Ke Alakai o Hawaii, Volume IX, Number 6, 21 May 1936 — KUKULU HALEKULA HOU NO NA KEIKIKANE O KAMEHAMEHA E KOKOKE AKU ANA I KA HALEKULA HOU O NA KAIKAMAHINE [ARTICLE]

KUKULU HALEKULA HOU NO NA KEIKIKANE O KAMEHAMEHA

E KOKOKE AKU ANA I KA HALEKULA HOU O NA KAIKAMAHINE

He noonoo loihi keia i moe lolii iho nei me na kahu ifia« lama waiwai o Bernice P. Bishop. no ke kukulu ana i halekula hou no na keikikane o Kamehameha, na halekula hoi o na ano hou loa me na pono apau maloko o ka halekula, a e kukulu ia aku ana keia halek-ula hou 'malalo āku no o ka halekula o na kaikamahine o Kamehameha e kau mai nei maluna o ka puu i kapaia ka Puu ō Kapalama, oia hoi. niaīuna aku o ke Ana-oka-Mano a nia kekahi aoao mai

o Alewa. o keia ae la na manao o Albert F. Judd, lunahoomalu o ka papa kahu malama waiwai. O keia halekula ano hou e manao ia nei e kukulu aku no na keikikane elike la me ko na kaikamahine, kekahi mea a ka papa i noonoo ilui ai no kekahi manawa loihi i hala ae, mamuli o ka ike ia iana o ka holopono ioa o ka halekula o na kaikamahine. a oia ka Mr. Judd i hoike ae ai, ua hiki mai i ka manawa kupono no keia hana nui, mamuli o ka ike ia ana o ke ola ohaha o ka waihona ame kekahi mau pono e ae no ka hoala ia ana o keia hana. O ka hoolilo no ke kukulu ia ana ai o ka haiekula hou 0 na kaikamahine o Kamehameha, ua oi aku ia maluna o ka miliona dala: o ka huina nui o na hoolilo no keia halekula hou no na keikikane, aole paha ia elike aku ana me ka halekula o na kaikamahine, no ka mea, he nui na hana i hana mua ia ai aole e hana hou ia ana ma keia kukulu ia ana aku o keia halekula hou o na keikikane, e laa na haha alanui ame na hana eli paipu-wai. Eia ke ku nei i keia wa, kekahi o na hale hoolaule'a nui' loa a ua manao ia ua lawa a kupono no na halekula a elua, a e oki ana ia hoolilo 1 ke kukulu ia ana aku o keia haleku-la hou. O kekahi, o na halekula a elua e hiki ai ke hui pu, oia no kēkahi halepule, a ka papa kahu waiwai e noQnoō ana e kukulu pu ia akū ia i ke kukulu ia ana aku o keia halekula hou o na keikikane o Kamehameha. Mawaho ae o keia mau mea, ua kaawale no ke ano o ke ku ana o na halekula a elua; a elike no hoi me ko na kaikamahine e ku nei i keia la, pela aku no me ko na ka lawa ame ka makaukau ma na mea apau e pili ana i ka noho ana o. na keiki. O ka mea kaha-kii nana i kaha na kii o ka halekula o na kaikamahine, oia no o Mr. C. C. Dickey.