Ka Leo o ka Lahui, Volume II, Number 662, 15 March 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

 

KA HUI HAWAII ALOHA AINA.

KE KUMUKANAWAI.

            Oiai ua ike ia ae nei ka loli ano nui ana o ko kakou aina, he mea hoi e manaoia ai. e hoopilikia ia ana kona Kuokoa ame na Pono Kivila o kona mau Makaainana, a ma na Kupa, a no ia mea, he mea pono e kukuluia ona Hui manao lokahi a makaala mawaena ole i ka Aoao Kalaiaina, a Manaoio Hoomana paha. Nolaila:

            E hooholoia.  O makou o na makaainana kupaa a me na Kupa Aloha Aina. a makee maluhia hoi o Hawaii nei. no ke kiai makaala ana i ko makou mau Pono Kivila, ma keia, ke hoohui nei makou ia makou iho ma kekahi Anahui, malalo o ke Kumukanawai mahope ae nei.penei:

INOA.

PAUKU 1 – O ka inoa o keia Ahanui, oia “Ka Hui Hawaii Aloha Aina.”

KA HANA.

PAUKU 2 – O ka hana a keia Ahahui oia ka malama ana a me ke kakoo ana, ma na keehina hana maluhia a kue kanawai oie, i ke kulana Kuokoa o na Pae Aina o Hawaii, a ina he mea hiki ole ke malamaia ko kakou Kuokoa, alaila, o ka kakou hana oia ka hooikaika ana i na hana kue ole i ke kanawai a me ka maluhia e hoomau ia ai ka Pono Kivila o na kanaka Hawaii a me na Kupa makaainana.

NA MALELE.

PAUKU 3 – Aia iloko o keia Ahahui e kukulu ia ne hookahi Hui Nui ma Honolulu i kapa ia “Ka Hui Kuwaena,” [Central Body] a mai loko aku ona e kukulu ia ai i mau Ahahui lala ma na Apana Koho o na Mokupuni.

NA LALA.

PAUKU 4. – [A] O na Lala o keia Ahahui, oia na kanaka Hawaii maoli o keia aina, he 20 makahiki a oi aku i makemake e hoopaa ia iakou iho malalo o na kumuhana o keia Ahahui, na kupono ia e lilo i mau hoa, a lilo hoi i mau lala mamuli nae o ke kakau inoa ana malale o keia Kumukanawai.

            [B] O na kanaka a pau o na Aina –e, e noho nei i keia wa he mau Pono Kivila ko lakou iloko o keia aina a i lokahi pu hoi, na manao e kakoo i na kumuhana a keia Hui, a i makemake e hoopaa ia lakou iho no ua Hui la. ma ke kakau inoa ana maialo o keia Humukanawai, e lilo no lakou i mau hoa Hanohano (Lala) no keia Ahanui.

NA HOONOHONOHO ANA.

PAUKU 5 – O ka Hui Nui Kuwaena [Central Body] o “Ka Hui Hawaii Aloha Aina” oia ke noho mana maluna o na Ahahui lala o kela a me keia apana koho, a e lawelawe ia ana e na Luna Nui malalo iho nei, penei:

1-Peresidena Hanohano, 1-Peresidena, 2-Hope Peresidena, 1-Kakauolelo, 1-Puuku a me 13 mau Hoa Kuka, a o lakou a pau, oia ka Aha Hooko o 19 lala.  O keia mau luna a pau he poe kanaka Hawaii maoli, a e koho ia lakou ma ka Balola, no ka manawa a e hoakakaia e na Rula o keia Ahahui.

E koho no na Ahahui Lala o naa apana koho i ko lakou Lunahoomalu, Hope Lunahoomalu; Kakauolelo a me ka Puuku, a e koho i hookahi Elele i wahaolelo no lakou e hele mai ai imua o ka Ahahui Nui (Hui Kuikawa) ma Honolulu. a na loaa i ua Elele la ke ku leana e hele ai ma ua halawai o ka Aha Hooko a me na halawai o ka Ahahui.

NA LUNAA HANOHANO.

PAUKU 6.  O na kanaka o na Aina E, e lilo ana i mau lala, e kohoia lakou e ka Aha Hooko no na kulana hanohano e like me keia:

1.        Peresidena Hanohano

2.       Hope Peresidena Hanohano

2,  Kakauolelo Hanohano

       7.  Hoa Kuka Hanohano, a oi aku paha e like me ka mea e hooholoia ana e ka Hui ma keia hope aku;

            O keia mau Luna Hanohano oia ka Aha Kuka [Advisory Council] e noho pu a e koho me ka Aha Hooko.

NA HANA A NA LUNA.

PAUKU 7.  O ha hana a na Luna Nui, ua like no ia me na hana maa mau e pili ana ina Hui e ae e like me keia ano Ahahoi.  a e hoakaka pono ia ana hio ma na rula e aponoia ana ma keia hope aku e ka Aha Hooko.

NA HALAWAI.

