Ka Makaainana, Volume II, Number 17, 22 October 1894 — Page 1

Ka Makaainana.

 

BUKE II --- Ano Hou.  Honolulu, Oahu, Okatoba 22, 1894.  HELU 17

 

He Wehi no Uluhaimalama.

 

Hookahi la nui ua hiki mai,

O Uluhaimalama he malapua

Ua ana pono ia na kapuai,

Ka loa a me ka laula,

Ua hoolawaia e na hoa,

E kanu a ulu, liko a lau,

Pua a mohala I ke kakahiaka,

Puia I kea la o na pua,

Onaona mapu ana hanu o ka

Panase,

Popohe a ka lihilihi veleveta,

Pehea iho oe a I ka lehua,

Na lehua makanoe o Luluupali,

Hainaia mai e ka punohu,

Ka pipio a ke anuenue iluna,

Aole I ana iho kuu makemake,

Ka popohe a ka pua Ponimoi,

Kuu pua Vaioleta poina ole,

Noho mai I ka malu hoomomoe,

Auhea la pua Ohawai,

A he pua mililani na ke aloha,

Puia onaona ka puana ia,

Uluhaimalama I ka lanakila.

 

Hui Hoopukapuka Hawaii.

 

Ua hoohui ae nei o C.P. Colburn (Kale Kolopana) a me C.A.Long (Kale Lona opio) ia lau a iho malalo o ka inoa hui maluna ae.  E loaa no laua ma ko laua keena oihana I na poe a pau e makemake ana e aie dala malalo o ka hoopaa waiwai paa a me na lewa ma ka moraki ma na helu 13 me 15, alanui Kaahumanu, ma kekahi aoao iho o ko Akoni Rosa keena loio.  Ua makaukau laua ma na ano a pau e hooko aku I na iini o na poe aka aie dala, a I ole ia, o na poe e ake ana e hoolilo I na aina a e kuai mai paha I na wahi kupono no na home, a pela aku.  He malihini ka inoa mua, he inoa makuakane hanauna nae hoi no Keoni Kolopana, a he’oiwi no hoi no kakou ka inoa hope.  Aohe e hewa ke awihi iki ae I ka laua hoolaha e puka aku nei ma keia helu a ke kipa aku no hoi e ike a e kuka pu me laua.

 

Hooplia na Poe Hoohaunaele.

 

Ma ke kau kiure mai nei ma Kohala, Hawaii ua ahewaia o J. Gaspar, ka haku Pukiki I hookikina ai I na kauwa Kepani ona e ohi I ke kope ma ka aina hoolimalima hui o Keei 2 ma Kona, a e kue aku hoi ke hopuia mai, a mamuli o ia haunaele ana I make ai he Kepani a eha hoi he makai.  Ua hoopaiia oia e uku I $500 a e noho ma kahi paa no 24 hora.  Holuna Kepani iho no no ua Pukiki la, ua hoopaiia e uku I $200 a me 24 hora hoopaahao.  Eono mau limahana Kepani I hoopaiia e uku I $75 pakahi me ka hoopaahaoia e like me na mea mua maluna ae.

 

HAAWINA PAHAOHAO.

 

Moeuhane Pahaohao o ka Po a me na Wehewehe ana.

 

Po a ao ae ka Poaha, la 4 nei, loaa hou no keia wahi haawina moeuhane malalo iho I ka wahine no nana kela moe I hoopuka ‘mua ia ai ma ka helu 14 o KA MAKAAINANA nei o ka la 1 nei.  Eia iho kea no o ua moeuhane la I hoikeia mai ia makoui

Hele aku nei ka hoi oia, me ka maopopo ole iaia o kahi I hele ai, aka, o ka hoea anu aku I ka hale oihana poo o ka Hui Alahao a me Aina Oahu, ma Kuwili aenei, oia kana I hoomaopopo. (1) – Oiai oia malaila, ike aku la oia he ahi nui e lalapa ana ma Kikihale a me Kapuukolo, (2) – a komo iho la ka manao iloko ona e holo I kauhale e noho nei o ka Puuku o KA MAKAAINANA nei, no ka hoike aku iaia e iho I kai e hoopakele ai ia keena nupepa.  Iaia ka hoi I mea mai ai e hele, ike iho la oia ua hoolana pu ia o waho iho e ke kahua o ia hale oihana poo e ka wai a hiki ole iaia ke hooko aku I kona manao.  (3) – Ia wa iho, alawa aku oia I kai a iwaho o ke awa, e hoolana mai ana he mau waapa lehulehu, a lohe aku nei oia I ke poha ana mai o kekahi mea me he pu la, a I nana pono aku kona hana, e lele ae ana kekahi mea keokeo iuka nei o ka aina me he kao la, ma kahi o kea hi e holapu ana, I like ke kolili me he wai la, aka, ike hou aku nei no oia I ka huli hou ana aku o ua mea la I kai, me he la ua puhiia aku e ka makani, a haule ana ma kahi o ke alahaka e moe la I kai o Kahakaaulana.  (4) –A ma kahi hoi o ia mea I haule aku ai, ike aku nei oia he mau kaa hali ohua lehulehu e like me na kaa hali ukana o ka Hui Ala hao, ua hele o luna a piha I kanaka, aohe nae I hiki iaia ke hoomaopopo aku ina paha he poe haole, a I ole ia, he poe Hawaii paha.  (5) – O ua mau kaa la ka hoi, moe mai nei kaoo no uka nei, a lele okoa nui mai nei me ke kii o ke Akua-wahine o ka Lanakila (goddess of Liberty) o Amerika Huipuia mamua pono, (I like loa kea no me ke kii ma ke dala Amerika,) he wahine e paa ana I kekahi laau ihe ma kona lima akau, a makau oia I keia mea kupaianaha a huli ana hoi no kauhale, no Kapalama.  (6) – A ma kahi hoi o kahi ahua iki ma Leleo, he puu nui ke ku ana a me ka hana nui I pii ai a kau pono iluna.  (7) – Iaia a kau pono iluna, pa ana kahea mahope mai lalo loa mai o ka puu, a I huli ae ka hana a nana, he pokii uona ka I hea aku, oia me kakahi keikikane uuku ana a me kekahi wahine e ae. (8) – Pa no kahea a pa pu no me ke uoi, “Auhea ka meaono,” a huli no hoi keia a koila aku.  A ma keia wahi la, pau na mea I hoomaopopoia no ka moe.

