Ke Aloha Aina, Volume VIII, Number 50, 13 December 1902 — Page 8

KE ALOHA AINA

 

EIA HOU NO MAKOU ME KA PIHAU NO KE KARISIMAKA

 

Na Kii Paani.   Na Kii Paani.   Na Kii Paani.

            K@ B@be mai ka 5c a pii aku i ka $5.00.

            Pahu Hoakani 10c, 25c, 50c, $1.00, $1.50, $2.00.

            Na Lako Kamana 50c, 75c, $1.00, $1.50, $2.00,

            Kaa Halihali Ukana $1.00 a ka $3.00.

 

He nui na Ano Kii Liko O'e Tin, Hao, Laau, Raba a pela aku.

 

Mai Poina i ko Makou Keena o na Lako Aahu.

Eia makou ne hoike nei ina Eke Dala a na Lede, Kuapo Op@, Eke, a pela aku, i kupono no na makana Karisimaka.

 

Hainaka.          Hainaka.

I hookomoia iloko o na pahu, lihiliki a pela aku mai ka 25c a ka $3.00 o ka pahu.

LEI AI.           LEI AI.

O keia au hou i kupono no ke Karisimaka mai ke 50c a ka $1.00.

NA SILIKA PALULE.

I hiki ke holoiia he Silika Iapana ano hou 50c a me 75c o ka ia.

 

E hoomanao i ko Makou Keena Hana Papale.

 

He nui na ano like i kupono no ke Karisimaka e hiki mai ana.

KUAIKUIKAWA NUI O NA PALEKOKI.

Eleele, Bolu a me Ahiehie i hanaia me ka nani $5.00, $9.00, $10.00

 

E Naue Mai a e Ike no Oukou Iho mamua o ke Kuai ana no ke Karisimaka

 

L. B. KERR COMPANY LIMITED

HONOLULU ALANUI MOIWAHINE.

 

Ke Aloha o ka Ipo i ka Ipo

A I OLE

Ka Pepehikanaka Pohihihi.

 

MOKUNA I.

            O Cecilia Kalani ka mea nona keia moolelo e hoolauna ia aku nei imua o ka lehulehu, he kaikamahine oia i aneane aku kona mau la e kaa wale aku mai kona home hoona auao aku, oiai, ua hoea mai la kona mau makahiki i ke kanaka makua. He nohea a he ui kaili puuwai iwaena o kona mau hookula e hai e malule ai ka naau o ka poe kakai oolea.

            O ka la a kakou e ike e hoolauna nei me ia he Poaono, a e haawi ana he paina hoolaulea hope mamua o kona wehe ana ae i ka pili mai kona mau hoakula aku, a he mau la ia e kokoke loa aku ana i ke Karisimaka. O ka Poaha oia ka la e hoomaha ai o ke kula, aka, mamuli o ka loaa ana he hoahele no Cecilia oia o Lede Stanton, he hoaloha nona a me kona makuakane, nolaila, ua ae ia oia e haalele iho i ka halekula D'Estere no kona home ma ka Poakahi, a no ia kumu keia paina inu ti i haawaiia ae la.

            O ka mea huna pohihihi o kona hoounaia ana mai i ke kula, oiai kona mau makahiki e aneane aku ana i ka 18, he mea huna no ia i maopopo ole i kona mau hoakula, no ka mea, o ka naauao i loaa i kona puniu poo mai kana kumu kula ma ka home ua oi aku ia ma mua o na kaawina i a'o ia aku iaia ma keia kula. He kaikamahine oia na kekahi kanaka waiwai loa, he mea nui oia iloko o ke kula, a he kulana okoa ae no hoi kona mai na kaikamahine e ae i hoouna ia aku @ ke kula a Mrs. D'Estere.

            O Miss Morale ke kumukula o na papa haahaa, a luna kiai o na na kaikamahine opio o ke kula oi@ pu kekahi iloko o ka pohihihi no ko Cecilia hoea ana aku i ke kula. He mea oiaio, aole he poe e ae mawaho o na luna kiekie o ka Hele Ashburton i maopopo ina mea huna e pili ana iaia. I ka Poakahi e haalele iho ai ua ui ala i kona home hoonaauao, aole hoi kona mau helehelena nohea e ike hou ia ana malaila.

            Ua aloha aku o Miss Morale me kona naau apai ia Cecilia, a i ko Morale wa e haliu aku ai maluna o na helehelena ui o ke kaikamahine, e holopuni koke ae no auanei na kuko palaualelo o ka halawai o ka ui me ka poino, no ka mea, na nahiohiona nani e haiamu ana maluna ona e alako aku iaia iloko o na popilikia.

