Ka Leo o ka Lahui, Volume II, Number 572, 26 October 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

JNO. E. BUSH.

Lunahooponopono a me Puuku,

 

POAKOLU, OKATOBA 26, 1892.

 

NO HOOKAHIPULE.

 

        Mamu no ka loaa ole o ka Aha Kuhino i makemake ia e ka Moiwahine, a i ae hoi i na hoohuihai ana me na hoa i manoia, aole i hoomau aku ka Hale Ahaolelo i kona noho ana.  Ua hoopanee aku ia hoi a ka Poakahi, ka la hope o ka mahina.

 

AOLE HE HANA MAIKAI.

 

        Mamuli o ka hoopii a na Katelika ia Rev. Kapu, ua lilo iho la ia he mea e lima nui ia ai ka noho ana o kekahi kanaka Hawaii. e noho malie ana me kona malama i kana hana, a @ie ka hoomana ana i ke Akua e like me ka ike o kona lunaikehala.  He wanama no ko keia mea, iloko o ka olelo a ke Akua, oia hoi, e ulu hou mai ana ke inaina o ka anekaristo i na la hope, a e hono no oia e hoino i na haipule oiaio o ke Akue, ke koena o ka hoomana, ka poe "malama i na kauoha a me ka manaoio ia Iesu."  Ke ulu nei ka @@ana p@pe maluna o na @ahui a pau, a e like me kona ano mau k@@ ka@ ka ulana ma kona lima, he hoino a he hookaamaka kana hana i ka poe i hi@@@ai ole i ka@a ao ana, a i malama hoi i ka JEHOVA.  Ua ku ka hoailona @ ka ahe-Kreisto, he manawa koe e hoino ai oia, a mahope ak@ e hiki mai no ka Lunakanawai nana e hookolokolo ko ke ao.

 

HE HANA HOOKIEKIE.

 

Ke anoe Mawaena o Enelani a me Amerika.

 

KIPAKUIA O KAPU.

 

        Maluna o ka mokumahu Alameda, ua hiki hou mai ia la o Rev. W. B. Kapu i kona on@ hanau me kana wahine o ka mokupuni o Tapitauea.  Mai ka makahiki 18@3 eia i lilo ai he misionari no ka Papa Misiona Hawaii ma Maikonikia.  Mai kona noho ana ma ia Paeaina a hiki i keia wa he elua ona hoi ana mai no Hawaii nei, oia hoi i ka 1877 a mahope hou mai i ka 1880.  O keia hiki hou o Rev. Kapa ma Hawaii nei i keia mau la aole ia mamuli o kona manao maoli aka ua apo ia iho oia e ka lima o@lea o kekahi luna aupuni o Beritania, me ka hoolohe ole a me ke kaupaona ole i ka pono a me kaulike o ko ke kanaka kuleana, a mamuli o kona ikaika ua hana aku oia e like me kona makemake,--e like me ka Lo Keoki Pauleke i hana ai mamua ia Hawaii, ana i kaili ai i ke ea o ke aupuni a lilo pio o Hawaii.

        No kona hopu ia ana a me kona kipaku ia e ka kapena o ka Manuwa Beretania Royalist, penei kana olalo ana imua o kekahi me kakau mea hou o ka P. C. Avataisa, me ka pane ana mai i kona ninau ana aku.  He oiaio anei ua kauoha ke Kapena o ka Manuwa Beritania e hoi hou oe i Hawaii nei, no ka mea ua paipai oe i kanaka o Tapitauea e kaua.

