Ke Alakai o Hawaii, Volume VII, Number 1, 3 May 1934 — LOAA KA MOOLELO HOU NO KA PUALI O PANAMA [ARTICLE]

LOAA KA MOOLELO HOU NO KA PUALI O PANAMA

WAHINEKONA, Apr. 24. —Hoomau iho la ke aumokukaua o Amelika Huipuia i ka holo ana ma ka puali o panama i keia po a kakauia iho la he moolelo hou o ka hooneeia o na moku ma keia wahi me na mikini pilikua e oni hoomau ana no ka hookele ana i na moku he 102 mai ka aoao Pakipika a i ka aoao Akelanika o Amelika. O na kauoha no ka hoonee ana i na moku ua hunaia ia mai na aliimoku mai a aole i haiia aku na allimoku'ahiki i ka minuke hope loa. O ka hopena ua lehulehu na moku ohua ame ukana i paaia e kali apau na mokukaua i ka puka ma kela aoao. Maopopo loa iho la ka holopono o ka hoonee ana i ke aumokukaua o Amelika Huipuia mai keia aoao a kela aoao ke hiki mai i ka wa e makemakeia ai lakou e hana pela ina paha i ka wa kaua a wa e ae paha.