Ka Makaainana, Volume III, Number 6, 15 April 1895 — Page 6

6 HONOLULU, OAHU, POAKAHI, APERILA 15, 1895.

HOOMANA KA TOLIKA.

He Kuhikuhi no ke Ao ana i na
oahanau o ka Ekalesia
Anagalikana.

APANA MUA---MAHELE III.
KA OIHANA KAHUNAPULE O KA
EKALESIA.
I. KA HOOKUMUIA ANA O KA OIHANA
KAHUNAPULE.
[Hoomauia mai ka Helu 5 mai.]
---ii.---

Ua hookoia ko Meleki zedeka oihana kahuna ma o ko kakou Haku la. Aia iloko o na Halelu, ua hoakakaia Oia he "Kahuna mau loa, mamuli o ke ano o Melekizedeka." Iloko o ka Episetole i ko Hebera, ua kamailioia Nona ma ia ano hookahi no elima manawa.
                I ka hiki ana mai o ko kakou Haku, ua lawe ae Oia maluna iho Ona no ko kakou hoopakeleia aku i ke kulana pakolu o ke Kaula, ke Kahuna, a me ka MOI. Ua puniia Oia e ka Uhane ma o Kona Hooliloia ana i Io a ma o Kona Bapetemaia ana e lilo Oia,----
                Ke Kaula, ka Mea Nana e ao aku i kanaka i na mea e pili ana no ke Akua.
                Ke Kahuna, ka Mea Nana e hoolaulea aku i kanaka i ke Akua.
                Ka Moi, ka Mea Nana e hoopio aku i kanaka i ke Akua.
                O keia mau oihana a ekolu, ua pau loa lakou iloko o Kona Kino ponoi: a ua hooiliia aku hoi a pau maluna Ona me ka lawe hou ole ia mai Iaia mai. Ano, iloko o ka lani, ma ko ka Makua lima akau, o Iesu Karisto no ke Kaula, ke Kahuna, a me ka Moi o Kona Ekalesia e mau la.
                Aohe Ona lawelawe hou mai i keia mau oihana ae la iloko o ka Ekalesia ma ka honua nei me ka noho mai me ka ikeia aku, aka, aia no ia mamuli o kekahi Oihana Kahuna i hookohuia mai e ke Akua. Ua oluoluia mai hoi Oia e koho a e hookaawale ae i kekahi papa o kanaka, e noho hope ai hoi Nona maloko o Kona Ekale sia malalo nei.
                O ka makamua loa o keia papa loihi o na poe hope Ana i haawi ai i ka mana e lawelawe Nona, oia no na Aposetole he Umikumamalua, Ana hoi i koho ai mai loko ae o ka puali o na poe manaoio. Ua haawi aku ko kakou Haku ia lakou i ka inoa o "na Aposetole," oia hoi, o na poe i hoounaia aku. He poe kanaka na Aposetole he Umikumamalua i hoounaia aku e Karisto i poe kaula, a i poe kumuao paha, i poe kahunapule a i poe hoomalu hoi no Kona Ekalesia. Ia lakou Umikumamalua i olelo aku ai ko kakou Haku,----"E like me ko ka Makua hoouna ana mai Ia'u, pela no hoi Au e hoouna aku ai ia oukou." Ua koho o Iesu i keia poe kanaka e noho pu me Ia, a ma ia ano hoi Oia i hoomaamaa aku ai ia lakou e lawe ae i Kona wahi ke haalele iho Oia i ka honua nei.
                Ma ia ano like no hoi Oia i ao aku ai ia lakou e koho aku i poe e ae no ka lawe ana ae i ko lakou wahi, a e pani aku no hoi i ka lakou oihana ke make lakou. Ma keia ano i hoomaopopoia ai ka hoakaka ana no ka hoomau ana aku hoi i ka Oihana Kahuna a ko kakou Haku i hookumu ai, a no ka hoomau loa ana aku hoi iloko o ka Ekalesia i Kona Mi siona pakolu o ke Kaula, ke Kahuna, a me ka Moi.
                I ke Ahiahi aku mamua o Kona Pii ana a komo iloko o ka lani, ua hooili aku Oia i ka hoouna ana a me ka mana paha maluna o ka O hana Kahuna Ana i koho ai, e olelo ana,----"Ua haawiia mai Ia'u ka mana a pau ma ka lani a ma ka honua nei. Nolaila, e hele aku oukou a e hoohaumana i na lahuikanaka a pau, e bapetiso ana ia lakou iloko o ka inoa o ka Makua, a o ke Keiki, a o ka Uhane Hemolele: e ao aku ana ia lakou e malama i na mea a pau loa o kela a me keia ano A'u i kauoha aku ai ia oukou: aia hoi, Owau mau no me oukou, pela mau aku no a hiki i ka hopena o ke ao nei. Amene."