        Wahi a Rev. Kapu:  "Aole; aole oia ke kumu.  E hai aku no au i ka mea oiaio.  Ua ku mai ka manuwa Beritania ma Tapitauea i ka malama o Iune i hala.  Mahope o kona kau ana i ka hae ma keia mokupuni, ua holo aku oia a hana aku e like me ia ma na mokupuni e aku o keia Paeaina--Utiloa, Butaitari, Maiang, Nonouti--a hoi hou mai la no Tapitauea, kahi o'u e noho ana.  Ua kuu heleuma iho la ka moku ma ka Hema o ka Mokupuni, a holo aku ia ke kapena no ka aoao aku ma kona waapa.  Iaia ma ka aoao akau, ua hoopii mai la na haole kalepa, ha poe Katolika lakou a he @@li loa hoi ia'u, i na kumu he lehulehu.  O na mea nui hoi oia keia: (1)  He kue ino au i ka hoomana Katolika Roma, a e hoao ana e hoala ae i kekahi kaua mawaena o na aoao hoomana: (2) Ua hooholo hoi au i kekahi mau kanawai malun@ o ka kanaka Tabitauea.  I ka manawa o ke kapena i lohe a@ i keia mau olelo hoopunipu@@ @ huli h@@ awiwi mai la oia no @a aoao @@@@ o ka mokupuni e launa me a u@.  Ua hele pu mai no hoi oia n@e kekahi mahele olelo.  Ua pane aku au i a@@ aole a'u kue i na Katolika, aka e hooikaika make ana no au iwaena o kanaka no ka pono o ka Hoomana o Karisto.  Ua wehewehe aku au i kau mea i kamailio ai, aka mamuli paha o ka pololei ole o ka @@uni ana, a no kona makemake ole paha e hoolohe i kau @@@ olelo, ua inaina loa ke Kapena a ua pane mai:  Ua hewa loa ea!  E hoi hou oe i Hawaii ano koke!  He eliaia ka nui o na ano hoomana o na kanaka maluna o ko'u moku, aole nae o'u komo wale aku e ala@ai i ka mea pili i ko lakou hoomana ana.  Heaha ka mea i hiki ole ai ia oe ke hele e ao i kou hoomana a haalele mal@ aku @@ i ka poe Katolika.  Huli aku la ke Kapena i kekahi kanaka Katolika i kapaia o Taupo, a ninau aku la ina @a pili ka hewa ia Kapu e like me ka mea i olelo ia e na haole kalepa.  Ua pane mai oia.  Mama loa.  Pane aku la ke Kapena.  Aole:  aole mamua, aka i keia wa.  Ua pane mai ke kanaka, Aole.  Ninau hou mai la ke Kapena a'u ina ua kau aku au i na kanwai no keia lahui.  Ua pane aku hoi au, aole, na na lii no e hana ko lakou kanawai.  a aole ia'u ia kuleana.  Ua ninau aku hoi ke Kapena i ke kanaka, na wai i hana ke kanawai.  Ua pane mai ke kanaka:  O oe no (oia hoi o ke Kapena).  Ua olelo mai ia ke Kapena ia'u e hoomakaukau a e haalele ia Tapitauea iloko o kekahi mau ia mai.  Ua kaumaha loa au i keia mau huaolelo, aka ua pohala ae la au a ninau aku hoi na wai e uku ana ko'u lilo moku, a hiki i Honolulu oiai aole e hiki ia'u ke uku.  Ua olelo pololei mai ke Kapena aole oe @ hoomaopopo no ia mea, e hoomakaukau oe.  No ko'u aa ole e hoole i ka mana o ke aupuni Beretania, ua ae aku la au."  Aole i pau.

 

Na Tin@ Opiama he 874.

 

        Ma ka noonoo ia ana ka hihia o kela mau Pake elua i hopuia ai me na tini opiuma he 874 ma ke alanui Nuuanu, i manao wale ia o laua na ona kela heluna opiuma ku ka puu ha@a ka haawe e like me ka makou i hoike mua aku ai, ma ka Poakahi nei a me ka la mehinei imua o ka Aha Hoomalu.  ua akaka loa mamuli o na hoike ma ka aoao o ke aupuni, he hookahi o ua mau Pake ia i maeniae. a o ia lua, e pokai ana.

 

EIA HOU NO.

 

        O kekahi o na hana powa a pakaha lua ole o ke koa a me ka maka'u ole i hanaia e ka poe powa alanui, ua ike ia ma ke ahahi Poakahi nei ma ke alanui Alakea, mamua ponoi iho @ ke keena o Kauka McWayne.

