Ke Alakai o Hawaii, Volume IX, Number 34, 3 December 1936 — HOONUIIA KO RUKIA PUALI He 1700 Pakeneta Ka Nui Mai ka Makahiki 1933 Mai [ARTICLE]

HOONUIIA KO RUKIA PUALI

He 1700 Pakeneta Ka Nui Mai ka Makahiki 1933 Mai

MOKEKAO, Rukia, Nowemaba 28 — Mamuli o ko ■lapana hooweliweli ana ia Kina ame na aina Pake e aku, iilo ia i mea e hoomakaukau ai o Rukia i kona mau oihana kaua me kona hoopuipui*ana i na mokukaua, na puali koa ame na mokulele. Ma ka hoomaopopo pono ana, me he ala he 1700 pakeneta ka oi aku o kona ikaika i keia manawa mamua o ka mea i hoomaopopoia iloko o ka makahiki 1933. WeheweĀe ae Ia o Adimarala Ivan Orloff, ko Rukia oihana kaua moana alii nui imua o ka poai o na. alii kaua he 300 pakeneta, na papu e ku nei ma.na aekai ame kahakai he 75 pakeneta, na pu kiki mokulele he 100 pakeneta ame na mokulele i ka moana he 510 pakeneta. I kona hoonohonoho ana eia na mana apau o Eurgpa ke hookelakela nei ma na moana a hoeueu ae la oia i na alii nui o ko Rukia noho ? - na kaua ana e pono lakou e, kukulu i kekahi mana kaua, |moana i oi aku mamua o na ! aupuni e aku, elaa me Kelejmania ame lapana, e hoowe- ! liweli mai nei iaia.

Mamuli o na hoike i loaa mai e pili ana i na koa i make, ōiai ke kaua e malamaia* ana mawaena o na puali koa o Hukia āme lapana ma ka mokupuni o ftfanchukuoan, ke lilo nei ia i mea e hoopaonioni ana ka noho'na ame ke kulana māwaena o Rukia ame lapana. Ke h<ipohopo nei na lunanui ame na alii nui o Rukia iaa e hoomau ia ana ke kaua ma Manehukuoan, e komo pu aku ana'paha o Kelemania e kokua ia lapana no ka like ana o ka manao o keia mau lahui maluna o ka ninau kalaiaina. Ua lonoia ke hoopuipui nei o Rukia i kona mau puali kiai e noho nei ma kona mau paiena aina no ka makaaia ana ina e ala mai ana ke kaua, oi aku na apana aina ma kona Hikina. , O Maxim Litvinoff, ko Rukia kuhina nui ma na aina e, hoike ae ia oia i ka po nei i kona lohe ana i ka hanaia ana o kekahi aelike mawaena o lapana ame Kelemania no ka lawe pio ana ae i na aina apau o Ēuropa, Wahi ana oia ke kumu i ala mai ai ke kaua mawaena o na puali koa Kukia ame na puali koa o lapana ma Manehukuoan,