Ke Kumu Hawaii, Volume I, Number 9, 4 March 1835 — Page 69
1835.) KUMU HAWAII. 69
palapala no e hana'i. A ekolu paha, eha paha ka heluhelu ana o keia palapala, alaila e haalele ia a e heluhelu ma kekahi palapala hou, no ka mea ina e heluhelu lakou ma keia palapala a liuliu e paa naau no ia lakou na olelo iloko, a e heluhelu mai lakou ma ka naau, aole me ka maka, e like no me ka lakou heluhelu ana ma ka P-a-Pa Kamalii.
Auhea oukou a pau, ua lohe oukou i kuu wahi manao no ka hana ana iloko o ke kula a kakou. E hoao kakou i keia hana ana. Aole no au i manao, oia ka hana ana ku pono loa. He hana hoao wale no ia. A ike kakou ua hemahema kekahi hana ana a'u i kuhikuhi aku ai ia oukou, alaila e haalele no kakou ia hana ana a e imi no i ka hana hemahema ole. E inu no kakou i kela a i keia la a e hoopaa i ka mea i pono a e hoololi hou ae i ka mea hemahema. Lehulehu no na aoao e ao aku ai i na kamalii. Pomaikai loa no ke kula. Ke loaa ia kakou ka aoao ku pono loa.
Kulanui, Ian. 1835.
HELU 15.
KA EPISETOLE A PAULO I KO ROMA.
MOKUNA 5, — PAUKU 3—16.
Mar. 23 — Ape. 5.
3 Aole ia wale no, ke hauoli nei no loa kakou i na popilikia, e ike ana, e hana ana ka popilikia i ke ahonui.
4. A o ke ahonui i ka hoao ana, a o ka hoao ana i ka manao lana.
5 A o na manao laua la aole ia i hoohilahila, no ka mea ua nininiia mai ke aloha i ke Akua iloko o ko kakou mau naau e ka Uhane Hemolele, i haawiia mai ia kakou.
6. No ka mea, a ia kakou i nawaliwali ai i ka wa pono make iho la o Kristo no ka poe pono ole.
7 No ka mea aneane hiki ole i kekahi ke make no ke kanaka pono, malia e hiki paha i kekahi ke make no ke kanaka lokomaikai.
8 Aka ua hoakaka mai ke Akua i kona aloha ia kakou, no ka mea, i ka wa e hewa ana, make iho la o Kristo no kakou.
9 Nolaila hoi ke hoaponoia mai nei kakou e kona koko, he oiaio no, e hoopakeleia mai kakou i ka inaina.
10 No ka mea, ina i ko kakou wa e enemi ana i hoolauleaia'i kakou ma ka make ana o kana Keiki, he oiaio no, a laulea kakou, e hoola io ia hoi kakou ma kona ola ana.
11 Aole o keia wale no, ke hauoli nei no hoi kakou i ke Akua ma ko kakou Haku ma Iesu Kristo ma ka mea i loaa mai ai ia kakou ka hoolauleaia.
12 No ia mea, me ka puka ana mai o ka hewa iloko o ke ao nei ma ke kanaka hookahi, a ma ka hewa mai ka make; pela hoi i kau mai ai ka make maluna o na kanaka a pau, no ka mea ua pau lakou i ka hana hewa.
13 No ka mea iloko o ke ao nei ka hewa a hiki mai ke kanawai, aka aole i manaoia ka hewa i ka manawa kanawai ole.
14 Aka hoi ua lanakila mai la ka make mai ia Adamu a ia Mose, maluna o ka poe aole i hana hewa, e like me ke ano o ko Adamu hala, oia hoi ka hoailona o ka Mea e hele mai ana.
15 Aka aole e like me ka hala ka lokomaikai ana mai. No ka mea ina ma ka hala o ka mea hookahi, i make ai ka poe he lehulehu, oia io hoi, ua nui mai ka lokomaikai mai o ke Akua, i ka poe he lehulehu a me ka makana i haawi lokomaikaiia mai ma ke kanaka hookahi, ma o Iesu Kristo la.
