Ka Leo o ka Lahui, Volume II, Number 344, 14 December 1891 — Page 2

KA LEO O KA LAHUI.

"E Mau ke Ea o ka Aina i ka Pono."

 

 

 

MA KE KAUOHA.

 

I keia la i hookohu ia aku ai o DOROTHEA LAME, i Notari no ka lehulehu no ka apana. Ho@kol@kolo Ekahi o ke Aupuni.

C.N. SPENCER.

Kuhin Kalaiaina.

Keena Kalaiana, Dec. 3, ‘91.  338-3td.

 

 

KUAI O KA HOOLIMALIMA O

KA LOKO O OPU, MA

PAWAA, OAHU.

 

            Ma ka Poakolu, Dek, 16, 1891, ma ka hora 12 awakea, ma ke al@ komo aku ma mua o Ahiolani Hale e kuai ia aku ia ma ke kudala, ka hoolimalima o ka loko aupuni o Opu ma Pawea, Oahu. Ka ma nawa ne 15 makahiki, ke kumukuai koho mua he $50 uku makahiki, e uku ia ma ka uku hapa makahiki mamua.

 

C.N. SPENCER.

Kuhina Kalaiaina

Keena Kalaiaina Nov. 14, ’91.  324. 3t sd

 

 

KUAI O ELUA APANA AINA

AUPUNI MA KAAUWA-

ELOA, PALOLO, OAHU .

 

            Ma ka P@akolu Dek. 19, 1891. ma ka hora 12 awakea, ma ke alo o Aliiolani Hale, e kuai ia aku ai ma ke kudala elua apana aina aupuni ma Kaauwaeloa Palolo, Oahu, oia hoi: Apana 1. Nona ka @li he 18 eka a oi a emi mai paha, kumuku ai koho mua he $500. Apana 2. Nona ka ili aina he 18 eka a oi a emi mai paha, kumukuai koho mua $500.

 

C.N. SPENCER.

Kuhina Kalaiaina

Keena Kalaiaina,  Nov. 13, ’91.  324. 3tsd

 

 

 

NA APANA AINA HOME LIILII

MA PUNA HAWAII.

 

            Ke hoolaha ia aku nei ma keia:

1 Aia ne 20 mau apana ma Nauawale, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.

2  E ike ia no ke kii o keia mau apana aina, maloko o ke keena Aina o ke aupuni, ma Honolulu a i ole ma ke keena o J.E. Elderts ma Kapoho, Puna, Hawaii.

3  Na J. E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o $1.00 mai ka mea noi aku.

4  O ka poe makemake i mau apana aina, e nonoi mai no, ma ke kakau ana mai i ke Kuhina Kalaiaina, maluna o ka pepa i pa’i hakahaka ia, a loa no ke kope oia mau palapala me ka uku ole mai a J.E. Elderts.

5  Aole e noonoo ia ke noi a kekahi mea he aina ponoi kona.

6  O kela a me keia mea ponoi e loaa iaia na makahiki @o ma ke kanawai.

7  E ae ia no ka mea nonoi i umi makahiki e uku ai noka aina ma ia manawa, e hookuu ia no ka aina mai na auhau @upun a pau.

8  Iloko o hookai makahiki, ke kauoha ia nei oe e kukulu i hale nou maluna o ka apana aina i@ilo ia oe, a e hoomau aku oe i ka noho ana no ke koena o na makahiki he umi.

9  Iloko o ekolu makahiki, ke kauoha ia aku nei oe e hoopuni i ua aina ia me kekahi pa kupono a paa hoi.

He mea pono ia oe e hookaa mua mai i kela a me keia hapa makahiki, i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi, ua hiki no hoi ia oe ke hookaa i ke kumukaua holookoa, a o ka hapa paha, ma kela a me keia wa, he mea ia e emi mai ai ka uku panoe.

11  O ka aelike mua ana, aole hiki ke hoolilo ia aku, a aole no hoi e hiki ke hoolilo ia aku ka aina, a hiki i ka hooko piha ia ana o na kumu aelike.