 

E like no me ka mua, pela no hoi me keia, I ka loaa ana mai o ke kope, ua haawi koke ia aku no I ko makou Kilokilo Dimerata.  Eia iho no malalo

 

Kana Mau Wehewehe Ana:

1-He elua no mahele, 1-Hakaka; 2-Kaua, a me ka ma’I ahulau, ina nae ua pau holokoa ke kulanakauhale.  A malia no paha he wahi ma’I iki no paha.  A ina no hoi he ahi hoike keia no na hana kipi iloko o ka aina, no ka hoomaemae ana, alaila, ua maikai no.

                Ma kekahi ano hoi ke nana’ku, he hana okoa paha ke kumu I hoike mai ai ka moe I ka mea nana ka moe.  Oiai, ke alakai nei ka moe iloko o Kikihale a me kapuukolo, he mau punana keia no na hana haumia I na wa I hala, a pela no paha I keia wa.  A I na he aka keia mau punana haumia no na hana kipi iloko o ka aina, alaila, oia iho la.  Aka nae, e hoakaka au I ko’u manao no na inoa o Kikihale a me Kapuukolo, I mea e ikeia ai kekahi ano okoa e ae o keia haa wina moe.  He elua no mahele maloko o Kikihale, oia hoi, 1-“kiki;” 2-“hale.” AA penei kea no o ke “kiki,” he pani ana aku ia I kahi hakahaka a naha paha I mea e paa ai kea hakakaha a’haha paha me ka welu e okomo aku ai.  O ka “hale” hoi, he hiki no ke manaoia he’kino ia no kahi wahine.  Nolaila, ua loaa ka haina holookoa no Kikihale, penei: “kiki,” oka mea hoowalewale ia; “Hale,” o ka wahine ia.  Nolaila, ua komo ka mea hoowalewale iloko o kela hale, oia ka wahine, a ua kikiia ka hakahaka a kela wahine a ua paa aku la ua hakahaka la I ka okomoia.

                Eia hoi kekahi ano o ke “kiki,” he pili no hoi I ka pu, a he mea kaua no hoi ia, a ua kepaia ke mea e hookani ana I ka pu he mea “kiki pu” oia, a pela no hoi I pili ai kela haina maluna ae nei no kea hi, he kaua. 

                No kapuukolo, he ano like no ka haina me ko Kikihale.  A I mea e ikeia ai kea no o ka inoa Kapuukolo, nolaila, e kapaeia ka huapalapala ma ka welau o Kapuukolo, a e pani iho malaila I “e,” alaila, e loaa no ka haina inoa Kapuukole.  A nolaila, ina he puukole ka haina o Kapuu kolo, alaila, ua hanaia hekahi hana e pili ana ma ka puukole o kela wahine, oia hoi, ua hopapaia paha, a hahaia paha, a mahope paha ua komo aku la ke kiki e pani ana I ka hakakaha o ka puukoke, a holapu aku la me he ahi la.  Oia ae la kekahi mahele wehewehe I ikeia ae la ma keia moe.  Aka, nowai la keia mahele I pili ai, aole e hoopaa ke Kilokilo iaia iho no “O” a no “U” paha.

                2-Ma ka nana ana I keia mahele, me he la, he manao mua paha, a he manao hou paha.  Ua ulu he manao no ka ona o ka nupepa MAKAAINANA e hoonee aku I keena hou no ia nupepa, a ke lana nei paha ia manao pela. (O kea no nae o ka wai, aole ka mea wahewahe I ke he wai maikai paha, a he wai lepo paha.

                3-O na waapa lehulehu ma ke awa, e hoike ana no ia no ke kai lakau, oia hoi, no ka aina e mai.  A mai loko mai o keia poe waapa I poha mai ai kekahi mea me he pu la, a lele mai la he mea keokeo me he kao la I uka nei o ka aina ma kahi o kea hi e holapu ana I like ke kolili me he wai la.  I ko’u hoomanao ana’e I ke poha, oia no ka leo mai ke kai mai; o ke kao e lele ana, oia ka huaolelo I puka mai a hiki I kahi o na punana haumia I hookahuaia ai kea hi ? holapu la.  O ke kolili me he wai la, o ka inaina ia.  O ka ho i??u ana o ua kao la mai kahi aku o kea hi a haule I hkahi e ke alahaka o Kahakaaulana, o ke kuhikuhi ana ia I kahi o ka poino, no ka mea, o kea lahaka e moe la no Kahakeeulana, he alahakaia I hookaawaleia no na poe I loaa I na poiho.  Owai keia poe poino, o ka poe anei ma Kikihale a me Kapuukolo, a I ole, o na poe haakei anei?  A heaha keia poino, he ma’I ahulau anei mai ke kai mai a pahola ae ma Kikihale a me kapuukolo? A he kaua anei, e like me kahi hapa o ka inoa Kikihale, oia hoi, kiki pu.  Na ke au o ka Manawa e hoike mai.

(E uaua ma ka aoao elima.)