                I mea hoi e hoike ai i ka oiaio o Kana mea i manao ai no ko lakou lilo ana i poe hope Nona ma ke ao nei, ua hoolaha ae Oia, ---"O ka mea e hoolohe ana ia oukou, ua hoolohe mai no oia Ia'u; a o ka mea hoi e hoowahawaha ana ia oukou, ua hoowahawaha mai no oia Ia'u." He mea hiki ole loa hoi ke loaa hou aku ona mau olelo e hiki ai ke hoaiai oolea loa aku i ke kumu a me ka mana mai ke Akua mai o ka Oihana Kahuna Karistiano.
(Aole i pau.)

Neoneo o Kamaki Kuea i ka aha puhiohe a ka bana Aupuni i ka po Poalima, la 5 nei, i na kahuli leo lea o ka lahui e uhene ana ma ka Hotele Hawaii. Aohe mea hookahi malaila mawaho ae o na poe puhiohe. Heaha no la ka mea hoohoa ae.
                Ua hookani pakolu ae o Keaka Luka i ke oeoe o ka hale olopapa Honolulu i ke kakahi aka nui Poakahi, la 1, hora 4:30, ma ke ano hoomanao i ka la eepa o Ape rila. Ua manao loa kekahi poe o ka mokumahu Kina ua ikeia la, eia ka he mau hana epa wale no.

Makaikai i ka Piladelepia.

Mamuli o ka ae oluolu ia mai o na Hawaii oiwi e makaikai ia luna o ka mokukaua, nolaila, i ka Poaono, la 6 nei, ua moe kaoo aku la na kanaka no ka uwapo o Burua, oiai hoi na waapa o ka moku e pili ana malaila. Me ka hana nui na wahine e kau ai iluna o ka waapa, oiai na kane aohe hooponopono ae aia ka pono o ke kau aku.

                Iluna aku o ka moku i lawe hele ia aku ai ka lehulehu e hoomakaikai ma na keena a pau o luna, ko ka Adime rala me ke kapena, ko na alii malalo iho, ke keena pili oihana o ke kapena, ka rumi paipalapala, e ku ana no ka papapai me na pahu hua kepau. Komo mai la i ka rumi e hoohanaia ai na kukui uwila, na rumi enegini e niniu poahi ai o ka huila, ka rumi pao ahi, keena hana hau, rumi hoopaahao, na wahi ku-hoe elua o luna a pela pu no hoi me kahi ku-hoe o lalo kokoke i ka rumi enegini. Iloko o keia rumi, ke hiki i ka manawa e poino ai na wahi ku-hoe o luna, ma keia rumi e hoonininia ai ka huila o ka hoe, na ka mahu e hoohana. O na pukuniahi he weliweli maoli no, hihiu na loina o ka lawelawe ana, ua hiki i ka eono mile ka ikaika lele o ka poka. O luna o ka moku, he nani a maemae maoli no. Na ka bana o ka moku i hoonanea mai ka lehulehu me na leo mele.
                O na wahine lapuwale no hoi, he hula kui iho la ka hana iluna o ka moku me ke kani o ka pila, he ku ole i ke kulana lede oiaio. Ua ahiahi loa no hoi pau kanaka i ka hoohikihikiia iuka nei.

Maraki 31, ua make iho la o C. E. Hoomana ma Honuaula, Maui. Ua haalele iho he wahine me na keiki eha. Aloha wale!

                Ua holo pukalaki ae na lio o kekahi kaa kikane Pake ma alanui Alakea i kakahiaka Poaono, Maraki 30 nei, a hookui me ka pou telepona ma ke kihi o ia alanui a me alanui Kalepa, aohe nae i nui ka poina.
                Ua maopopo loa o Kahikina Kelekona no o "Kaanapono," no ka mea, o ko Iwilei poe kamalei lei pohue wale no ia e lawe hele nei i na pepa liilii i paiia mai ke keena Ilamuku aku, mawaho ae hoi o kekahi poe makai.
                Elua mahina ma Kawa i loaa i kekahi haole, nona ka inoa o B. Wilisona, i ka Poakahi la 1, no ka aeahaukae No ke kokua ana i kekahi luina manuwa e mahuka maluna aku o ka pa o kahi paa, ua kopi hou iho ka Lunakanawai Apana i elua malama mawaho ae o ka mea mua.