12  Ke haule hope ka hooko ia @ ana o kekahi o kela mau kumu i hoike ia ae la, he mea ia e loaa ole ai ka aina.

 

C.N. SPENCER,

Kuhina Kalaiaina.

Keena Kalaiaina Nov. 6, 1891.  3318-4t.

 

 

NA AINA HOME MA HILO, HAWAII

 

            Ma keia ke hoolaha ia aku nei-

            1.  Ua hookaawaleia he Umi (10) Pahale, ma Kaieie, Hilo, Hawaii no ka hoo lilo ana aku i ka poe e makemake ana e loaa ia lakou na aina home i wahi e noho ai.

            2.  Ua hiki no ke ike ia na kii o keia mau apana aina ma ke Keena Aina, Keena Kalaiaina, Honolulu, a i ole ma ke Keena o Mr. A. B. Loebensteni ma Hilo, Hawaii.

            3.  Na Mr. A. B. Loebenstein no e kuo hikuhi aku i na apana aina i kela a me keia mea e makemake ana e ike, a no ia hana ua kuleana oia e ukuia $1. mai ka mea e nonoi ana.

            4.  Na kanaka a pau e makemake ana i na apana aina, e @ mai no lakou ma ke kakau i ke Kuhina Kalaiaina ma kekahi palapala pa’ihakahaka, a oia mau pa’ihakahaka e loaa wale mai a A. B. Loebenstein.

            5.  Aole kekahi nonoi mai kekahi mea e noonoo ia mai ka poe e noho ona aina nei.

            6.  O ka poe piha o na makahiki wa@no ke nonoi mai.

            7.  E haawi ia no iloko o umi makahiki e uku ia ai ka aina, a iloko oia mana wa ua kuu ia mai na auhau.

            8.  E kukulu hoi oia i hale noho maluna o ka aina nona iloko o hookahi ma kahiki a e hoomaka hoi e noho maloko o ia hale, a e hoomau aku no ke koena o ka manawa o umi  makahiki.

            9.  E hoopuni hoi oia i ka aina, iloko o ekolu makahiki, me kekahi pa kupono.

            10.  E uku hoi oia ma ka hapaha ma kahiki mamua i ka uku panee maluna o ke koena i uku ole ia o ke kumukuai, ma ka pa 5 keneta pa haneri.  Ua hiki no i ka mea kuai ke hookaa pau a i ke kahi mahele paha o ka uku kumukuai i kela a me keia manawa, a i ka mea no hoi e oki ai o ka uku panee.

            11.  Aole e hiki ke hoolilo hou ia aku ka aelike mua, a aole @o hoi ka aiua e hiki ke kuai ia a pau mua na olelo aelike i ka hooko ia.

            12.  O ka kaule ana o ka hookoia o na kumu i aelike ia, he mea no ia e hoolilo wale ia ai o ka aina.

 

C.N. SPENCER,

Kuhina Kalaiaina.

Keena, Kalaiaina, Dek. 3, 1891..  4ts-d.

 

            I keia la i hookohu ia aku ai o CARMEN E. VIDA, i Notari no ka lehulehu, no ka apana.  Hookolokolo Ekahi o ke Aupuni.

 

C.N. SPENCER.

Kuhina Kalaiaina.

Keena Kalaiaina, Dec. 3, ’91.  338-3td.

 

 

KUAI O KA AINA AUPUNI ILOKO

O ALAAKUA, KAUPO,

MAUI.

 

            Ma ka Poakolu Ianuari 6, 1892. ma ka hora 12 o ke awakea, ma ke alo iho o ke komo ana aku o Aliiolani Hale e kuai ia aku ana ma ke kuai kudala akea ana, kekahi apana aina aupuni iloko o Alaakua, Kaupo Maui, o ka nui o kona ili he 23⅓ eka a oi a emi mai paha. Kumu koho mua. $2 o ka eka.

C.N. SPENCER.

Kuhina Kalaiaina,

Keena Kalaiaina,  Dec. 8, 1891.

