Ka Elele, Volume 9, Number 18, 15 November 1854 — AHA INU RAMA MA LIHUE, EWA. [ARTICLE]

AHA INU RAMA MA LIHUE, EWA.

Ua hai ia mai ka hana ino maoli o kekahi poe hui inu rama ma Lihue, Ewa. Ua hui na kane, na wahine, na keiki iloko o ia hana ino. Ua ona loa a waiho wale na kino, aole kapa. llokooiaaha kekahi poe ano koikoi, ame kekahi poe hoahanau ; ua hui pau loa i ka ona. Pela ka palapala mai Pehea keia ? Auhea ka Lunakanawai o Waianae ? Auhea na Makai? Ua hiamoe paha ; aole paha he Kanawai i keia wa rna ia mau aina. Kupaianaha! E, auhea oukou na kanaka Hawaii, o ka lua pau keia e ino ai ko oukou noho ana, o ka rama. Pehea la ka pono ? Oka hookapu loa ka pono, ke ®le ke Kuikahi me ke Aupuni e. Pela ma kekahi mau moku o Am. Huipuia, ua hapai ikaika loa ka Ahaolelo i ka oihana kinai rama, a uahookapu loa, a kapu loa ka rama. Nolaila, ua maluhia loa, aua emi ka ilihune, amp ka hoopai Kalaima; ua neoneo na Halepaahao, aole nui na lawehala. Ple nani ia ; nani maoli. Ina pela ma Hawaii nei, nui ka pomaikai. I keia wa nui loa ka ona ma Honolulu nei. K. L.