Ka Leo o ka Lahui, Volume II, Number 171, 14 April 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           HONOLULU, APERILA 14, 1891.  Helu 1:1

 

HE NANEA PAHAOHAO

 

- : NO : -

 

TAUSANI

 

- A ME –

 

Saribano.

 

Ka wiwo ole hoi o na wiwoole – Ka Poai honua kunukunu ole – Ka mea hoi nona na lima i ale ai ke ao holookoa.

 

            Lele iho la keia ilalo a nana ae la ma o a maanei.  aohe maaloalo kanaka, aohe no hoi he hale kokoke mai, noonoo iho la keia mahea la ia e hele aku ai e loaa ai iaia he hale.

            Hele wale aku la no keia me ka maopopo ole o kana wahi e auana nei, aka, ua haupu ae no nae keia e halawai ana ia me ka luahine Tausani.

            No ka make ana hoi o kela kahulio iaia, hoomanao ae la keia, he hiki no i ka ia nei uwepa ke kanu ola aku i ka luahine kupua me keia uwepa.

            Iaia nei nae e hoomau ana i ka hele ana, ike aku la keia i ka uiuiki mai o kekahi kukui ma kahi mamao loa.

            Iaia nei nae i kaalo ae ai malalo pono o kekahi puka pa kiekie, ua lohe ae la keia i ke olowalu o na kiai e hea ana: He kupua, he kupua, eia la.

            I ko ia nei lo@e ana i keia leo. hoomanao ae la keia no ia nei keia leo e kalahea ia nei, a pee iho la keia.

            Oiai nae keia i pee iho ai. ua ike koke ia mai la no keia e na kiai, a manao ae la keia i ko ia nei make ia lakou.

            Loaa mai la keia i kekahi mau kanaka a hoomaka mai la laua e hopu iaia nei, aka, me ka eleu nui ua hili aku la keia i ka ianei uwepa lele liilii ana ua mau kanaka ala i kahi e, aole i ike ia ko laua mau pauku kino.

            Kali aku la keia o ka n@ea mai o ua mau kanaka ala, aohe nae he wahi mae a oili hou mai, manao iho la keia ua loaa pono laua i ka uwepa aia nei.

            He wahi uwepa maikai loa ka hoi keia, wahi a ke keiki o@o i pane ae ai, no kuu pule ana aku nei paha kekahi i ke akua o kela luahine.

            Oiai no keia e nalu ana no keia mea. hoea hou ana no he poe kanaka hou. a loaa pono iho la keia ia lakou, a pane aku la keia:

            E hookaawale aku oukou mai o’u aku nei ano. e pau loa aku auanei oukou ia’u i ka make, e hoomamao aku, o noino auanei.

            E ke kupua, wahi a ua poe kamaka ala, aole makou i hele mai nei e p@p@hi aku ia oe, aka i hele mai nei makou e hoike aku ia oe na makemake ia oe e ke aliiwahine o makou e ike.  e ae ana no anei  oe e hele mai?

            E hoike mua mai oukou i ka inoa o ko oukou aliiwahine, ina aole, e luku aku no au ia oukou a pau loa me kuu pahikaua oi lua, lohe ka pepeiao?

            Kunana iho la ua poe kanaka ala a liuliu iki, pane mai la kekahi o lakou: O Tausani ko makou alii wahine, a e hele ae oe.

            Ae, e hele au, a hahai aku la oia mahope o keia poe kanaka, oiai hoi aia ia lakou ke alakai ana @ keia huakai hele.

            Oiai lakou nei e hele ana, ninau mai la ua poe kanaka ala: O oe no anei kekahi kanaka i hoopakele ia e ka luahine kupua Tausani?

            Aole, he kanaka no au i hele mai ma ko’u ano he ikaika a me ka maoa i hui pu ia, wahi a Saribano i pane aku ai.

