Ka Elele, Volume 9, Number 19, 1 December 1854 — MAKE EMOOLE [ARTICLE]

MAKE EMOOLE

Eka Elele Hawaii e ; aloha oe. Ka opua hiki kakahiaka o Huwaii nei, e mikioi ana i na mea hou a ka poe noiau , a hai ae i mua o ka lehulehu, nolaila. E opu kanaka makua iho oe i keia wahi miki poi, i kamau ke ea ; a kipa aku i kou mau makamaka e ola ai. I ka la 27 o Npv. hora 6 ahiahi, make o J. P. N. Kauhane ma Waipio, Ewa. Aole maooopo kona mni i make ai, aka, he poniuniu nae kai loaa ia ia Hala paha akahi minute. O ka pau noia o kona ola. He kino ikāika kona i keia la, kamailio oluolu ia me kona ohana, a me kana wahine, a hoouna oia i kana wahine ma kalii o A. Bishop perena ; a liuliu iki, hele oia ma kahi o kekahi poe kane e noho ana, kamailio oluolu ia me lakou a liuliu loa. Oka hio i hola no ia o kona kino, a pono ole. Lomilomi aku la kona poe hoa ia ia, aole oluolu. Ao ka pau ae la noia o kona ea. Aolē ike kana wahine ia ia, a ua hala aku la. He kanaka pono o Kauhane, he haumana ia no Lahainaluna. Ekolu paha ona mak. i noho ai malaila, a loaa ke akamai, a ua lilo ia i kumu e ao aku i na haumana ma Waipio. He kanaka ahonui keia i keia hana, he ao pololei, ahe mikioi maoli i ke ao aku, a he hoopai pololei i ke kolohe o na haumana, a ua lehulehu ka poe i komo iloko o Lahainaluna ia ia. Aole kumu ma Ewa e like me kona ana. He 10 pha ona mak. i noho aima keia hana, me ka oluolu no. Aua kokua oia ika N. Naheana oihana me kealoha ia. Iloko o keia mak. ua hooliloia mai oia i Kahu no na haumana ao ma ka Olelo Bcritania ma Ewa. Aka, ua malama pono ia me ka paipai pololei i na haumana, “ e hooikaika pono i ka naauao.” A ua hala aku la ia, koe kona meheu me ke aloha nui ia. Auliea la ka mea pani i kona hakahaka ? Ma ke ao ana, kokua ana, a me ka malama ana i na keiki, auhea ?

Oko oukou makamaka no keia e ka poe noiau o Hawaii nei, a ua hala aku la ia me ke aloha nui. Aole oukou e ike hou ia ia ma kona kino, a i kona inoa hoi. Ua nalu ! Ua nalo !! Aua emi loa aku la. S. W. Mauerona. Waiawa, Ewa, Not. 29, 1854.