Ka Hae Hawaii, Volume 5, Number 13, 27 June 1860 — Hoike Kula. [ARTICLE]

Hoike Kula.

I keia pule iho nei. ua hoike nui na kula o o ka Apana o Honolulu, mai Maunalua a Moanalua; ma ka nana ana i ka hoike ana, makaukau no na haumana. Hemahema no nae na kula o Waikiki, Manoa, Makiki a me Wailupe, ma ka Palapala Aina. O na kula e ae makaukau ma ia mea; o ke kula kaikamahine ma Roma ka mea oi aku. I ka poalima, akoakoa na kula a pau ma ka hale pule ma Kawaiahao e hai olelo, paio, pa -ko-li, a me na hana lealea. O ke kula o Kea ka mea oi aku ka makaukau ma ke mele ana. Maikai maoli kana hana malaila. Piha loa ka hale i na kanaka; akahi no ka piha loa; a o ka walaau ka hewa. Aneane pono ole ka hana no ka walaau, hiki ole ke hoomalu.