            Ina pela, ua ola kakou ia oe aka ke ole makou e kuhihewa, e poino ana no paha oe, no ka mea he luahine kupua a aikana kela.

            Aole ia he mea no’u e kanalua ai, he ai kanaka no @oi au, he kupueu au n@ @na,  he kae’ae’a no hoi no ia ano.

            Auwe, ua ola kakou ia oe, a e hele ae kakou, ia oe no hoi ia makou pau kela luahine i ka ai maka ia e kakou.

            He mau hora loihi keia hele ana aku a lakou nei, hoea aku la lakou no ka hale o ua luahino ala, i kela wa, ua maamaama loa ae la, a ua ike ia ka hele ana a ke kanaka ma ke ala.

            Nana ae la na Saiibano ala i keia aina, he keu a ka aina a ka nani i @oho ai, aohe lua ma ka ia nei hoomaopopo aku.

            O ka hale e ku ana, he hale aniani alohilohi ia, a o na mea a pau e waiho ana ma ke alahele a me ka lep@, he gula a me ka daimana.

            Alawa ae la hoi keia i ka hale, aia hoi ike aku la keia i kekahi kaikamahine ma ke kilu o ka hale maluna loa e ani mai ana kona lima ia lakou e hoi i hope.

            Alawa hou ae la hoi keia, ike aku la keia i ka luahine Kaukani e noho mai ana ma ka lanai o ka hale, a ua puni hoi koaa mau aoao i na kiai liona.

            Oiai no lakou nei e hookokoke mau aku ana, aia no kaikamahine ke ani peahi mau mai la i kona lima me ke kuehu pu ana mai i kona holoku. @ohe nae he wahi mea a hoolohe ia aku.

 

He Moolelo Nanea.

 

No ke

 

Kamaliiwahine Lanlie.

 

A i ole

 

HE NANEA KAMAHAO NO KA HULU GULA O KIB@RIANA.

 

He Kaao k@hilo no @ene.

 

MOKENA IX.

 

            I ke kaakaa ana ae o na maka o ua opio nei me na ku’i i hele a hau keke i ke anu o Hauailiki. ike aku la oia iloko oia pouli i ka uliuli mai o kekahi aina hana ona, oiai ka leo h@lulu o ke kai hohonu e hoonene ana ma kona mau kapakai. ia manawa akahi no a kaualili ae ka pana o ka manao no ke @la iloko o kona puuwai, a mawaho ae oia, ike iho ia oia e hehi hou ana ka kona mau kapuai wawae i ka aina malo@. ana i ike m@a ole a@ e pae aku ana oia.

            Me kei mau @oonoo iloko ona n@ kona palekana mai ke nao ana mai a ka make, haalele iho la oia i ka paukulaau nui @ e hoolana ana a kupaka ino aku la o na lima a ne na wawae, a hiki wale i ka hehi ana ak@ o kona mau kapuai i na huna one keokeo o ua aina la.

            I ka pae ana aku o ua lei nei a kaua iuka i kahaone me ka maalahi, alawa ae la oia ma o a maanei iloko o ke kououli o ka po, aohe he mea ola hookahi i halawai mai me ka ike a kona mau maka, aka o na makalae wale no o ua aina la a me na kiokio pohaku nunui, alawa hou ae la oia iluna i ka huina aouli iuiu iluna lilo, aia hoi, ua aui ka i-a ma ka ponaha komohana o ka lani e nanali aku ana i kauwahi o ka pili o ke ao.

            Iloko o keia manawa a ua opio nei e ku ana me ka maopopo ole iaia o kana mea e hana ai, @alu wale iho la no oia iloko ona iho i ka i ana:

            Owai la keia aina a’u i hehi hou mai nei, o kahi mokupuni Saredina no anei, a i ole o Ilecosa ka pa@a, aole keia o kekahi o laua, no ka mea he hookahi wale no hale o keia aina a’u e ike nei aia i ke kuahiwi, a nona hoi na tausani puka aniani e kiola pau mai la i ka mal@malama o ke kukui i waho e keia wa o ka po.

