Ka Leo o ka Lahui, Volume II, Number 271, 2 September 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU, SEPATEMABA 2, 1891.     Helu 271.

He Moolelo Kaao

No

KAMAPUAA.

KE KEIKI PUAA A KAHIKIU-

LA ME HINA---KA MOOPU-

NA PUAA A KAMAUNUA-

NIHO---KA HOA PAIO HOI

O PELE, KA WAHINE O KA

LUA I KILAUEA, A HALA

LOA AKU I NA KAPUNA O

KUKULU O KAHIKI.

O oe ia e Haunuu, e Haulani

E Haalokuloku

Ka Mano e ka I'a nui

E ui, e Uilani

Ko inoa Puaa ia e o mai.

  

Hoole aku la o Kamapuaa; aole kena o Limaloa, o ko'u akua no kena o Kanakaouka.

Me ka eleu nui o Kamapuaa i hele aku ai a hui pu me ka wahine e nui nei ka waha i ka hooho leo nui ana, o Limaloa no keia kanaka, aole keia he akua no ia nei.

Pane aku la o Kamapuaa me ke ano hoohuhu; ua kuhihewa loa ia oe, ina aole olua e ae, e hele no wau me ko'u akua.

Na keia mau olelo a Kamanuaa i hoopau iho i na manao uilani ana o ua wahine nei.

Ia manawa, ua hookipa maikai ia aku la ua akua olewale nei o ua o Kamapuaa e ua mau wahine nei; a ike ole ia aku la hoi ia wahi a ua Limaloa nei e haku hele la i ka naele o Alakai.

Huli ae la no hoi o Kamapuaa me kona kokoolua, hookahi kau hae le pu ana i ke anu o Aipo.

Ma keia wahi kou mea kakau i kanu iho ai i nei maju wahi lalani hoohono inoa o na lani a kakou, e like paha la me keia malalo iho---

Nani ka hanju o Nuuanu i ka makani

Hemolole i ka ua a ka haao e ---

O kuu halokeloke wai lehua

Ke pi la e ke kehau

Ua pulu i Malamanui e ---

E aloha e ---

Mahope o ka pau ana o ka lakou hoonanea ana, ua noho iho la lakou he mau kane, a he mau wahine, ilo ko oia mau la, he iki kahi kihapai; o ka noho ka paha la ia Kauai, ua ma-u ia.

Ua noho loihi loa Kamapuaa me kana aikane o Limaloa a me ka laua mau wahine, ua noho a kane wahine lakou, no ka mea, ua hoonanea iho la lakou, i ke kuikui Poa haaha o Huleia, a e walea nui ana no hoi i ka lai o Niumalu.

Ua olelo aku la o Kamapuaa i kana aliiwahine; e ae mai oe ia'u e hele wau i ka makaikai ma keia wahi aku.

Ua hoole mai la kana wahine; aole o'u makemake i kou hele, ina oe e manao ana e hele, alaila, o kaua pu no ke hele.

I aku la o Kamapuaa i kana alii wahine; aole kana e pono ke hele pu, e noho oe e kiai i na hale o kakou, aole paha o kou koi mai e hele pu.

Pane hou aku la no ua puaa nei; hoi iho no hoi, he luuluu wau ia oe i ko kaua hele pu, aole ka'u he hua kai loihi.  aka, he huakai pokole no ka'u a hoi mai, a e noho ae ana no hoi oe ka'u aloha, o ko'u ike aku ka hoi i na wai o Namolokama, na Hala o Naue, a me na Lehua luu wai hoi o Lulupali.

I aku la kana aliiwahine iaia, aole wau e ae aku ia oe e hele, e kali ko'u manao ae aku ia oe e ke kane hoopaakiki i ka hele, a hiki i ka la apopo, alaila, hooholo ko'u manao ae ia oe e hele a me ka ole.

He hewa iho no ka hoi oe i ka noho e ako mau i keia mau lehua, i na lehua miki wai o kalehuamakanoe, e ako oo a luhi ko kino, e lei oe a paholehole ko a-i.

Ke hooheno nei ka aka a ua Kamapuaa nei, no ka mea, ua ku i ka ii a loko, ke eueu ae nei ka puapua.

Ke @e hone aku nei o Kamapuaa i kana aliiwahine, a pela pu no hoi o Limaloa e koi aku nei i kana aloha, e hookuu mai ia laua no ka hele ana e hoomaikai ia Kanakaokai, oia no hoi ua Kamapuaa nei.

Ua hooluolu iho la lakou ma kela po, a i ke ao ana ae, ua paina iho la ko lakou kakahiaka.

A mahope oia manawa, ua ninau aku la o Kamapuaa i kana wahine:

Pehea kou manao ia'u ka hele a me ka ole.

I mai la kana wahine ia Kamapuaa; ke ae nei wau ia oe e hele i ka makaikai.