        Ma ka hora me hapa o ka po i hoike ia ae nei.  ua powa ia iho la kekahi wahine ma ka inoa o Mrs. Colburn e kekahi mea. ma ka lima ikaika ana i na aoao palupalu la a hina ilalo ma kapa o ke alanui, a kaili anku la hoii i ke eke dala mai ka wahine aku, nona ka waiwai io iloko he 40 dala.  Aole i maopopo i ka wahine opio ke ano o ka mea aihue, aka ma kana koho, he haole Manuunuu mai nei hoi na ano hana o keia ano i keia mau la.

 

KAU AHAOLELO O 1892.

 

LA HANA 113.  Poakahi, Oct. 24.

 

        Halawai ka Hale e like me ka mau.  Heluheluia ka moolelo o ka la i ha@a. a me ke noi aponoia. 

        Oo ka loaa ole o ka Aha Kuhina, hoopanee ka Hale i ka hora 10:06 o ke kakahiaka.

 

NU HOU KULOKO.

 

Ahaolelo k@ keia la. hora 10

 

Ea. anea--ahea loaa ka Aha Kuhina?

 

        Eia na eta i loaa mai maluna o ka mokuahi Alameda:  He 10,299 letaa he 11,907 nupepa.

 

        Ua lona mai he lono e hoike ana, e hoomaha ana o Ria Adimarala Baraun umai kopa noho haku ana no ka Pakipika nei, aole e loihi loa na la mai keia la aku a he kanaka hou ka mea e hoopiha aku ana ma kona kulana.

        He @la@o, ua alo aku ka Iwa@a@@ na awa o Kauai o ka Mikahala ma ke ahiahi nei.

 

        Iuka nei kekahi mau koa o ka mokukaua Alliance i kela mau la aku nei kahi i paikau hookahakaha ai.

 

        Ua make ma ka la 24 iho nei, o Kapena T. W. Flemming o keia kulanakauhale, i ke kanaono @ oi o na makahiki o kona ola ana.

 

        He paina liilii ko lalo o Manana i ka la 19 o keia mahina ae a ua kono ia mai makou e laulima pu aku, a na ae makou i ke@a ke ole e loaa na kuia.

 

        Aole he lono i loaa mai e pili ana no ka poe aihue na lakou i komo kolohe ka hale amara kapuai hao o Hollinger ma ke alanui moiwahine i ka po Poaono nei

 

        Ua holo aku no Molokai i ka Poakahi nei maluna o ka mokuahi Mokolii ka Haku Bihopa o Ponopoli, no ka ike ana i na hoahanau ma ka Panalaau Ma'i Lepera.

 

        O ka la hana 113 o ka Ahaolelo kekahi o na la pokele loa i ike ia ma ka papa hoike, no ka mea he 13 wale no minute o ka noho ana o ka Hale, o ka hoopahee no ia i ka welowelo.

 

        Ua hookikina hou ia kahi mea eli--awa i ke kakahiaka o ka Poakahi nei, e kalakaiai hou i kekahi mau wahi o ke awa a loaa ka hohonu like i makemake ia, oia hoi ke 30 kapuai.  Ka i no paha ua pau io?

 

        He mau hoolele malamalama kukui uwiia ko luna o kekahi o na moku e ku nei i ka nuku o Mamala i ka po Poakahi nei, ke hele la a ahuwale ka luna o Kaala, kuahiwi o Wailua, me ka piko o Daimaha Hila.

 

        O Caramba, kela Pukiki nona ka hale i a ia ai e ke ahi i ka Lapule nei ma ka Punahou, a i loaa hoi he mau palapu a ke ahi maluna o kona kino, ma na lono hope loa i loaa mai ia makou ma ka la inehinei, aia no ia ke k@mau ike la a he wahi manaolana no kekahi no kona palekana.

 

        Ma ka po Poakahi nei, la 24, ua lele maopu aku la ka uhane o Monika. (w), ma kona wa ai noho ma Waikiki, mahope iho o kona kaa ana i ka nawaliwali no kekahi mau la loihii hala ae n@i, a hiki wale i ke kuu ana aku la o kona a@o, ka hanu o ke kino.  He kamaaina kahiko o Monika no ia kaha, a ma kona make ana, ua haalele iho oia mahope nei, he luhi, na kini makamaka a me ka lehulehu a pau, no ke kumakena ana aku nona mahope nei me ka paumako.  Na ka la inehinei i malamaia ai ka huakai hope.