            He oiaio o ke’a aina a Kolana i pae aku ai, aole ia o ka mokupuni o kana aikane, a aole no hoi o Ilecose kona aina hanau, aka oia kahi mokupuni pahaohao Poneki, kahi hoi a na kanaka makalii Roumania e noho mau @na iloko o ka pilihua a me ka ai@ena, malalo o na hookaumaha ana a ka nunui Gokiada ko lakou moi.

            Aole keia he moi hanau maoli no ka aina, o ka ai ana nae ia Reneki kapaia aku ai he moi.

            Ua lawa ae la paha keia mau hoo kaau olelo ana no kahi mokupuni o Reneki, e kukuni hou kaua ma keia wahi no ka mea e pili ana i ko Kolana halawai mau me na poino he nui.

            O keia mau ulia pakalaki e haka ka mau nei me Kolana no ke ola a me ka make, mamuli wale no ia o ko Hera haalele ana mai iaia ma kona po mua loa i haule ai iloko o ka auwai mapunapuna o Kiberiana ka nani.

            Nolaila ua nele oia me ke kokua o ka wa pilikia, a ua like hoi oia i keia manawa me ke keiki makua ole ke hemahema ke hiki mai ka pilikia, a i ahona wale no oia i ke kamau ike o kahi ha@u.  Aloha wale.

            Mahope iho o keia pulekana ana o ua opie nei, nana hoomau aku la oia i ka hale nui ana e ike ana i ka a-a mai o na kukui, a oiai oia a nana ana kuko iho la oia e hele loa ilaila ia hapa po, aka noonoo hou iho la oia he mea makehewa wale no ia manao ana pela, oiai he loihi loa aia i ke kuahiwi, a o kekahino h@i he malihini oia aole i maopopo i ke alanui e hele ai a hiki hana.

            Nolaila, hoopaa iho la oia i kona manao e moe no ma kahi kupono e loaa ana iaia ia po a hiki i ke ao ana, alaila hoomaopopo aku ka hele i kahi o kamaaina; me keia mau noo@oo iloko ona hawanawana ae la oia me ka naau mokumokuahua, hele mai nei kuu anu a nui, aka he mea ole wale no keia ia’u o kuu Laulie pu kekahi me a’u.

            Mahope iho o ka hala ana ae o kekahi mau minute me na haupu ana no kana wahine, haule iho la oia pup@e ma ka aoao-lulu o kehahi puu one nui e ku ana.

            O ka pili o na maka oia ka mea i loaa iaia ma ia po, a o ka hiamoe nae aole oia i moe iki a hiki wale i kona lohe ana ikekahi mau leo hamumu liilii he lehulehu wale e hoo kokoke mau mai ana i kahi ana e pepelu ana ma ke alo o ka pu’e one.

            Hoolono aku la ua opio nei a liuliu, aole he maopopo iaia o na mea e kamailio ia ana, a no ka hookoko ke mau mai i kahi ana e pupue ana i ke anu o Roneki ailana, kaakaa ae la kona mau maka me ka nana ana ma o a maanei, ina paba ua ike ia mai oia e lapuu ana, aia hoi ike aku la oia he pa@pu wale o na kanaka liilii, oehaa e hookolo pololei mai ana i ke kakau o ke kapuai wawae iluna o ke one.

            A oiai aole lakou i mamao loa mai iaia aku, ua ike pono aku la oia i na kane a me na wahine, a o ko lakou kiekie pakahi mai ka ilihonua ae he elua kapuai pakahi iloko oia wa o ke kakahiaka.

