Ke Kiai, Volume I, Number 5, 18 September 1902 — KE KOI PAUAHI A NA PAKE. [ARTICLE]

KE KOI PAUAHI A NA PAKE.

Ua waihoia ae he noi na ka Hui Pake i na Komisina e hoika ana i ko lakou poino ma ka pauahi nui o ka la 20 o Ianuari, 1900, mamuli o ke ahi o ka Papa Ola, no ke pale ana aku i ka maʻi bubonika e laha ana iloko o ia mau la. Mamuli o ia ahi, ua pau manale iho la ko lakou mau pono. He noi keia i na Komisina e hooikaika aku i ka Ahaolelo o Amerika e hooholoia i Pila Haawina e lawa ai no ka uku piha ana i na poino o kela pauahi.