Ke Au Hou, Volume III, Number 1, 10 January 1912 — Halelu no ka Hana [ARTICLE]

Halelu no ka Hana

Aole au e mele no ka waiwai a no kahi kiekie A i ole no na moi waiwai ma ka aina E mele au no ka maoaolana o ka lahui No ka opio me ka lima hooikaika i ka hana; Ma kona mau poohiwi ua omauia he hoku pakahi, No ka hune, oia mai kona hanau ana, Aka, aole e poluluhiia e ka hana ame ka poino; Ua lanakila a he koa-kiai no ka honua. Heaha na miliona ke nele ke kulana kanaka makun, Heaha na kakela ame na aina? O ke kanaka a ka Lani i koo ai, Oia ke kanaka e lanakila me kona mau lima A kupikipiki-o ke Ao olu no kela, Aole ma ke one ke ku ana o kona hale, A o ka mea wehe no ka waiwai rqau Ke paaia ? la ia e kona mau lima apuupuu kalakal. , O na hae apau i aleia iloko o ka nani Ua lawe mai oia ia mai ke alii a mai ka wai holo moku mai, . O na.mele o na hana koa, na moolelo apau Ua kopeia ma kana hana ame kuna koko, Oia ka hookumu, ka hoopakele, ke paleino, Oia ka lima iloko o ko ka Makua Mana papa hana, A o na anela o ke Akua iloko o ko lakou nani Aole e mae ka manao no ke kanaka i paeleia e ka hana. Nana aku kekahi i kona mau alina o ka hana me ka henehene, O kekahi poe akaaka i ka puanaia o kona inoa, Me ka lima ikaika, kumau ke kikeke ana Ma na ipuka o ka heiau o ke kaulana Emo ole hemo mai la na ipuka i kiai paaia, A loaa kahi no ke koa-wiwoolē, Me ka poe kiekie —ka puali o na poe oia mau E ola ana, e hana ana no ka hoakanaka.

t ■■ — l®"E na pua o Hawaii: Eia o Alexander Liholiho Pe Fries he kama nau a he pua lii hanau no ka a«na, ua wehe ae nei he hale kii-onioni nona ma ke Alanui Hotele ma Ewa o Alanui Nuuanu. E na Lede anie na Keonimana hoinainau o ke Taona, i manao e ike i na kii onioni hooluolu manao e aka ai a pau ke aho, e kipa mua ae e ike i keia Opio Hawaii. E ike o Hawaii ia Hawaii. A malaila oe e ike ai i ka hana a Hawaii, i ka hoolewa a ha'i ke kikala. Nolaila, e kipa ke kanaka nui ame ke kanaka iki. Mai paa i ke aloha ia kaua hoa-kanaka.