16 Aole like hoi [ka hoahewa ana mai] ma ka mea hookahi i hana hewa, me ka hoawi lokomaikai ana mai, no ka mea no ka hala hookahi ka hoahewa ana mai, e make, aka no na hala he nui wale, ka lokomaikai ana mai e hooponoia.
KA HOOMOAKAKA ANA
3 Maloko o ka popilikia ka hauoli ana, no ka mea, he maopopo i ko ke Akua poe kanaka, ua lilo ko lakou ehu ana me ka pilikia ana i mea e nui ai a e maopopo ai ko lakou ahonui, a me ka hoomanawanui.
4 A ma ke ahonui a me ka hoomanawanui, ua hoaoia'i lakou i akaka ko lakou ikaika ma ka manaoio, a me ke kupaa ana ma ka pono, a malaila i hooponoia'i.
A o keia hoao ana, a me keia hoaponoia ua lilo ia i mea lana ai ka manao.
5 A o ka manao lana o ke kanaka i hoaoia iloko o ka popilikia, e ahonui ana, a e kupaa ana, aole e lilo ia manao lana i mea e hilahila ai a e hoka ai. No ka mea ua hoonuiia ke aloha i ke Akua iloko o kona naau e ka mana o ka Uhane Hemolele: oia ko ke Akua hooikaika ana i ka naau o kona poe kanaka.
6 Nawaliwali kanaka aole ikaika i ka hana pono, ua mai, ua pio i ka hewa, alaila, i ko ke Akua manawa pono, make ka Mesia i kalahala no ka poe hewa.
7 Aole paha hiki i kekahi kanaka ke haawi i kona kino a make io, no kekahi kanaka hewa ole, i pakele ia, aka e hiki paha i kekahi ke make, e pakele ke kanaka lokomaikai loa, ka mea i hana nui ma ka maikai.
8 Aka, o ka make ana o ke Keiki a ke Akua no ka poe hewa io, i pakele kakou ka poe i hana hewa ia ia, oia ka mea i moakaka loa ai ko ke Akua aloha ia kakou.
9 A i loaa ia kakou ka hoaponoia ma ko Iesu make ana i ko kakou noho hewa ana, alaila e hoola io ia mai kakou eia, a e pakele loa i ka hoopai ana ma ia hope aku.
10 No ka mea, ina ma ka make ana o Iesu, i hoolilo ae ai oia i na enemi i mau ohua aloha no ke Akua, alaila, ma kona ola mau ana e hiki ia ia ke hoola io i na ohua aloha, i ola loa ka poe i hoohuliia, a i hoolauleaia, a i kalaia, a i hoomaluia ma kona koko. Ina ma kona make i pau ai ia ia ka mea paakiki, a kaumaha loa, alaila ma kona ola ana me ka mana mau, e oiaio kona hapai ana i ka mea oluolu e koe, ka mea mama loa ia ia.
Ina i hiki i ko kakou Haku, i kona hoohaa ana, a e nawaliwali ana e make ana, ke hookaawale i ko kakou hewa, i malu kakou me ke Akua, e nui loa aku kona hoopau ana i keia hana ana i hoomaka ai, ma ia hope aku i kona Alii ana, me ke ola a me ka mana a me ka nani mau loa.
11 Aole ia wale no o ka maopopo ana o ke ola o na mea i hoolaueaia, a me ka hauoli ana i ka pono o ka popilikia, aka he hauoli io kekahi ko kakou i ke Akua, oia ko kakou Akua, ke kumu o ko kakou olioli mau ana, ma kana Keiki ka mea i laulea ai kakou a malu io.
12 Na Adamu ka makua mua i hoomaka i ka hewa i ke ao nei, a na ka hewa i hoomaka i ka make; ka uku ia no ka hewa, pela i pili ai ka make i na kanaka a pau no ka