Ke Au Hou, Volume III, Number 8, 28 February 1912 — HE MOOLELO KAILI PUUWAI NO HAINAKOLO, Ka Ui o Waipio me ka Wai o Hiilawe [ARTICLE]

HE MOOLELO KAILI PUUWAI NO HAINAKOLO, Ka Ui o Waipio me ka Wai o Hiilawe

[Kahauia e Ka Ohu Haahko % na KuahiwL]

MOKUNA I. Maukakea me Maikai Waipio ■'la'u nohoi i pauaho mai nei, kokolo koke mai nei no au a hsao aku la e kahea ia oe. A eia no ka oe ke moe nei. Nolaila, ua moehewa maoli ia no paha au. Eia nae hoi ka mea apiki, ke nana nei au, aohe o'u ike aku i ko'u kokoolua." "He.keu io no ka hoi kau mea i hoike mai la aka mea kupanaha," wahi a Hina i pane mai ai i ke kahu me ka hoomau ana mai no i kaolelo an*: "Aole nohoi i ikeia kahi iuea kamahao nui wale i na wa i hala ae nei elike me ka kakou e ike nei i keia wa. Aole o'u manaoio iki la, ua haalele iho nei au ia loko noi o ko kakou hale i nei po elike me kau e haohao naai nei. Hele a m«a ea; eia paha kakou ke lapuia nei?'' Ia laua nei no e ukamailio ana, ua maamaama loa ae la ia wa, komo ana ka luaui makuahine o Hina me Aniani ke kahuna, ame kekahi kahu nohoi o Hina. "Heaha keia pioo nui o ko oukou hale nei i keia po?" i ninau mai ai ka luaui makuahine o Hina iaia. Hoike aku la nob "i o Hina i na mea a kona kahu i hāhai aku ai k ano ka mea nae e pili ana i kana huakai malana o ka eheu o na manu iluna o Maunakea, aole oia i hai mai i kona makuahine. Oiai o Hina e huai pau ana ina mea a kona kahu i hoike aku ai iaia imua o kona makuahine ame ke kahuna, aia ke poo o ua kahuna nei ke kulou ala ilalo. Oia hele nohoi a pau ka olelo ana mai a ua 'liiwahine opio nei, akahi no aeaae ke poo ©ke kahuna iluna. Huli ae la ke aliiwahine makuahine a ninau ae la i ua kahuna nei: "Pehea kau ike no keia hana ano e aka po?" Pane mai la ke kahuna: "He akua huoa i ke aouli ka mea nena ke kapuai akua a'u e ike

nei' A e hai ae no au imua o kakou apau me ka hoonalonalo ole; aohe a'u ike ma keia wahi. Aia ka'u ike a hoea pono au iluna o ka piko o kekuahiwi o Maunakea, a ilaila au e ike ai i ke a-u nui ame ke a-u iki o nei mea kupanaha a kakou e uhai-aHolo aku nei.'' f "Alaila, e pii ana oe i Maunakea? Ahea oe pii?" i ninau aku ai ke aliiwahine o Owakailunaikeaouli i ke kahuna. Pane aku la ke kahuna: "Ua holo ka'u olelo ike ahiahi nei me ia kanaka oka iho ana mai nei mai Waimea mai ika la onehinei, hala loa aku la i uka o Opaelolo, a i keia kakahiaka ko maua wa eJbaalele iho ai ia Napoopoo nei. He hikimai paha koe la o ko'u hoa." Oiai no lakou e kamailio ana, ike aku la o Aniani i ka a'e ana mai o kahi kanaka o Waimea ike kahawai a kau ma keia kapa, a hele loa ae la no ka hale oke kahuna: I nei wa i olelo aku la o Aniani i ka haku aliiwahine a i ko ka hale poe nohoi apau: "Aia ko'u hoa la ua hiki mai la, Ke hele ae la no ko'u wahi pupupu hale. .Nolaila, e haalele ana au ia oukoa, a e pii ae au e hookolo i ka meheu o ke kapuai akoa." Hoi aku la ua kahuna nei a hoea i kona hale, a e kali ana kona kokoolua mawaho mai oka pae humu la io ka hale. "Ae ooe maila ia,"wahi a Aniani i pane aku ai ike kamaaina oka Ua Kipnupuu o Waimea, a ninaa aku la nohoi: "O ka pii keia o kaua la, ea?" Ae mai la nohoi ko Waimea keiki, alaila olelo aku la ke kahuaa. "E kamau »*hi ai mu& kaua a maona, alaila, upii kaua." , Ua mo'a ka puholoholo tnoa a ua kaliuna nei oiai ekala wale i hoomakaukauia ai ia mea. Hoi aku la laua nei a loko o kahi pupupu hale, hohola ka moena aleuleu, hooili ke kumau poi uouo,

