Ke Alakai o Hawaii, Volume VII, Number 1, 3 May 1934 — MAHALO KA AHAELELE DEMOKALAKA I KA NUPEPA NAMU AWALAKAIKA NO KE KAULIKE [ARTICLE]

MAHALO KA AHAELELE DEMOKALAKA I KA NUPEPA NAMU AWALAKAIKA NO KE KAULIKE

I ka noho ana iho nei a ka ahaelele Demokalaka ma ka Hokele Young i ka Poaha o ka pule i hala, hookomoia ae la kekahi olelo hooholo e haawi ana ia aoao kalaiaina i na mahalo kiekie ioa i ka nupepa namu haole puka kakahiaka Awalakaika i kona kaulike ma ka hoopuka ana i na mea pili Demokaiaka iioko o na kolamu o ia nupepa ame kona mau manao pepa. Ua haawiia kekahi mau olelo pokole iloko o ka olelo hooholo e hoakaka ana i na mea'i hanaia e kela nupepa, a i ka waihoia ana mai o ka nihau e ka luna hoomalu o ka ahaelele, ua hooholo lokahiia ka olelo hooholo me kekahi baloka kue ole.

He oiaio, aole i ikeia ka hana o ka nupepa Awalakaika elike me keia mai kinohi mai, akahi wale no mai kela kau koho baloka aku nei ahiki no i keia la, a ua hoopuka mai ia nupepa i ka manao i ka helu o ka Lapule Apelila 28 aku la e olelo ana, e hoomau ana ia i ka haawi ana i ke kaulike i na aoao kalaiaina nunui a elua oloko nei o ke Teritore. He mea keia e hoohauoli nui loa mai ai i ka poe o ka aoao Demokalaka, no ka mea, o ka mea i kuluma i na nupepa namu puka kakahiaka o ke kulaankauhale nei, o ia ka huna i na mea e pili ana i ka aoao Demokalaka i ku ole i ko laua makemake a i ole i ka makemake paha o ka poe ona o ia mau nupepa.