Ka Lahui Hawaii, Volume I, Number 21, 20 May 1875 — Ka inu uala. [ARTICLE]

Ka inu uala.

E ka Lahui Hawaii; —Aloha oe: I keia man la, ke lohe mau ia akunei ka inu uala ma keia wahi o Waiohinu, Naaleku ame na wahi e ae. Ua hai ia mai no hoi, ua laweia ka uala i mea e pau ai na haua, maliiai, a pa pohaku e like me ke ano o na au i hala, a i ka naiia aku, e hoolana loa mai ana no paha na kanaka. Ua lohe pu ia mai no hoi, o ka Lunakanawai mua o Kau nei, ua hooinu ae oia i kanaka i hele ae i kona la waele mahakea ; a no ka ona ka o kanaka, ua hana pono oleia ka mala, aole ka he pau pono, a pelaleu.

A na lohe pu ia mai 110 hoi, na lawe ae kekalii kanaka ika umeke uala, i mea e paa ai kona pa pohaku. a ua inu iho na poe hana. Ua lohe pinepine ia ka olelo, aole ka he kanawai oka inu uala, e kuhi ana pnha o ke ano o ka mea inu ka ke kanaw&i i papa mai ai, aole ia, o ka ona wale no ea ? A malia paha, o laweia ae na pahu bia, i mea e paa ai na pa, a e pau ai hoi na mala ai i ka waele ia, oiai, ke ala mai nei na mea ano pono ole. Oka oi loa aku no nae, o ka poe paahana o ka mahiko o Naalehu, aia a ka la Sabati, hele i na kauhale i ka inu rama, pela ka lohe mai.

Nolaila, e ao mai oe e ka Lahui Hmeaii i ko keia hapa o Kau nei, mai hana i na mea ino, o ala mai a nahu iho me he nahesa la, e hai pu mai hoi i na luna o ke aupuni e makaala, oiai mamuli e nui mai ana ma» hope ka iuu uala, bia, ia mea a ia moa aku. Me ka mahalo. Loue.