Ke Kumu Hawaii, Volume IV, Number 24, 24 April 1839 — Page 95

1839.) KUMU HAWAII. 95

kakou naau, aole loa e pau ko kakou noho pouli ana, no ka mea, ke hana nei kakou ma na mea hewa. Nolaila la ea ke nonoi aku nei au ia oukou e hoopau i ka manao ana ma na mea lealea a me na me ku e i ke kea o Kristo.
                Nana i kapaia mai ka inoa o ka ohana a pau ma ka lani, a ma ka honua. He minamina nui ko ka Haku i ka loaa ole o ka manaoio ia kakou, no ka mea, ke hoopiha nei kakou i ko kakou manawa i ka paani, i ka hoopaapaa, a me ka hakaka, a me ke ku e i kekahi i kekahi: aka, he mea ole ke ku e i kekahi i kekahi; aka, he mea ole ke ku e aku i kekahi i kekahi. O ke kue aku ia Iehova oia ka mea weliweli loa. Nolaila ia ea, mai noho hoopalaleha kakou. E noho mihi, a e noho pule, a e noho makaukau aku ia ia, i loaa ia kakou ke ola mau loa. Eia kekahi. E o'u mau kaikuaana a me o'u mau hoalauna pau iloko o ka Haku, e kupaa kakou ma ka manao e hoa kakou ia kakou iho, mai hana kakou i na mea pono ole imua o na pokii o kakou. E kokua, a e manaoio aku i ko kakou, ilaku
Na KAUMAEA.

KE KUMU HAWAII.
WENEDE, APERILA 21, 1839.

                Aole okana mai o na palapala kakaulima a me na palapala mea hou i paiia, a me na buke i loaa mai i na misionari, mai ka Fama mai. Ina paha e uhauia maloko o na barela, piha na barela ekolu eha paha. He nui na mea hou, akahi no o lohe ia mau mea la a pau, aka, aole i akaka kekahi mea hou ua oi aku maluna o kekahi e pono ai ke kakau; aka, ina paha e hoomaka iki ke kakau ana piha e auanei ke K.H. He kahiko ka nui o na palapala no ka holo ole o na moku.
                No ia mau mea, aole makou i kakau i ka mea hou no keia K.H. Mahope aku paha loaa i kekahi mau hua pono kakau iho no.

                Lohe iho nei makou, ua make o Aberahama Kaikioewa ma Koloa i Kauai i ka la 10 o Aperila nei, i ka hora 6 o ke kakahiaka. O ka lua keia o na kia i hina ae nei. E pono hoi na lii i koe ke hoala, a me ka hooikaika i ka hana e malu ai ke aupuni.
                Eia na kumu i hiki mai ma Honolulu nei, e kali ana i ka halawai nui ma ka 15 o Mei. O Mi. Alekanedero o Mi. Hikikoke o Mi. Rikardi, o Mi. Rogese, o Mi. Vaneduse o Mi Napa, a me ka lakou wahine a me ko lakou mau kamalii a pau. O Mi. Kalaka wahine kekahi.
                Kokoke hiki mai kekahi poe hou mai.

LAHAINALUNA Mar. 28, 1839.
IWI HAI.

                He mea hou i hoike ia ma Lahainaluna nei i keia la i hala iho nei; he mea kupanaha loa.
                Eia ke kumu o keia hana ana. Elua la ona i halihali ai i ka wahie, hookahi paila a laua i halihali mai ai na makou.
                A i ke kolu o ka la o ko laua hali ana mai, pau koke no i ke kakahiakanui, i ka hora eiwa o ke kakahiakanui. Alaila, kii mai i ka lole, hookahi apa' oia ke kumu kuai no ka paila hookahi.
                I ko laua hele ana aku a komo aku i ka puka mawaena konu o ka hale kulanui nei. I kona hele ana maluna o na papa i kapiliia ai o ka hale; aole ona nawaliwali, ikaika no. Aka, i ko na pii ana i ke ala anuunuu o ko makou hale nei, o ka hai ae la no ia o kona iwi uha hema, a hina iho la ia ilalo. Alaila olelo aku la ia i kekahi i pii e aka mamua. Heaha iho nei la hoi keia o'u? I mai la kela ia ia. Heaha ka hoi kau, ua hai oe. Nana iho ia laua, ua hai io no na lewa ka iwi uha.
                Ua lohe no kekahi mau haumana o makou i ka aina ana o kona iwi. Aole kumu o kona hai ana, aole oia i hina, aole no hoi i kuia, aole no hoi i okupe, e pono ai la hoi ka hai ana. Aka, eia ka mea kupanaha o kona hai ana. I kona pii ana i ke ala anuunuu mua malalo iho, i ke kaikai ana ae i ka wawae akau, a ku maluna o ka papa malalo iho. Alaila, hai koke ae kona uha hema. Alalia, kii koke aku la kekahi kanaka i ke kauka Baluina i Lahainalalo, a pii mai la oia maluna o ka lio; a nana iho la ia ua hai io no; alaila, kapili iho la i ka papa ma kekahi aoao, kekahi ma kekahi aoao; a hoihoi ia aku la i kona wahi.
                Elua o makou manao no keia hana kupanaha. O kekahi, he hai kahiko, a o kekahi, he kumu e ao mai ana ia makou, na haumana o ke kulanui nei. Aka, o ka pono loa, he kumu, a he hana kupanaha paha.
                Aloha oe e Semita; e hoakaka aku i keia mea kupanaha i na haumana, a me na kanaka a pau o kou kihapai. Aole hiki iaia ke hanai keia mau la
Na KAPEAU.

