Ke Alakai o Hawaii, Volume VIII, Number 53, 16 May 1935 — UA HOIKE IA KA UKU AUHAU O NA KALANA A PAU HOEMIIA KA AUHAU MALUNA O NA WAIWAI PAA [ARTICLE]

UA HOIKE IA KA UKU AUHAU O NA KALANA A PAU

HOEMIIA KA AUHAU MALUNA O NA WAIWAI PAA

-O ka auhau no na waiwai paa o ka Teritore nei, no ka makahiki 1935, ua hoike ia mai la i keia la*e Mr. Ernest Kai, luna hoopaa o na huaheiu no ke Aupuni Teritore, e hoike ana ia i ka emi ana o ko Honolulu nei mau auhau waiwai paa mamua o ko na kalana o Hawaii, Maui ame Kauai, mai ko ka makahiki 1934 mai.

O ka auhau i hoomaopopoia no ke kalana o Oahu nei no keia makahiki 1935, he emi loa ana iho keia malalo iho o ka makahiki 1933, oia hoi, he $29.94 maluiia o na waiwai-paa apau i heluia, a e auhaa ia ana kela ame keia $1,000 waiwai i'o i ka makahiki 1934 he $30.26; malalo iho nei e ike ia ai na auhau hou i hooholoia iho nei ma na kala like ole:

Kalana o Oahu M. H. 1935 $29.94, M.H. 1934 $30.26; Maui, M.H. 1935 41.06, M. H. 1934 39.33; Hawaii, M. H. 1935 47.58, M. H. 1934" 45,01; Kauai, M. H. 1935 36..02, M. H. 1934 29.15.

E 'hoike ana o Mr. Kai, o ke kumu nui o ka hoopiiia ana o ka auhau' maluna o na waiwai paa o na kalana e ae, mamuli mai no ia o k& nui loa o na hana hou no keia makahiki mamua o ko ka makahiki 1934.

Ua ikeiar iW me na hoolilo o ke aupuni kalana o Ilonolulu nei, a ua kohoia o na loaa apau mai na auhau o na kakalina ame namila hooholo o na kaa ma keia Teritare, ua hiki loa ia ioaa ke malama i na hoolilo apau o ke aupuni kalana, koe .wale iio na hana hou i hooholoia, ua hooholoia e hoopuka ia na bona o ke aupuni kalana no ka lawe ana ia mau hoolilo apau.