Ke Alakai o Hawaii, Volume VII, Number 1, 3 May 1934 — LILO IA OAHU KA MANA O KE KOMIKE KELIKOLE KEMOKALAKA Loaa Ia Oahu He 19 Mau Lala i Na Apana Mawaho He 11 Wale No [ARTICLE]

LILO IA OAHU KA MANA O KE KOMIKE KELIKOLE KEMOKALAKA

Loaa Ia Oahu He 19 Mau Lala i Na Apana Mawaho He 11 Wale No

Iilo iho la ka mana o ka aoao kalaiaina Kemokalaka i ko Honolulu nei mau Kemokalaka. Ua ku no ka poe o na apana mawaho no ko lakou lanakila ahiki ole, no ka mea ua lilo i ko Oahu nei mau elele ka hapanui loa o na elele o ka ahaelele i malamaia ma ka hokele Young i ka la 26 o Apelila i hala aku la. No na makahiki lehulehu ka lilo ana o a mana o ka aoao kalaiaina i na mokupuni owaho, aka i keia makahiki loli kela mana mai ia mau mokupuni mai a i ka makupuni o Oahu nei mamuli o ka makemake o ka hapanui o na lala i akoakoa ae ma kela ahaelele. Ma ka hooponopono houia ana o na lala o ke komike kelikoe, loaa i na mokupuni mawaho he 11 wale no mau lala a he 19 ia Oahu nei, i maheleia he uni i ka apana 4 a he eiwa i ka apana 5. Kohoia na hoa o ka ahaelele ma ka nui o na baloka i loaa ia Elele Likana i ke kau koho mau o ka makahiki 1932. O ka hopena o keia hoololiia ana o a maheleheleia ana o na lala o ke komike kelikole, ua apono ole na elele o kekahi mau apana owaho nolaila huhu lakou a koi aku la i ko lakou mau apana me ka waiho iho i na manao, e kukulu hou ana lakou i kalapu mahele hou no lakou a nana ole i na kalapu o ka aoao e ku ana i keia wa. Kakooia o Likana i Moho Loaa mai he manao mai ia Elele likana mai e hoike mai ana i kona iini e holo i moho no ke kulana elele ana e paa nei, a i ka waihoia ana o kela manao imua o ka ahaelele, ua haawiia ke kakoo ana iaia ma ke ku ana o na lala o ka ahaelele iluna. He mau hoololi liilii i na lula ka i waihoia mai e ke komike lula a aponoia. Ua haawi mai kekahi mau Kemokalaka i mau manao hoeueu a hooikaika i na Kemokalaka i hiki ae ma kela aha, a iwaena o na olelo paipai i haawiia mai, ua koi mai o Mr. John H. Wilson. ka meia mua i na kemokalaka e hoomanawanui no na hookohu fedelala, no ka mea, wahi ana, ua oi loa aku na hookohu i haawiia ia Hawaii mamua o k hapanui o na mokuaina o ka aina makua. I ka wa i ku mai ai o Mr. Wilson no ka haiolelo ana mai, ua haawi aku ke anaina nui hewahewa i na leo hule loihi iaia no kekahi mau munike. Ua maikai no hana i ka ahaelele me ka mahina ame ka piha ohohia o ka apau. O ka nui lea keia o ka ahaeiele i malumaia e ka aoao Kemokalaka mai ka hooku maia ana o ia aoao ahiki i keia la.