Ka Hoku o Hawaii, Volume XXXVIII, Number 48, 22 March 1944 — Komo Ia E Ka Powa [ARTICLE]

Komo Ia E Ka Powa

Ma ka po Poaha o kela pule aku nei i komo aku ai kekahi kanaka me ka paa o kona helehekina i uhi ia me ka hainaka maloko o kekahi halekuai i ona ia e Mr. Taken»ura ma ke alanui Laukapu me ke kau pu ana aku i ka wahi o ka pu laipala. Ua hoike ae kela ona halekuai e makaukau ana laua e pani i ka halekuai o ka wa no ia a kekahi kanaka i komo aku ai ma ka puka aoao o ka halekuai a kauoha maila iaia me kekahi wahine okoa iho e hoi hou aku no lokd o ka halekuai me ~ke kau i; kapu imua o laua. a hoike ae o Takemura no kona kauoha ia ana e wehe ae i ka pahu dala a e lawe ae i ka huina elala maloko o ua pahu nei 1 hiki aku ma kahi o ke $89,84 me na pila dala ame kala kuike a hookomo iho iloko o kekahi eke pepa maluna o ke pakaukau kuai r Aia ma kahi o 5 kapuai ame 8 iniha ke kiekie o kela kanaka a ua walaau ae oia me ka leo halulu ioa, ua lalau ku oia i kela eke pepa a haalele koke iho la no i kela halekuai, e like me na mea i hoikeia aku i ka oihana

makai. Ua hoike ae nohoi o Mrs. Takemura, ma ke kakahiaka o ua la aia uā komo aku he elua mau kanaka a koi mila i mau omole Coc-a-Cola. Ua haawi mai kekahi 0 laua he pila dala o $20.00, a i ae ole ia mamuli aole ke kuni o Hawaii maluna o ua pila dal-a ala. He ano hoohuoi nohoi na hana a keia kanaka. Ua. nana ae oia 1 ka pahu dala. Aia paha ma kahi o 5 kapuai ame 8 iniha kona kiekie.