Ke Au Okoa, Volume VI, Number 1, 21 April 1870 — MA KE KAUOHA. OLELO KAHEA. [ARTICLE]

MA KE KAUOHA.

OLELO KAHEA.

O Makou, KAMEHAMEHA V., Moi, ma ke Ahonui o ke Akua, o ko Hawaii Pae Aina : KE KAHEA AKU NEI, O ko Makoū makemake a me ka oluolu, i kulike ai me na hoakaka ana o ko MaKOU Kumukanawai; e hoakoakoa ae na Hoa oka Ahaolelo Kau Kanawai o ko Makou Aupuni, ma ka Hale Hookolokolo, ma ko Makou Kulanakauhale o Honolulu, no ka lawelawe ana i na Hana o ka Lehulehu ; ma ka hora 12 awakea o ka Poaono, la kanakolu o Apenla, i ka makahiki o ko Kakou Haku, Hookahi Tausani Ewaiu Haneii a me Kanahiku. Haawiia malalo o ko Makou Sila Alii Nui, ma ka Halealii lolani, ma ko Makou Kulanakauhale o Honolulu, i keia la mua o Maraki, M. H. Hookahi Tausani Ewalu Haneri me Kanahiku, a i ka Ehiku hoi o na Makahiki o ko Makoū Noho Alii ana. KAMEHAMEHA K. Na ka Moi. Kuhina Kalaiaina, F. W. Hutchisoiī.