hanini nohoi ka puholo moa kai likoliko iloko o ke pa-laau hinuhinu i hel6 a noho ke aka, aua makaukau mua nohoi na apu awa hoonoenoe, a ia wa i olelo mai ai o Aniani i kona kokoolua o ka huakai hele: n E papaia-awa kaua, kamau kahi ai mahope, alaila upii aku kauao kapuu nuio Puaabaku, a hele aku oka loa o...Mahiki. M "- Lalau aku la ke kahuna i kona apu awa, a lalau nohoi kekahi i kona apu, a hoomaka iho la ke kahuna e hahau i ka puie papaia-awa; HELUB "- He Pulb Papaia-Awa Na aumakua mai ka La hiki a ka La kau Mai ka hookui a ka halawat Mai ka paa iluna a ka paa ilalo Na aumakua mai ka hina kua a ka hina alo la kaa a kau i ka lani Ia kaa hema i ka lani O ki'ha i ka lani O owe i ka honua O nunulu i ka lani O naholo i ka honua Eia ka ai— E ai ko uka ko kai E ola i ka pulapula a ottkou E ola nohoi ia maua e inu nei i keia awa Oka inu ka maua O kamaona kai ia oukoa Amama noa I A pau ka pule a ua kahua nei, oka wa no ia o laua i inu ae ai ina apu o laua. Kau mai la nohoi ka pupu oka awa, he maia lele ua hele a pala kapule, alaila, ai iho la laua i ka puholo moa. Oko laua nei ai ia a maona, makaukau iho la laua nei no ka huakai hele. Hopu aku la ua kahuna ala he hookahi moa ulahiwa, will ae la me hookahi puawa hiwa iloko o ke kahakahana kapa, hookahi malo ula a paa i ke ope, hookahi ahu kapa mahuna, a o ko laua nei haalele iho la no ia i ka hale a upii aku la no Waimea. Maanei e ka makamaka heluhelu, e hookuu kaua ike kamailio ana no ke kahuna ame kona kokoolua e pii ala no Waimea, a e huli ae ka kaua kamailio ana no Hina. A hala mai la ke kahuna o Aniani iaia i hoi mai ai i ka hale, ua huli ae la o Owakailunaikeaouli a kamailio aku la ia Hina kana kaikama-