343-3tsd.

 

 

            I keia la, ua hookohu ia aku o W.M. F. POGUE, i Lunahoomalu no ka Papa Alanui o ka Apana Hookolokolo o Makawao, Maui.  A e kona hope o C.H. Dickey, ua haalele mai oia i kona noho hoa ana no ua papa ala; a eia iho no hoa o ua papa ala.

            Wm. F. Pogue, - Lunahoomalu.

            L.A. Andrews.

            R. Von Tempsky.

 

C.N. SPENCER.

Kuhina Kalaiaina.

Keena Kalaiaina,  Dec. 8, 1891.

343-3tsd.

 

 

            Ua hookahui o E. P Nehemia, Esq., i keia la, i Luna Pa Aupuni no ka Pa Aupuni hoopaa holoholona helehewa ma Kaupo, Hana, Mokupuni o Ma@ai, ma kahi o Thos. Mills, i haalele mai.

C.N. SPENCER.

Kuhina Kalaiaina.

Keena Kalaiaina,  Dec, 14, ’91. 344 4tsd.

 

 

 

KUAI AINA AUPUNI MA KE KIHI

KOMOHANA O ALANUI RIKEKE

A ME KALEPA, HONOLULU, OAHU

 

            Ma ka Poalua, Ianuari 12, 1892, ma ka hora 12 awakea ma ke alokomo ma ke alo o Aliiolani, e kuai kudala ia a ma ke akea kekahi apana aina aupuni ma ke kihi komohana o Alanui Kalepa a me Rikeke e pili pu ana me ka waiwai o A. D. Bolster, ma Honolulu, Oahu, nona ka ili aina he 1142 kapuai huina oi iki aku a emi mai paha.

Kumukauai koho mua $250.

 

C.N. SPENCER.

Kuhina Kalaiaina.

Keena Kalaiaina,  Dec, 14, ’91.   344-d3t.

 

 

KA LEO O KA LAHUI.

JNO. E. BUSH.

Lunahooponopono a me Puuku.

 

POAKAHI, DEKEMABA 14. 1891.

 

KE KOHO ANA I NA LUNA

AUPUNI.

 

            O kaia kekahi o na kumuhana a ka Aoao Lahui Hawaii Liberala e hoike nei ma ko lakou kahuahana kalaiaina o keia mua aku.  Ka me hoi a ka aoao Mekanika a Hui Kalaiaina, e hololua a hoole nei ma ke alakai ana a ka aoao Moiwahine a me Hoomaemae i hui ia, ma o kekahi mau haole hoopilimeaai o ka hui mua a me kekahi mau Hawaii oia ano hookahi o ka hui hope mai.

            Aole wale keia kahua kalai no ka pono o ka lehulehu, he mea hou a he mea i haku ia ano wale ae, aka, he hoomau ana a hooakea hou aku i ka pono koho oihana, i kukulu mua ia e na hoa o ka Aoao Lahui Hwaii, ma kekahi bila i lilo i kanawai, i lawe ia mai e Hon. A. Makuika, a i hooikaika ia e na hoa wiwo ole, Hon. R. W. Wilikoki, Bush, Nawahi, Wm. Kamaki, Kanealii, White, Kamai, Pua a me na hoa e ae o ka Aoao Lahui, oia hoi ke koho ia ana o ka Papa Alanui o kela a me keia apana koho apuni ka Paeaina. Eia ae i keia koho ana e hookumu ai ka lahui i keia pono koho i na luna aupuni, a o ka hauna mua keia e ike ai ka lahui i ka waiwai o ka mana i lilo aku i ka mea hookahi, mai ia lakou aku, a hoi hou mai la ma ko lakou lima ma ka hooikaika ana a keia poe i ka Aoao Lahui i olelo ia ae la.

 

Ka Huakai no Aloha Aina.

 

            Ua hala aku ma ke Kinau o ka Poalima nei, na mea Hanonano R. W. Wilikoki a me Wiliam White, no ke kaapuni ana i ka Mokupuni o Hawaii no ka hai ana aku i ka olelo no ke ola o ka Lahui Hawaii.