            I keia la, aia o Cecilia ke haawi ala ina hoolaulea hope ana i kona mau hoakula maloko o kekahi hale aina, malalo o ke kiai makaala ana a ka lakou kumu Miss Morale, aohe la i oi ae ko Cecilia nohea e like ala me keia Poaono; a no ia mau hiona ka Morale i puana ae ai: He ui, he ui oikelakelaoia, mai oi aku kona pale kana ina oia i komo i kekahi mau kahiko maa mau me ka huna ana iho i kona helehelena me kekahi uhimaka.

            Alaila me ka hikilele ua puana hou ae la oia; Auwai aia kekahi mea ke hakapono mai @ maluna ona ma waho mai o ka puka aniani.

            O na maka hookokoe oia ka Morale i haawi aku ai i ka wa ona i ike aku ai he hoohalua aia mawaho mai kahi i kilo mai ai, me kona mihi pu ana iho i kona lawe koke ana ae i kekahi pakaukau pili kokoke i ka puka aniani, aole i kekahi pakaukau ma kahi mamao iki aku, aka, ua hala nae ka wa pono. O keia mau maka hookokoe a Morale i haawi aku ai i kela mau maka e nana mai la mawaho aole ia i lilo i mea nui i ka malihini.

            He helehelena ku i ka hoomakaukau ko keia kanaka, e aahu ana he lole hakeakea a pela me ka papale piva e kau ana ma kona poo. He mau helehelena ui no paha ko na i kona mau la opio, aka, ua lawe ia aku nae ia mau haawina apau mai iaia aku i keia mau la o ka hapau ea. O ka aahu ana o komo ana e hoike ana ia i kona alu'a a ua hala pu hoi me kona mau la o ka hie.

 

Mai ka aoao 7 mai.

 

kono aku i ua kiu ala e haalele iho i ka Apolo Holo, i ka pau ana o ka kela manawa a ka leta hookiki na i makemake ai iaia e hooko e hoea hou mai ai oia a halawai hou me na ouli pakalaki o ka manawa, heaha la na mea e loaa mai ana ia'u. Nolaila; ua huli ae la ia a noi aku la i kona hoaloha e kala aku iaia, oiai ua makemakeia oia no kana mau hana ponoi, a ke pau alaila, ua loaa i ua hoaloha nei ona ka hanohano o ko laua hui a halawai hou ana ma ka Apolo Holo mahope iho a ka pau ana o ekolu hora.

 

PIHA-U KE ALOHA AINA ME NA HOOLAHA.

 

            Mamuli o ko makou piha me na hoolaha, nolaila, ua emi iki mai na kolamu heluhelu o ka kakou hiwa hiwa i keia puka ana, aka, ke hoao nei no nae makou e hoopuka i na nuhou makamaka hou a pau, no ka pomaikai o ko makou poe heluhelu.

 

KA NOHOALII O SOLOMONA.

 

            Calcutta, Dec., 1.        Ua pahola ae he hoike maanei e pili ana no na noii akahele ana a Haku Curzon o Kedleston, ke Kiaaina o Inia. Ua manaoio ia ua huli oia i ka nohoalii o ka Moi Solomona. O na hoike i kela wa ua loaa iaia keia noho, a e noho aua oia maluna o kela noho i ka wa e hoea mai o ka la poni moi o Inia. Eia ke upuia nei e hoea mai ana kekahi ouli kamahao mai keia noho mai.

 

MA KE ALAHELE NO VENEZUELA.

 

            Ladana, Dec, 3.           Ua hoike pili aupuni ia ae, eia o Beritania Nui a me Geremania ke lawe nei ma ka ikaika o na pukuniahi e hooko mai ai o Venezuela i ka laua mau koi, a no ia mau kumu aia na mokukaua Geremania ke hoakoakoa ala mawaho o na kapakai o Venezuela, a o ka Beritania Nui e hoea aku ana ia ilaila iloko o na la pokole:

 

E MALAMAIA I LANUI.

 

            O ka la mua loa e weheia ai ke Telegarapa no ka hoohui ana ia Hawaii nei me Amerika Huipuia ma na kukai olelo ma ka uwea moe moana, oia kekahi la nui e malama ia ana e keia kulanakauhale. Eia na poe kalepa ke liuliu nei no ka haawi ana aku ia la i kekahi hoohiwahiwa nui. He mau haiolelo, he anaina puhi ohe a he mau lealea @hi-kao kekahi mau hana no ia la