                He Kepani ka i hoounaia e ka Lunakanawai Apana i ka Poaono, la 6 nei, no umi la e noho ai ma Kawa no ka hana i na mea ino wale ma ke alanui, a pela no hoi me kela haole wiwi hana wati o alanui Nuuanu, he hoopai dala nae hoi kona he mau pule mamua aku, no ka hana i na mea hoahilahila.

Poe Eemoku Pukiki Hou.

Ma ke ku ana mai o ka mokumahu Geremania Baraunafela ( Braunfels) i ke kakahiaka Poaha, la 4, ua halihali ou mai oia maluna ona he 735 limahana Pukiki mai Sana Mikuela mai, o na Paemoku A zore. Ua huiia na kane, wahine a me na kamalii. Feber. 6, i haalele aku ai oia ia Awa Delagado, a ku ma Oporoto, Potugala, he eha la o ke ku ana malaila, a holo loa mai la no onei. He ehiku poe hanau ma ka moana, a he elima a eono paha poe keiki liilii i make a kanuia no iloko o ka opu o ka moana no. Ua hooleleia lakou a pau ma Kahakaaulana. Eia keia poe a pau malalo o ka aelike kepa me na poe mahiko, a e pau nui aku ana paha i ka laweia i keia mau la Mahope iho o ke ku ana no kekahi mau la pokole, e haalele mai ana keia moku ia nei no Manila e hooili ko ai. He mokumahu nui keia a nani no hoi. He 53 na la holo mai Potugala.

Ua haawi ae ka Hui Paahana a Hoolawa o na Poe Mahiai i ka aelike hoopae limahana Pake ia Lau Chong, o ka hui kalepa o Wini Wo Tai Ma, ma ke $54 o ke poo. Aole i aeia ka T E Evana

koi ma ke $50 o ke poo

Ahahui Kokua Manawalea o
Honolulu.

Ke hoikeia aku nei ka lohe i na mea a pau, o ka ahahui nona ka inoa maluna ae, ua kukuluia no ka nui ana i na kokua mai ka lehulehu mai no na ohana pilikia o na pio kalaiaina i hoopaahaoia. E hoouna mai i na kokua ma ka lima o J K Kaulio, ke kakauolelo.
M RS AIMA NAWAHI,
apl 8 tf Peresidena.

Ahahui Kokua Manawalea.

Ke konoia aku nei na Ahahui Aloha Aina a pau o ka Paeaina i lilo i mau lala no ka Ahahui Kuwaena o Honolulu, e lulu iho i mau lau oliva o ke aloha no ke kokua ana i na ohana hune o na pio kalaiaina, a hoouna mai ia
J K KAULIA,
Kakauolelo Nui o ka A. A. A. Kuwaena.
apl 8-tf

HALEKUAI LOLE NUI.
GOO KIM - Alanui Nuuanu

E loaa no na papale wahine ano hou loa maanei, na papale kapu, na lole kalakoa o na ano ike ole, pela pu no hoi me na lole silika, na lihilihi hoonani o na ano like ole, na kamaa aulii mai ke nui a ka liilii, na koloka hoopumehana o na la puanuanu, na hulu papale keokeo, ulaula, eleele, a pela aku. Oluolu ke kumukuai.

                E hanaia no na paa lole kane no ka uku haahaa. Na papale kapu ano hou loa maanei. Na hainaka silika, mai ke nui a ka liilii. E loaa mau mai ana na lole hou ma na mokumahu a pau mai na aina e mai. KUKIMA.
ap r 8-4mnw

HEN RY WATERHOUSE,
[Hanale Walakahauki.]
KEENA: Alanui Moiwahine, Honolulu.
KOMISINA KALEPA,
Agena no ka Ahahui Panihakahaka
Uniona, Ladana.
HOOPUKAPUKA MA NA WAIWAI PAA.

Ua makaukau au e lawelawe i na ano hana a pau e haawiia mai ana na'u e hana, a ua oluolu au e noho agena aku no na poe a pau e makemake mai ana. O na kukai palapala pili oihana e lawelaweia no me ka eleu.

ma r. 18-4mnw

E. M. NAKUINA.
KOMISINA O NA ALA LIILIII A ME
NA PONO WAI.

No tari Lehulehu, a he Agena Haawi Palapala Ae Mare no Honolulu nei.
                KEENA HANA: Helu 308, Alanui.
Kalepa. dk 3---lmk.

J. K. KAHOOKANO.

LOIO a he Kokua ma ke Kanawai.
                KEENA HANA: Alanui Kaahumanu,
Honolulu. jan 8, '94-1mk