 

        I k@ Poalua @@ @ ai ka mokuahi O@ eke leta mai ka Hikina @@, i @k@ l@a e ka Auseteralia iloko o hookahi la ka haule mahope mai.

 

Hoolaha'a ka Malama Waiwai.

 

        Ke hoolaha aku nei ka mea nona ka inoa malalo, a hookohu ia aku oia i Malama Waiwai o na Waiwai a pau o Lydia K. Kamakaia a ma Samuela Kamakaia @ kana kane, ma kekahi palapala hookohu malama waiwai i hana ia i keia la.  Ke hoolaha ia aku nei ma keia e hookaa koke mai ka poe i aie ma ko'u lima.  Honolulu, Sept. 10, 1892.  sept 14 lm.

 

        Ke hoike aku nei ka mea nona ka inoa malalo nei, o na aie a pau i hoaie ia e Lydia K Kamakaia  a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa o@e, a ke kauoha pu i@ aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.  ABRAHAM FERNANDEZ. (Aberahama.)

Ma kahi o E. O. Hall & Son. Malama Waiwai o Lydia K. Kamakaia me Samuela Kamakaia.  Honolulu, sept. 14, 1892.  sept15 1m.

 

HOOLAHA HOOKO MORAKI.

 

        Mamuli o kekahi mana kuai i hoike ia maloko o kekahi palapala moraki i hana ia mawaena o Daniela P. Nama@u o ka aoao mua, a me Henry Smith. (Trustee) o ka aoao elua, ma ka la 12 o Feberuari 1891, i kakau kope ia ma ka buke 131 aoao 159 a mamuli o ka uhai ia ana o na kumu aelike o kela moraki, oia hoi ka hookaa ole ia o ke kumupaa a me ukupanee, nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia ma@a kuai.

        A ke hoolaha hou ia aku nei. aia mahope aku o na pule ekolu mai keia la aku, e hoolaha ia aku na aina i hoike ia ma ia Moraki no ke kudala ana ma ke Keena Kudala o Jas. F. Morgan, ma Honolulu, ma ka la 19 o Novemaba 1892, hora 12 o ia la.

        Aia ma kahi o C. W. Akepoka.  Loio ma ka aoao Moraki, na olelo hoakaka hou aku no keia mea.  Hana ia i keia la 11 o Okatoba 1892.  HENRY SMITH.  Malama Waiwai.  Mea Moraki Mai.

 

        Penei na aina i moraki ia:

        1.--O ka pahale a pau e waiho la ma Kapalama, Honolulu, i hoike maopopo ia iloko o kekahi palapala kuai mai a Wiliama C. Aki mai ia Daniela P. Namauu i olelo ia, i hanaia ma ka la 7 o Ianuari, 1891, i kakau kope ia ma ka Buke--aoao--

        2.--O na puhale a pau e waiho ana Waikakuu, Kona Hema, Hawaii, i hoike maopopo loa ia maloko o ka Palapala Sila Nui 3141 ia Kekaula, nona ka ili a pau o 220 eka, a i hooliloia e Kekaula i oleloia ia Mr. K. Lumaawe, ma kekahi palapala kuai i kakau kope ia ma ka Buke 85, aoao 406, a mai  a Lumaawe mai hooliloia i ka mea moraki i oleloia, ma ke palapala kuai i kakau kope ia maloko o ka Buke 127, aoao 329.

        3.--O na pa hale a pau o waiho ana ma Kaohe, S. Kona, Hawaii, i hoike maopopo ia ma ka Palapala Sila Nui 6001, Palapala Hookuleana Helu 7494 ia Kekau@a, ai ho@@ilo@@ i ka mea moraki ma ka palapala kuai i oleloia ae nei a Lumaawe.  Oct, 13. 2wk.-dly.  2wk-wkly.