Kuokoa Home Rula, Volume VII, Number 1, 1 January 1909 — Ke Aloha Makahiki Hou. [ARTICLE]

Ke Aloha Makahiki Hou.

Me keia helu o Ka Hiwahiwa AKA Lahui e oili pulelo aku nei me na moolelo hooniua puuwai o Kawelo, ka hiapaiole o ka ikaika, ka eueu nana i hoohaahaa i ke oolea ame ke pukonakona o Kauahoa, ka Ui kaulana 0 Hanalei, i ke one o Mahamoku, a pela hoi me' Hiiakai kapoli o Pele, ka Ui o ka palekoki uwila 6 Kilauea, ! wili pu ia me Aria ka Ui hapa {talia a o ka nani o Rivela Home, ka puukani nana 1 hoonaue holookoa ke Kulanakauhale o Ladana ame Alamira ka Ui o Sepania a o ka oniu makakila makaukau. Ke oni pu aku nei ko makou ALOHA Makahiki Hou imua o ko makou mau hoaloha ame na makamaka. Ake lana nei ko makou mau manao me ka ulumahiehie maikai, he Makahiki POMAIKAI ae keia no kakou apau, a POMAIKAI pu hoi ka aina. Pomaikai kakou na kanaka Hawaii pomaikai ko kakou mau hoaloha haole, na oiwi hanau o ka aiua, na kupa o ka aina ame na malihini nohoi.