PAUKU 8.  Na halawai o ka Hui e kahea ia no ia e ka Peresidena, ma ke kauoha a ka Aha Hooko, a o kekahi mau Hoa paha he 10;

E kaheaia na halawai a ka Aha Hooko e ka Peresidena ma ke noi a kekahi mau hoa 3, o ua Aha Hooko la;

O na hana o na halawai a pau o ka Hui a me ka Aha Hooko e aladai ia no ia e ua rula o na anaina maikai, a me na rula maa mau o na Ahaolelo.

KIPAKU ANA.

PAUKU 9.  O kela a me keia hoa o ka Hui a o ka Aha Hooko paha, e hana ana i kekahi hana e kue ana i ka manao a me na hana a keia Ahahui, e kauohaia no ia e ku imua o ka Aha Hooko, a ina ahewa lakou iaia, e kipakuia no oia mai ka Hui aku.

NA HOOLOLI O KE KUMUKANA WAI.

PAUKU 10.  O na hoololi a me na pakui ana mai i keia Kumukanawai, e hana wale ia no ia ina ka hooholo ana a na halawai mau o ka Hui.

Aponoia ma Honolulu, i keia la 4 o Maraki, 1893.

Peresidena Hanohano             J.A. Cummins

Peresidena                               J. Nawahi

Hope Presidena                       J.K. Kaunamano

 “     “                                  J.W. Pipikane

 

 

HE OHU NO KAIULANI.

He ohu keia no Kaiulani

Ka wehi Kalunu a o Hawaii

Ka pua i pono ia e ke onaona

I ka puuwai hoi o ka Lahui

Eia Hawaii Moku o Keawe

Ua keehi kulana aina ike

Ua ike na Lani i ka Hiwahiwa

I ka wehi ku kahi a o Hawaii

Nau i alo mai na kai anu

O ka moana nui kai hohonu

A hiki i ka lai Wakinekona

I ka Hale Keokeo a o Nu Ioka

Okaoka na hana a ka pakaha

Lilo i mea ole na enemi

Ua haule na nana a ka lokoino

Ua oia Hawaii kau i ka Hano

Ua kokua mai na mana Lani

I ka leo walohia o ka Ihikapu

E noi ana hoi me ka nahenahe

No ke Kalaunu hoi a o Hawaii

Umia e ka hanu e ka Ihikapu

I ola ai hoi kou Lahui

Eia ka lono i Hawaii nei

Ua nele na hana a ke Kolea

Ua hoi luuluu na Komike

Ua nele i ka pono a i upu ai

I manao a hoi a e pakaha

I ka lepo aloha a o Hawaii

Ke hea mai nei ka Pae Opua

Ua ola Hawaii a mau loa

E welo hou kou Hae Hawaii

Ma na kapakai o kou Aina

Aina o ka nani me ka maikai

Makaleho ia ai e ka Hihikolo

Aole e loaa Hawaii nei

Aina no Kane me Kanaloa

Uoi kumu ia ua mole lalo

Aohe eu e naue ai

He oia mau ia a mau loa

A kau hou i ka hano hawea

Haina ka puana o Kaohulani

E ola o Kalaninuiahilapalona

Haku ia e

                        Mrs. Kala.

                        Honauakaha, Mar. 10 1893

 

 

HE WEHI NO KA LAHUI.

He wehi keia no ka Lahui

No Hawaii Nui Kualiholiho

O ka opuu liko o ke Kalaunu

Kiko-waena o ka Pakipika

E ala Hawaii Nui o Keawe

Ku mai o Maui Moku o Kama

Ea mai Molokai Nui a Hina

Kahela Lanai i ke a-ea

Eia Oahu Kakuhihewa

Ke haaheo nei ma ka hanohano

Hanohano Kauai i ka’u ike

Pili mai o Lehua i ka mole olu

Ua olu ka nohona a o Hawaii

Nawe malie nei i ka puuwai

Ua hiki mai nei ka Hokuloa

Ka lono hauoli i Hawaii nei

Ua inoa i ke kau moe hooilo

Hoohui Aina a ka lokoino

I manao ai hoi a e lima nui

I ka pono Kivila a o Hawaii

Kue ka mana o na haipule

I ka hana pakaha a na enemi

Hoi hou ke Ea o ka Aina

He wehi hanohano no ka Lahui

U mia ke aloha paa iloko

Kaoni malie i ka punwai

O ka waiwai na ua sila ia

Ua paa loa ke Aloha Aina

Aole hoi hope na Hawaii

A kau e ka Hae o ka Lanakila

Hea aku makou i ka Lahui

Pae e ka leo ua lanakila

Haina ka puana a i lono ia

Ua olaa Hawaii a mau loa

Haku ia e

                        Mrs. Kala.

                        Honuakaha, Mar. 10 1893.

 

            Mai haohao e ko makou poe lawe pepa i na aole e loaa a ku ka oukou nupepa.  Oiai e hoopaa ana makou i ka pepa a na Luna hoihoi pololei ole mai i ke ola o ka Pepa, a ke noi pu aku nei makou i ka poe i hookaa mua i ka lakou kala ina Luna i a ua ia o ka pepa, e hoike mai i ko makou nei Keena, a na makou ka hana me ia Luna.  Mai poina i keia.