A i ka lohe ana hoi o ka Limaloa wahine, i ka ae pono ana o kona hoahanau, no kana kane no ka hele, ua ae no hoi oia i kana kane no ka hele, a pau no hoi ka laua makaikai ana, alaila hoi hou mai laua e noho konohiki no keia mau kai kapu o na 'lii.

A ua lilo ae la ia he mea maikai i ka manao o na kane laua, a ua hoomakaukau laua e hele, me ka olelo aku o laua i na wahine.

Aole maua e loihi loa a hoi mai no, a ua lilo ia mea i mea maikai i ka manao o ka laua mau wahine, oiai hoi laua e haawe aku ana i ka ukana luuluu he aloha kane.

Aole i pau.

 

He Moolelo Nanea.

NO

De Atanani.

Ke Koa o ka Lio

Olohe.

---A I OLE---

NA KIAI EKOLU

O FARANI.

Alaila, hea kau olelo hoopaa me a'u ina au e haawi aku ana ia oe i keia palapala? i ninau mai ai o madame Bonacio.

O ko'u aloha nou e ka ipo, oia wale iho no ka mea  i olelo ia, na puuwai elua iloko o ka pana hookahi ana.

Alaila, oia anei ke kahua au i mano ai, ua hiki oe ke hooko i ka hana ma ke alahele o ke kipoka ia, a i ole, me ka hopu pio ia paha no ke kipi?  e ke kanaka opio, he wahi keiki wale iho no oe!

Pela io no e ka madame, aka he mea haaheo na'u ke olelo ae, ua hiki loa i ka pahikaua a ke koa opio Atanani ke hoohaahaa i ke kaula na o na kanaka koa a me ka wiwo o Farani nei, ina o ka ihiihi o kona hae kahakolu ka lakou e hoao ai e h@hiku ilalo.

Ano e ka madame, ke manaoio na'u ke olelo ae, ua hiki loa i ka pahikuaa a ke koa opio Atalani ke hoohaahaa i ke kaula na o na kanaka koa a me ka wiwo o Farani nei, ina o ka ihiihi o kona hae kahakolu ka lakou e hoao ai e hohiku ilalo.

Ano e ka madame, ke manaoio mai nei anei oe i ka'u mau olelo?  Ina aole, alaila, e ninau aku oe i kekahi o na kanaka koa a kaulana o Farani nei i keia mau la.

Owai ia poe no lakou ka hanohano a'u e ike aku ai.

O La fere, kekahi o na olohe kaulana o ka makakila, ua ike no anei oe iaia?

Aole e ke koa opio! wahi a ka madame.

Alaila, ua ike no anei oe ia monasiua Velona?

Aole no.

A pehea hoi ka monasiua de Hapale?

Ka! aole no au i ike iaia, aka e ke koa opio, owai keia poe keonimana?

O lakou kekahi o na hiena hae o ka puali aahu, malalo o ka noho kapena ana a monasiua Terevila, a e ka madame, ua ike no anei oe i ka haku Terevila?

I ka haku Terevila, ua ike au nona, aole nae me ka ike kino maoli, aka, ua lohe mai au mai na lehelehe ponoi mai o ka moiwahine, e kamailio ana, no ke koa a kulana keonimana o ua monasiua Kapena Terevila nei.

Alaila, aole anei oe i hopohopo no ua haku nei, malia, o kumakaia aku oia i kau misiona no ka pono o ke Cadinela.

Aole, aole au i manao e hana mai ana oia ia'u pela, ina ua lawa oia me na haawina o ke kulana keonimana.

Ina pela, e hoike aku oe i ua kapena la i ka'u misiona malu, ina aole oe i lawa loa me na hilinai ana no'u nei.

Pane mai la ka madame Bonacio, aole keia misiona malu na'u e hiki ai ia'u ke ae aku e like me kau e olelo mai nei.

Alaila, pehea ka hoi oe i manao ai na kau kane e hooko i ka hanohano o keia hana?  Aole  anei hoi au i hoike aku ia oe i ko'u mau manao a pau?

Ua haawi mai la ka madame Bonacio i na nana pono ana maluna o ke koa opio no hookahi minute, ala ila, pane hou mai la oia i na huaolelo penei:

E ke koa opio, ma ka inoa o na lani a imua hoi o kona kiekie, ke hoopaa nei au i ka'u hoohiki, e make no ua ina oe e kumakaia mai ana ia'u, i ka wa a'u e waiho aku ai i ka hana malalo o kou malu e ka opio.

A ke hoohiki pu nei no hoi au e ka madame, ina au e lawe i ka hana au e waiho mai ai ia'u, e make e no au mamua o ko'u hoopu-a ana ae i kekahi olelo e pili ana no keia mea.

Aka e ke koa opio, i pane mai ai ka madame Bonacio, pehea oe e hiki ai ka hele me ka ae ole mai o kou kapena, a pehea hoi kou puali kiai?

