahi Nevada e uku $5000 no ka huki ana a hemo kona moku, mahope o ka pakele ana o ka Nevada ua kali oia mawaho o ka nuku no ka nana ia ana o kona mau wahi i poino, ma ka hoike a ke kanaka lu@ no ka nui o kona poino, ua olelo ae oia he 40 kapuai o ka moku i kokoe ia ke pena a mawaho ae o keia aole he wahi o ka moku i manuheu, nolaila, ma ke ahiahi o ka Poalua nei i hoomau aku ai ka Nevada no Kahului, Maui, no ka hoopiha ana i ke koena o kona mau l@a ukana me ke kopaa.
NA WAIWAI O NA LA KULAIA
MAKAHIO
N. S. SACHS DRY GOODS CO.
Kihi Alanui Papu me Beritania.
E malamaia ana he mau La Manawalea a me na La Kuai Hoemi mai keia wa aku a hiki i ke Karisimata. E hook@@ a’e ana makou i na la no ka haawi wale ana i na makana, pela hoi @e ka hoemi ana i na waiwai ma ka hapalua o ko lakou me@ kum@@oku@i. Nolaila, e makaala e na mea a pau o nele oukou me keia mau pomaikai.
Haawi Wale ia na Kui Dala
I@@ed@ a pau e kuai ana i papale @ona ma ko makou Keena Papale e haawi wale ia ana na K@@ Papale Dala. He nui na Papale o ke Karisimaka o n@ wahine me na opio i hoowehiwehi ia mai ka $2 50, $4 00 a me $5 00.
Kuai Hoemi o na Kuka Bebe.
No hookahi Pule Wale no.
Kuka Huluhulu o na Opio na waiholuu a pau $5 00 i keia pule $3 75
“ “ “ “ “ 5 75 “ “ 4 25
“ “ “ “ “ 6 50 “ “ 5 00
Kuka Pokole Kasimia o na Bebe mamua . . . . $3 25 “ “ 2 65
“ “ “ “ “ 5 25 “ “ 4 35
Kuka Loihi Kasimia o na Bebe mamua . . . .$ 2 00 “ “ 1 40
“ “ “ “ “ 2 25 “ “ 1 90
“ “ “ “ “ 3 50 “ “ 2 85
N. S. SACHS DRY GOODS CO.
WHITNEY & MARSH, LTD.
HE WEHE PAPALE NUI
Ma ka Poakahi a me ia pule holookoa e Miss Cantor o 909 Alanui Makeke, Kapalakiko. Ua konoia na lede a pau e kipa mai. E hoikeike mai ana o Miss Cantor he heluna like ole o na papale paikini hou Nu Ioka mamua o ka hiki ana mai o ke kau kupulau. He emi loa ke kumkuai.
UA LOAA MAI LA
He nui na LAKO DALA—Na lako no ke komo kapa ana—25c 50c a pii aku.
Pela na lei hualei a me pupu he nui wale—
He heluna nui o na hainaka o na kane, na wahine a me na opio.
E hoomanao aole waiwai kumu kuai pii me makou.
Eia ke holomoku nei na poe kuai i keia mau la—mai kali i kau mea kuai a lohi loa o nele auanei oe i kau mau mea i makemake ai.
Whitney & Marsh, Ltd.
Honolulu, Alanui Papu.
HOOLAHA HOOKO MORAKI.
HOOLAHA KUAI A KA MEA PAA MORAKI.
I kulike ai me kekahi palapala moraki i hana ia e Caroline Aniu Ah Buck@a me Ah Buck, kana kane ia Patrick Gleason, ma ka la 29 o Mei, 1899, a i hoopaa ia ma ke Keena Kope Aupuni, Oahu, buke 196, aoao -23-4-5, ke hoolaha ia aku nei ma keia ua manao ka mea paa moraki e paa i ua moraki ala i oleloia no ka hahakiia o ka aelike, oia ka uku ole ia o ke kumupaa a me ka ukupanee i ko laua wa uku, a o na waiwai i paa maloko o ua moraki ala e hoolilo ia aku ana ma ke kuai kudala ma ke keena kudala o Will E Fisher, ma Honolulu, ma ka Poaono, la 20 o Dekemaba 1902, ma ka hora 12 awakea o ka la i oleloia. O na waiwai i hoakakaia ma loko o ua moraki ala oia keia i hoakaka ia malalo iho nei.
No na mea i koe e ninau ia J. Lightfoot, ka Lono ma ke Kanawai, Magoon Hale, kihi o na alanui Alakea a me Kalepa, Honolulu.
PATRICK GLEASON,
Mea Paa Moraki,
O na waiwai i hoakaka ia maloko o ka moraki:
Ekahi. Oia kela aina a pau e waiho ana ma Kailua, Koolaupoko, Mokupuni o Oahu, i hoakaka ia ma ka Palapala Sila Nui 2296, Kuleana 2765, nona ka ili aina o 3 eka 3 38-100 kuea kaulahao.
Elua. Oia keia aina a pau e waiho ana ma Kailua i olelo ia i hoakakaia ma ka Palapala Sila Nui 1362, Kuleana 2792 nona ka ili aina 355 eka.
Nov 29, Dec 6, 13, 20.
CAMARA & CO.,
Waina, Bia me na Waiona
Kihi o Alanui Alakea me Moiwahine.
WAIN CLARET 50c . . . .1 Galani
WAINA SWEETS 75c . . .1 Galani
PRIMR BIA $2.00 o ke . . . .doz qts
Ua loaa mai ia makou he heluna nui o na waiona like ole Waiona, Bia, Gini, Wisike ame Barani a ke kuai ia nei me ka emi loa.
Eia maanei o W. Rice, kekahi o na Hawaii i noho loihi me Frank Brown. Nana e hoikeike aku ia oukou i keia mau waiwai.
Kauka L. F. Alvarez
KEENA ME KAHI NOHO HELU 1240, ALANUI EMMA.
Na Hora Hana: 8 a ka 10 a m
3 a ka 5 p m
7 a ka 8 p m
Na La Pule: 8 a ka 10 a m
7 a ka 8 p m
Telepona White 211