            JOSEPH NAWAHI,

            Lanahooponopono.

 

Na Leta e Waiho nei Maloko o ka Haleleta a hiki i Feberuari 28, 1893.

PAUOA.

 

Mrs. Kaaekuahiwi,

  “   Kamaka,

Jane Kaheleiki,

W.P. Hoa Kepookela.

LELEO.

Kmos-opio,

Kuahua Kamiki,

Mele Kamaka,

KAPALAMA

 

Kainaiua,

J. Mahiai,

Annie Davis,

Malaea Keoki,

Joseph Maliekai,

Kane Waiopua,

John Spencer, Kuhao,

Pilialoha.

AUWAIOLIMU.

Matalo,

Kumakalehua,

Kaluakini,

Kawahapaa.

KULAOKAHUA.

Mrs. Emily John.

NA ALANUI.

Eleneke, S.K. Kawaiwai, Mrs. Kaumano.

PAWAA.

Emale, Noa Kupau, Kolohai, e. Kamahalo, Paulo Kaaua, M. Siuid, Dan’l K. Kaeo, Malsea.

APUA.

Henry Keoni, Waialeale, Moke Kekaalua, Kalehua.

KAPAUHI.

Keikie Kekahili, Mrs. Kamaka.

KAAKOPUA.

Namaha, Peke Abe, D. Napoohiwi.

KUNAWAI.

Melekule Kapulsui 2, Waiola, S.W. Keoni Poniu.

MAKIKI

Kelimoeahi, L. Rokalio, Keawe.

PELEULA.

Paliuli, Sarah Kalai.

WAIKAHALULU.

Oni.  Kanemo, Muli.

HAIMOEIPO.

Kailipaka, Pahiha.

 

HOOLAHA OA AUPUNI.

            E ike auanei na kanaka a pau, eia ma ka Pa Aupuni o Makiki nei kekahi mau holoholona hele hewa Lio k. ulaula 1 wawae keokeo o mua hema.  3 wawae eleele keokeo ka lae hoa A kur hope akau.  Bipi w ulaula hoailona oki ma ka peneiao akau hao P kuni hope hema.  O ka mea a mau mea nona keia mau holoholona e pono e kii koke mai e hala ka wa kupono e kuai kudala akea ia aku ke hiki aku i ka la 25 o Maraki, 1893.

D. KAOAO,

Luna Pa Aupuni.

Honolulu, Mara@i 14 1893

mar 13 tfd.

 

PAPA INOA

O NA MEA

ULU HAWAII.

 

[Kakauia no Kaa Leo O Ka Lahui.]

Aaka                            Kamakawai

Aalii                            Kamole

Aiea                             Kanawao

Ahakea                        Kaunaoa

Ahihi                           Kawau

Ahuawa                       Kawelu

Akala                           Ki

Akia                            Kikania

Akiaki                         Kikawaio

Akiohala                      Kilioopu

Akolea                         Ko

Aku                             Koa

Akulikuli                     Koaie

Alani                           Koali

Alahee                         Kolea

Alaalapuloa                 Kopa

Aloalo                         Kookoolau

Aliinoe                                    Kou

Amau                          Kukui

Ape                             Kuolohia

Apiipii                         Kupaoa

Awapuhi                     Kupukupu

Awikiwiki                   ------------

------------                     Lauae

Ea                                Lama

Ekaha                          Lanakiawahine

Ekoko                          Loulu

Elama                          ----------

---------                         Maia

Ieie                              Maile

Iii                                 Maoheohe

Iiwi                              Makahekili

Ihi                                Makohekohe

Iliahi                            Makoloa

Iliau                             Mamane

Ilima                            Manewanewa

Iwaiwa                                    Manienie

----------                        Mana

O-i                               Moa

Oha                             Mohihi

Ohai                            Mokae

Ohe                             Mokihana

Ohelo                          ------------

Ohia                            Naia

Olapa                           Naku

Olepe                           Nehe

Olona                          Nenelau

Olomea                        Nioi

Opikao                                    Niu

----------                        Nohu

Uala                             Noni

Uhi                              ----------

Uhiuhi                         Paihi

Uki                              Painiu

Ulei                             Panini

Ulu                              Pala

Uluhe                          Palai

Uhaloa                         Pua-o-hiiaka

----------                        Pawale

Hala                             Papala

Halapepe                     Papapa

Hapuu                         Pia

Hau                             Pia

Hei                              Pili

Hinahina                      Pilo

Hoi                              Poha

Hoio                            Pohe

Hohoiea                       Pohuehue

Honohono                   Poniu

Huehue                        Puakala

-----------                      Pukamole

Kaeee                          Pukeawe

Kakaloiao                    --------------

Kalamalo                     Wauke

Kalo                            Wiliwili

Kaluha                         Wawaeiole

Kamakahala

 

            Ua makemakeia na inoa i koe aku o na mea ulu Hawaii, e pakui ia mai; e hoouna mai i ke kope inoa i ka Lunahooponopono.