Ka Leo o ka Lahui, Volume II, Number 1054, 22 October 1894 — UA HALA. [ARTICLE]

UA HALA.

He mea ehaeha no ko makou puuwai i ko makou ike ana iho ma ka nupepa Aloha Aina. hoike ana ua hala o J. W. Kamahiai o Waipio Hamakua Hawaii i ke ala hoi ole mai. Ua moe akula i ka moekapu o Niolopua, a wehe maila i kapili hoo ka o ia loko, pau ka ike, ana i na mea o keia o mauleule. He kupa he kamaaina oia no na pali o Waipio, ka wailele o Hiilawe ka paepae kapu o Liloa, ka lehua a kauhane, ke one o Pakaalana. Ua haalele iho oia he wahine, ka ohana a me ka nui o na hoaloha e uwe paiauma aku nona ma keia kae o ka muliwai ele ele o ka make. He Peresidena oia no ka hui Aloha Aina no ka apana o Hamakua, a he kanaka hoi i hili nai ia a he Luna pepa eleu hoi oia. E ka wahine i hoonele ia i kekane ole e hoomama i kou manao ma o ka Haku ala nana no e kokua mai.