Ke Alakai o Hawaii, Volume II, Number 9, 27 June 1929 — ULUAO'O NA KENAKOA I KE KIPU O NA AKENA HOAKEWA O KERAKO GLASS I KE KOMISINA HOOLE WAIONA A HOOVER [ARTICLE]

ULUAO'A NA KENAKOA I KE KIPU O NA AKENA

HOAHEWA O KENAKOA GLASS I KE KOMISINA HOOLE WAIONA A HOOVER

WAKINEKONA, 19.—Hoomanao mai la o Kenakoa Royal S. Copeland o Nu. Ioka i ka aha kenake i keia la i ka hana hoolapuwale a na akena o ke aupuni a hoomaopopo mai la i ke kupilikii maoli o ke kulana mamuli o keia hana a na akena. Oiai na kenakoa e hoinoino ana i ke komisina hoole waiona a ka peresidena, aia hoi e halawai aha ua komisina nei a ka peresidena mahope o na puka i pani paa ia iloko o kekahi hale o ke kulanakauhale. Hoahewa ikaika mai la o Kenakoa Glass i kā hooponopono aupuni ana a Hoover mamuli o ka hana a kana komisina hoole waiona.