            He kulana haahaa a ilihuno ko laua, aka, ua loaa nae kela waiwai nui iloko o ko laua puuwai he aloha i ka lahui; a ua noonoo laua ia mea, a oia ke kumu o keia huakai kaahele a na keike aloha aina, aloha lahui a aloha Moi.

            O ka makou mau pule e aloha mai ka Makua Lani ia olua, a e hooko mai hoi i ka makemake o ka lahui e noi nei. a i ola no ko lakou lahui ka aina a me ka noho alii.

            He me kupono i na opio Hawaii aloha aina ke @ahai mahope o na kapuai o ke lakou mau kaikuaana e hele la no ke aloha ia kakou.

            E ala ae ka lahui a e ku me ka manao lokahi mai Hawaii a Niihau a e kukulu hou i ke alona i ko kakou lahui ka aina a me ka noho alii.

            O ko makou aloha, oia no ke uka li la ia olua i na wa a pau.

 

 

Ka Huakai ma Koolau.

 

Ma ke ahiahi o ka Poalua o ka pule i hala, ua huli aku ka Hon. Wilikoki, Buki a me Wm. Kamaki, ma ka lakou hua@ hoolauna me na makaainana i hoowahawaha ia e ko kakou Moiwahine, ma na Koolau a me Waialua.  Oiai ka lakou huakai hele he awiwi, mamuli o ka hoomau ana aku o ka Hon. Wilikoko ma ia ano hookahi, ma ka Mokupuni o Hawaii a me Maui.

            U@ hookipa mai na kamaaina o Koolau-poko ia lakou, a ua haawi mai i na manaolana e hiki ai ia kakou ke hauoli, aole e puni ana, a e loli ana ka lahui i keia koho ana. Ua hoike mai no hoi kekahi kana ka i ke kakau leta ana aku nei a Kahoonei ia lakou aole e hookipa mai i ka Hon. Jao. E. Bush. O keia iho la ka mea e hooia mai ana i ka lapuwale a me ka hoopunipuni o Kahoonei e olelo ana aole ona manao kuee i ka poe a ka lahui i hilinai ai.  Aka, eia mai ka oiaio, a na oukou e noonoo iho i ka mea e hoike ia aku nei no keia mau hana pukalua a ka hoa hoopalaimaka.  Waiwai ole ka puliki ana i ke ke’a, ina e hoomau ke kanaka i ka hoopunipuni e like me keia.

 

KA HALEKUALO PAIANAPA MA.

 

            Mai keia manawa aku e wehe ia ai ka Hale Kuai o keia hui i kela a me keia po, i mea e ike ia ai ka nani o na mea kuai o loko o ko lakou hale kuai. Ma ka hoolaha ma kekahi kolamu e aku, me he la o keia halekuai ka oi ma ke ao nei, a o ka lua aia ma Ladana, nolaila, ina he mea kekahi e makemake ana i ka nani a me ka paa o na kahiko kino a me na kinohinohi a anoai o ka naau kanaka.

 

           

 

Ke ku nei Ka Leo e paio no oukou e ka Lahui Hawaii oiaio, mai ka mea e noho ana ma ka noho alii ahiki ika mea e moe ana ika lehu, me ka nana ole ae i ke kulana, oiaio, he like wale no iaia na mea apau, no Hawii oia i keia la, nona i ka la apopo, no na no a mau loa, e mau ke ku ou e Hawaii.

            Ma ka nupepa Elele o ka ia ehiku nei ua ike makou i ke kahi kalai manao o ka hoa kalaiaina, ei ana, o ka mea a ka Hui Kalaiaina Makua e hooholo ai, i mau mo@ Luna Makaainana oia ke koho ia e na aha hui Kalaiaina e ae apau oka P.A. ma keia, ua ike makou i ka i ka uluahewa o keia kukulu manao ana.

 

 

AINA KUAI MA

KAMAKELA.