 

He Ohohia Nui,

 

O ka Leo o ka Lahui aia iloko o ka l@ka@ i @ ka hookuee ana oia kona enemi.  @ia ka poe @ hookaa mai ma ka limu @

 

Na Luna:

@an.    Princess Liliu Haimoeipo        1

            C. W. Ashford Merchant St   5

            Chas. Hopkina

            Chas. Gulick   1

            W. C. A@hi    1

            Wm. Kamana Kawaiahao       1

            Ias. Quinn King St.     1

            Wm. Rice Merchant Ss.          1

            M. I. Wailele School St.          1

            L. Kahiapo Leleo        1

            Puakinamu Kakaako   1

            J. W. Okuu Kawaiahao           1

            Ka@wai Liliha St.      1

            Wahinelili Kunawai    1

Ms. @ George Kanikau ka Luna elen,

 

Mar. 10            Mrs. C. J. Hiram          5

            Makanoe         1

            Mahi    1

            @akalaa@       1

            Kalehua Puukolo         1

            @pa     1

            C. Spencer       1

            Mio Kulaokahua         1

            Kahiwalani      1

            Moku Pauahi   1

            Lama Kikihale 1

            Halekala Auwaiolimu 1

            Nakamealoha Pauoa    1

            Polikopu Auwaiolimu 1

            Kapika Paualii 1

            Piipii Kauluwela          1

            Kaneaiakala, Ka Luna Elen.

 

Mar. 1  A. S. Cleghorn            1

            Kaulili 1

            Kaua    1

            Poni     1

            Kekula 1

            Hopoe 1

            John Samoa ka Luna.

 

I ka Poe Lawe Nupepa.

 

            Ke poloai aku nei makou i ka pee heluhelu e lawe nei i ko kakou nupepa, makaala mai i ka hookaa ana i ka @ o @ ma ka @ i na palapala hookaa mai na @ aku nona na inoa i hoike ia ma ke poo o keia Nupepa.  No ke paewaewa o ka hookaa ia ana o ke dala, a meka hoohiki loa ana mai i ke keena nei, na hooholo makou ma ka hebedoma ka hookaa. i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma. ka poe i hookaa mai a me ka poe i hookaa ole mai, a ina na hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o ne luna ae, alaila, no na luna ka hewa, aole no ka mea heluhelu. a ina aole io maoli no na luna ka hewa, alaila. e kala ia makou no ke oki ana aku i ka poe hookaa ole mai i ka lakou nupepa.

            J. E. BUSH.

 

OLELO HOOLAHA.

 

            E ike auanei na mea a pau owau o Mr. Wiwi, ka mea nana i ka ka upena a Mr. Kaulahea.  Ua kali au iaia i na pule eha i hala aku, mai ka pau ana a hiki i keia la.  Ke kauona aku nei au e kii koke mai i keia upena, iloko o na la he 15 mai keia la aku.  A ina e hala ka manawa i haiia maluna ae, alaila, e lilo loa ia’u keia waiwai ma ke ano he uku no ko’u hana ana.  O na lilo heolaha nupepa @ pau, maluna no ia o ka mea nana ka upena, ke kii mai i ka la i ha’i ia ae la maluna.  Me ka oiaio.

            MR WIWI.

Honolulu Iwilei 30, ’91.          160-d3t

 

Olelo Hoolaha.

 

            O ka mea nona ka inoa malal@ ae nei ke pa@a a ke hookapu loa aku nei oia @ na mea a pau loa, aole e hele a lawaia ma kuu Loko o Apili a me ka muliwai, e waiho la ma Kalihi-kai; na kapu no hoi me na holoholona, aole e hele wale maluma o ka aina, oiai na li@o mai ia Loko a me ka muliwai a me ka aina pu ia’u ma ka hoolima ima, mai a Kale Kuka mai, no na makahiki he umikumakahi i koe mai keia ia aku.  A na hoonoho aku @ ia S. K. Hookano, i Luna Nui, a nana no e malama, a hoopii i ka poe a pau o kue ana i keia Olelo Hool@a.

            @AH TI@A (Pak@)

Api@, @-kai, Oahu, Apr i.     @