hine, ika ninau an» aku: "E pii hou ana no paha oe i ka auau i nei la me ou kahu?" Pane mai la o Hina iaia: "Aohe maopopo loa o ko'u pii hou i uka i nei la. Ua manao au e hoomalolo i ua ki'owai la o'u, a e aho paha nn kahakai ka'u holoholo o nei la." O na olelo hopo nae a Hina i hoopuka mai ai imua o kona makuahine, oia hoi ka mea e pili ana i kona manao ana e hele holoholo oia i kahakai, he mau olelo hoonalonalo wale no ia ana,oiai aole oia i manao iki e hele i kahakai, a ina nohoi oia e iho ana elike me kana hoike i kona makuahine, alaila aole no e hiki ana iaia ke hana pela, ke ole e loaa ka ae ana a ke kahuna; aka, ua lilo nae keia pane a Hina i hoike mai ai i kona makuahine i mea na ua luaui nli onae 01010 aku ai iaia: "Eia ka hoi he manao kou e iho i kahakai, no keaha la hoi oe i ui ole ae nei i ko makuakaue kahuna, oiai oia e noho ana? Ua ike no kaua, aia kou alahele iaia, aole ika meae ae. I hoike mua ia mai nei paha kena manao ou e kuu lei i ka wa aua kahuna nei ou e noho %na, ina nohoi pahauako ko makemake, Aina nae ua ikaika loa kou manao no ka hele i kahakai, alaila, e kii ae kekahi kahu ou iaia e hele hou mai ianei, a maiia oae mai oia i kou makemake hele holoholo kahakai,'' , Ia wa olelo mai la o Hina ika makuahine: "Aole. Ua hooholo hou iho la ko'u manao, aole aū e iho i kahakai. I kauhale nei no au e noho ai me ke kapu." He mea oiaio, aole io no o Hina i iho i kahakai, a aole nohoi oia i pii i uka o Hiilawe, aka, mai kakahiaka mai a po ia la, i kauhale no oia kahi i noho kulolia ai me kona kahu, a o ke konane ka mea nana i hoomama mai i kona mau manao luaiele. E hookuu kaua e kuu hoa uhai aholo ia Hina e wa'ea ana i'na iliili hoonee i ka papa konane, a e huli ae kaua a nana aku ia Aniani ke kahuna, oiai oia e hele ala no ka Ua Kipuupuu o Waimea a hoea aku i ka piina hoopaupauaho o Maunakea, a e kamailio kaua no na mea e pili ana iaia. Mai kuhihewa oe e ka makamaka, he inoa hou loa o Aniani no keia wa koke aku nei no, oia paha ke aniani kilohi a kakou e olelo nei i kela wa. Aole pela. He huaolelo kahiko loa keia "Aniani" no Hawaii nei, ahe inoa kahiko

nohoi ia i heaia ma ke ano ''haiinoa" no ke kanaka. Aia ma ka mookuauhau kahiko e pili ana .ia Kumuhonua, ke kane a Lalohonua (w), c loaa au anei ma ka hanauna 27 oia Papa o Ka'oka'o-Kalani ke kane noho ia Heha-ka moku (w), hanau mai o Aniani-ku. 0 Aniani-ku kai noho aku ia Kekai-pahola (w), hanau o Aniani Kalani (k), oia kai noho aka ia Kamee-nui-hiki-na, hanau mai o Hawaii-loa (k), Kii (k), Kanaloa (k) ame Laakapu (k). 0 keia Anini e oleloia nei ma keia moolelo o Hainakolo, he alii Kahuna no ia no ke au nohoalii o Nanailaniakaina; a mailokoaku okeia Aniani Kahuna i loaa aku. ai o Hulu-ma-Aniani, kela makaula i hoikeia ma ka moolelo o Laieikawai; ka makaula hoi i holo mai ai mai Kauai mai a pae i Waianae; a pii ai oia iluna o ka puu o Mauna Lahilahi (ma Waianae) a ike i ke ku ame >ta pio a ke anuenue ma Koolau. Aia kekahi heiau kahiko ma Waikane, Koo-lan-poko ae nei, nona ka inoa o Kukui-Aniani. Aia nohoi ma ka Papa Kuauhau o Ulu, e loaa iio he alii ma ka inoa o Hulu-ma-Aniani, oia ke keiki a Heleipawa(k) meKookookumaikalani (w). 0 kahi e loaa ai ka moo-kahuna pili ia Aniani e olelo ia nei ma keia moololo, aia no maloko © ka Moo-kahuna o Kanalu. Nolaila, e ka makamaka heluh«lu, e hoomaopopo oe, he inoa o Aniani mai ka po mai; a ua paa no ia inoa iioko o na mookuauhau alii ame na mookuauhau kahuna. Eia ka olelo maa mau a kahiko: "Hanau ke alii, hanau ke Kahuna." Nolaila, o Nanailaniakama ke alii, o Aniani ke Kahuna. Aole no paha oe, e ka makamaka heluhelu, i poina i kekahi inoa kaulana loa o loko o ka moolelo (Kaao) o Laieikawai, oia hoi o Hala-Aniani, jce kaikunene o Mali'o, ka Ui puhi pu-lau-i o Puna paia ala i ka hala. 1 ka pii ana o Aniani, ke Kahuna alii o Waipio, me kona kokoolua a kupono ka la i ka 1010, hoea aku la laua i Waimea. Ia laua e ibo aku ana i ke kula pili oua aina kaulana nei o ka Ua Kipuupuu, aia na maka o Aniani ke nana pono loa'la iluna o ka piko o ke kuahiwi o Mauna Kea, a ke ike la oia i ke ku inai o ka punohu ula me :.e