 

He Umi Aina Pa-hale ma Kamakela

 

He 30 kapuai ka lauia ma ke alo, a he 150 kauai ka averika hohonu.  Ua pili i ka Home o ka Ohana Buckle, a he oluolu ke komo ana aku.  He wahi e puka aku ai ma Alanui Liliha, a ma ke Kula Nui o Sana Lui.

No ua ninau hou aku e pili ana no keia mau aina, e u@i aku @.

 

388-dtf.

C.J. McCARTHY.

35 Alanui Kalepa, Honolulu, H. I.

 

NA LUNA NUI O KA HUI AOAO

LAHUI HAWAII LIBERALA.

 

Hon.    JNO. E. BUSH           Peresidena

“          J. NAWAHI               Hope “

Mr. J.K. PRENDERGART    Kakauolele

“ C.B. MAILE                                    Puuku.

 

KOMITE.

Hon.    E. W. WILIKOKI

Nob.    D.W. PUA

Mr.      J.K. BIPIKANE

“          A. SMITH

“          GEO. MARKHAM.

 

 

 

OLELO HOOLAHA.

 

            Ua makaukau ka mea nona Oinoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina.

J. BOWLER.

Sept. 22, ’90, d-1y*

 

 

HOOLAHA PA AUPUNI.

Ke hoolaha ia aku nei ma ke akea, e kuai ia aku ana ma ke kudala akea ana kekahi lio kane ke hiki aku i ka la 19 o o Denemaba 1891 ma ka hora 12 o ke awakea ma ka Pa Aupuni ma Makiki I lio kane melemele, he kiko keokeo ma kona lae, a pela ma ke kua, he omaomao kona onohi maka, ekolu uha keokeo, hoailona kuni “O” ma ka uha hope akau.  O ka mea a mau mea paha nona keia lio, e kii koke mai iloko o na la he 12, mai keia la aku me ka uku pu mai i na lilo a pau, a i ole pela, alaila, e hooko ana au e like me ia i hoolaha ia.

David Kaoao,

Luna Pa Aupuni.

Dec. 8, 1891, 344 tf.

 

OLELO HOOLAHA.

 

E ike ananei na kanaka a pau, eia mo ka Pa Aupuni o Makiki, kekahi mau lia hele hewa; lio k eleele, keokeo lokihi ma ka lae, kikokiko keokeo ma ke kua aole akaaka ka hao kuni, lio k ulaula 4 wawae eleele paa na wawae i kapuai kiko keokeo ma ka lae hao kuni ano e hope hema, lio k ulaula 3 wawae eleele 1 wawao keokeo mua akau, paa na wawae i kapuai, kiko keokeo ma ka lae a me ke kua, lio w keokeo 2 wawae mua paa i kapuaihao hao kuni @ akau o ka ai, hao kuni ano e hope akau, lio w ulaula keokeo lokihi ma ka lae 2 wawae keokeo hope, hao kuni ano e akau o ka ai eha ia ke kua.  O ka mea a mou mea nona keia mau lio, e pono e kii koko mai o hala na la he 14, e kuai kukala aku no au ke hiki aku i ka la 26 o Dec. 1891.

David Kaoao.

Lun Pa Aupuni.

Dec. 14, 1891.  344 3td.

 

 

OLELO HOOLAHA HOOPAU

HOPE.

 

E ike auanei na kanaka a pau ma keia, mai keia la aku ua hoopau loa aku au i ko H.C. Ulukou noho Hope ana no’u ma na ano a pau loa e pili ana i ka malama ana ka hooponopono ana a me ka ohi ana i na auhau o ko’u mau waiwai a pau loa maloko nei o keia aupuni. O na poe a pau loa e paa ana he mau waiwai no’u ma ko lakou lima, e hoihoi ae lakou ia’u ponoi ma ko’u wahi noho ma. Honuakaha, ma Honolulu, Oahu.

KAPIOLANI.

(Ma o Jos. Nawahi la.)

Honolulu Oct. 31, 1891.  314-d3@.