Ke Alakai o Hawaii, Volume VII, Number 1, 3 May 1934 — HE MAHALO A HOOMAIKAI I NA LALA O KA AHAELELE [ARTICLE]

HE MAHALO A HOOMAIKAI I NA LALA O KA AHAELELE

Ke haawi aku nei au, o Honah Kumalae, ko oukou hoaloha, ia oukou e o'u mau hoa o ka ahaelele Demokalaka i noho ma ka halawai o ia aha i ka Poaha, Apelila 26, i hala aku la ma ka Hokele Young i ka hoomaikai nui loa no ko oukou hakua ia'u ma ko oukou haawi ana mai i ka oukou mau baloka no ke koho ana ia'u i lala a hoa no ke komike teritore o ko kakou aoao kalaiaina, a mamuli o ia kokua ana mai ia'u loaa ia'u ka lanakila ma ke koho baloka o ia ahaelele, a lilo au i hoa e kia a e alakai aku ai i ka nee ana o ko kakou moku kalaiaina i na makahiki elua e nee aku nei. E oluolu e o'u mau hoaelele e lawe aku i ka'u mau hoomaikai kiekie loa no ia kokua a oukou. E hoao ana au e lawelawe i ka lei o ka hanohano a ou- kou i hoolei mai la maluna o'u elike me ka hiki ia'u no ka pono, aole o ka aoao kalaiaina wale no aka no ka pono pu kekahi o na Demokalaka ame ka pono kaulike pu o ka lehulehu. O ke aloha no ko kakou. Owau no ka oukou kauwa, JONAH KUMALAE