LAHAINALUNA Mar. 26, 1830.
KE KALANA,
No ka hele ana mai Lahainaluna aku i Oahu. Oahu.

                Aloha oe e K.H. ke hoakaka aku nei au ia oe i ke ano o ia mea, no ko'u noho ana, a me na mea a'u i ike ai, ma keia holo ana. Ua noho no au ma Lahainaluna nei i na makahiki elua, a me ka hapa. Mai ka Iulai o ka makahiki, 1836 a hiki i ka Ianuari o ka makahiki, 1839 i kela malama hoomaha ke kula a makou i ka poakolu lua.
                I ke ahiahi o ua la la, ua makaukau ka moku no na'lii o Kauai, ee iho la maua, owau a e Kamakau, a holo aku la. A i ka holo ana, ua loaa ka moku i ka pohu, a me ka lai, he wahi makani uuku nae, mai ka hikina akau mai. A i ka hiki ana aku i ka lonitu like me ka lae o Kaena ma Lanai, o ka pohu iho la no ia, a wehe mai la ke alaula o ka malamalama.
                Mai ia la a po, mai ia po a ao, a i ka hora eiwa paha o ke ao, ku iho la makou ma Honolulu. A i ka la umikumamalua, haalele iho la au ia Honolulu, a me ko'u hoahele, e manao ana e hiki ma Waialua ia la no. A i ka hele ana, ua poeleele koke ma ke kahawai o Waikakalaua, no ka mea, ua nawali wali ka io.
                Wehewehe ae la au i na kaula o ka lio, a hele wawae aku la. A i ka hora umikumamakahi paha o ka po ko'u hiki ana ma Waialua; a ao ae, o ka la Sabati no ia, ka la e akoakoa nui ai ka poe haipule e hoomana i ke Akua.

No na mea a'u i ike ai.

                Ua ike au i na alanui ma Honolulu, i ia ala ma ka loa a me ka laula, aka, aole nae i pau i ka hanaia a maikai loa. O ka hale pule kekahi mea a'u i ike ai, a ua kau no ke kua o ka hale mua. Ma Ewa kekahi mau alanui i hana ia a maikai, aole nae i nui, uuku no.
                Ma Waialua kekahi mau wahi i hanaia, aole lio i mahuahua. O ke alahaka kekahi mea a'u i ike ai, ma Waialua he ala i hanaia maluna o kekahi muliwai, a hele no na mea he nui wale, aole no e hiki ke hiolo.
                O ka huilawai kekahi mea a'u i ike ai, e kaa mau ana no ia i ka po a me ke ao, na ka wai no e pauma e like me na aina naauao. A o ka wai i paumaia eia iho no, hiki aku la ia i kahi ahua kiekie, a kupanaha ia mea hou.

No ka halawailoa.

                Ua hoomakaia ka halawailoa ma Waialua i ke ahiahi o ka la 21 o Ianuari, a hai mai la na kahuna i ka olelo. Aia ma Nah. 32: 23, kekahi pooolelo.
                Tusede. 22. He halawai no na kanaka a pau i ke kakahiaka, 8 o ia hora, ka halawai kamalii a i ka 10 o ka hora, ka halawai no na kanaka a a pau. 2 Kor. 5: 11. A i ka hora elua ka halawai o ka ekalesia.
                A i ka hora, 3 a me ka hapa, na na kanaka a pau Dan. 5: 21, a poeleele, halawai hou 2 Kor. 10: 12. I keia mau halawai a pau, ua hooikaika na Kumu me ko laua ikaika iho, me ka