E noi aku au no ko'u hookuu ia mai.  Ma keia ahiahi, e hiki aku ana au no kahi o kapena Terevila, a noi aku iaia no kooko ana mai i palapala hookuu no'u ma o kona kaikoeke ala, ke kapena Desesarata o ka puali kavalia.

Aka, he hookahi mea i koe, wahi a ka madame.

Heaha ia mea e kuu madame maikai?

O ke dala, @alia paha, aole au dala no ka hoolawa ana i kou mau pilikia o ke alahele, a oiai, o keia huakai, he huakai awiwi loa keia au.

Nolaila, me ka nui wale no o ke dala e pono ai keia anana hana au e hooko aku ai me ka puahi nui, a e keakea ole mai hoi na popilikia ma kou alahele.

Aole i pau.

He Mau Aina Kahua

Hale, Halekuai a

Mau Waiwai

e ae.

Ua loaa mai ke kauoha ia'u ke kuai kudala akea aku mai ko'u Keena Kudala, ma Alanui Moiwahine,

MA KA POAHA, AUGATE 13, HORA

12 AWAKEA.

I keia mau waiwai malalo ino:

HALE a me AINA---ma ka aoao Komohano o Alanui Hotle a me Kekaulike, e pili la me ka waiwai o Mrs. Mary Foster, a nona hoi ka ilo o 1425 kuea kapuai, me ke alo.  33 kapuai ma Alanui Hotele a me 34 1/2 kapuai ma Alanui Kekaulike; a me kekahi apana aina e holo ana i hope mai ke alanui aku.  E hoolimalima ana ma ka mahina no $20.  Aole he hoolimalima maluna o ka aina.

2.  HE PA AINA---e kokoke la ma ke Komohana o Alanui Alakea a me Moiwahine, he 3667, ka ili.  Ua hoolimalimaia i ka Hui Hana Hao Union, no 15 ma kahiki mai Maraki 1, 1891, me ke kulea na hoolimalima no 15 hou akju makahiki, ma ka uku kaokoa o $150 o ka maka hiki i ukuia ma ka hapaha.  Na ka Hui Union e uku na lilo auhau aupuni a me auhau wai.

3.  HE AINA ma PAUOA---e waiho la ma ke Alanui Pauoa, kokoke i kahi o KEO PU, 137,100 eka, he kahua hale a me ke kahi mau aina lo'i keia aina.  He ku lana hoi e ike pono ia ai ke kulanakauhale a me ka moena.  Hoolimalimaia ia Tai Fook Co., (Yee Wo Chan, agena.) no $100 o ka makahiki, ma ka hapa ma kahiki e uku mua ai.  He 6 1/2 makahiki i koe o ka hoolimalima e paa mai ka la i o Iulai, 1891.  Kala kuike ko na kuai ana a pau.

E ike ia no na kii o na aina a e loaa no hoi na hoakaka ana ma ko'u Keena Kudala, ma Alanui Moiwahine.

JAS. F. MORGAN.

Luna.

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA

MA'I A PAU O KELA A ME KEIA

ANO, ME KA ELEU A ME KA

HOLOMUA.

HE OLUOLU KA AUHAU.

KEENA OIHANA:---Aia ma ka aoao ma Ewa iho o ka halekuai Puaa, e kuu nei ma ke kihi o na Alanui Kamika me Hotele.

HE PALAPALA HOOIA.

Honolulu, April 29, 1891.

Owau o Chu Sam Lau, no ke kulanakauhale o Honolulu, Mokupuni o Oahu Ko Hawaii Pae Aina.  Ke hooia, a ke hooiaio aku nei au imuao ke akea, ua ike au a na maopopo ia'u a ke haawi nei au i ko'u mahalu piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u mai'i he akepau, a he popo hoi ma ka olelo kahiko.  Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai a na  aneane he 4 makahiki o ka hoomailo ana a keia ma'i i ko'u kino aka, ma keia wa na loaa ia'u ke ola maikai loa.  E hele ae e ka poe luuluu a kau naha.

Mei 12, 1891.

OLELO HOOLAHA.

E ike auanei na kanaka a pau, eia ma ka Pa Aupuni o Makiki nei kekahi mau lio hele hew; hookahi lio k. ulaula, elua wawae keokeo ma ka hema, hao-kuni A E ma ka hema, kiko keokeo ma ka lae; lio w. hulupala lae kea, elua wawae keokeo hope, hookahi wawae keokeo mua, hao-kuni N O ma ka aoao hema o ka a-i.  O ka mea a mau mea paha nona keia mau lio e pono e kii koke mai, o hala auanei na la i e 15, alaila, e kuai kudala aku no au ma ka la 22 o Augate, 1891, hora 12 awakea Poaono.

D. KAOAO.

Luna Pa Aupuni.