okooko ahi la. īa wa huli mai la oia a ninau mai la i kona kokoolua: "0 ua mea kupanaha nei paha kela a oukou o W,"imea nei e ike nei i keia mau la?" Ae aku la ko Waimea keiki rae ka olelo ana aku: "O.ua punohu ua koko kamahao nei kela a na kini o Uli nei e waw? nei Ua ike akula oe?" "Ae," wahi a Aniani i pane aku ai me kao'elo ana'ku noboi: "He wahi onohi kamahao io nohoi keia. Aole kela he ao maoli; aka; he hale ohu kela no ke akua. He akua ka mea nona kela ohu. Nolaila, i u-iho aku kaua a kauhale kamaaina, ea, e hookamaaina aku toi oe ia'u ia hale, oiai h.e makemake au i wahi moo puaa hiwa, Malia hoi o loaa i wahi moomoo ilaila. Eahala! Aole pela; wahi a ke kokoolua i pane mai ai: Owau no ka mea ohana puaa lii-ii o kauhale. Aole paha e uele ka oaa o kahi moo hiwa paa iwaena oia ohana puaa a'u. A pefcea e hoaumoe ana paha kaua i ko'u wahi pupupu hale i keia po, a kakahiakaho ia, hela okoa, hele oe no kau huakai? # Pane aku la o Aniani: "Aole au e moe me oe. Loaa mai no kuu wahi moo puaa ia oe, hala loa aku no au no ka'u huakai hele." Ua iho aku la laua nei a hoea i ka hale o ke kanaka kamaaina o Wajmea, miki aku la ia a ka ohana puaa keiki ana e naholo ana no ma ke kua 0 kahi pupupu hale, Loopu-a a aku la a komo aku la iloko o kahi pa pohntu, alaila, kahea mai la oia ia Aniani, kona hoa he!e o ke kaupe ana mai o ka loa, e hele aku e nana i kana walii moo puaa e makemake ai. Na ke kamaaina hoi ke kahea, he kuwala, he eleu hoi ka ka malihini i ka hele a ana j ka pa puaa. N&ua aku la ke'.a (Aniani) iua ohnna puaa nei a kona kamaaina, a l ; uliu, uhau i! o la «eia i ka pule. (E hoomauia aku ana. ) «3* S3rTS, na pua o Hawaii: Eia o Alexander Liholiho De Fries he kama nau a he pua'lii han \u no ka aina, ua wehe ae nei he hale kii-onioni nona ma ke Alanui Hotele ma Ewa o Alanui Nuuanu. E na Lede ame na Keonimana hoinainau o ke Taona, i manao e ike i na kii onioni hooluolu manao e aka ai a pau ke aho, e kipa mua ae e ike i keia Opio Hawaii. E ike o Hawaii ia Hawaii. A malaila oe e ike ai i ka hana a Hawaii, i ka hoolewa a ha'i ke kikala. Nolaila, e kipa ke kanaka nui ame ke kanaka iki. Mai paa i ke aloha ia kaua hoa-kanaka.