Ka Makaainana, Volume IV, Number 6, 5 August 1895 — Page 2
2 HONOLULU, OAHU, POAKAHI, AUGATE 5, 1895.
LAUOMIDIHAE
-KA-
UI I MOHAIIA I KE KOKO
-KA-
NANI I ALANA IA I KA OI
O KA PAHIKAUA.
-
Ka Mea Huna Iloko o ke Kiaha
Waina;
Ka Mea Pohihihi i ka Maka o
ke Kuikele.
-A O KE-
KEIKI NUMAREDINA
KE
Komo Lima Maka Popoki. -
MOKUNA XVII
Ka Aha hookolokolo a na kupua - Kau ka weli i na kiai o ke Kihapaipua o Numere - Huai puka nui ia na pihaa moawai o kahawai - Ke kilokilo wahine e oloio ana iwaena o na kia
Ia lakou e noho ana me ka nalu nui ana no keia mau hana hoopahaohao a ko lakou alakai ia lakou, pane mai la ia me keia mau olelo:
"E noho iho e a'u poe keiki maluna o keia mau noho i hoomakaukauia no oukou."
Noho iho la lakou me ka pau ole no o na manao pono ole iloko o lakou, a no kekahi manawa ka noho hamau ana, ninau aku la o Murisedela:
"Mahea ae nei hoi oe i hoea koke mai nei i kauhale nei?"
Pane mai la ua wahi Wahine la me ke ano akaaka ana iho:
"Mai pahaohao oukou no'u Ia oukou i laweia mai nei no keia wahi, aia pu no au me oukou kahi i holo mai ai. A mamua o ko oukou hiki ana mai i ko'u home nei, ua haalele aku la au ia oukou a hoi e mai la e hoomakaukau ia loko nei o ka hale no oukou ka'u poe malihini."
Akahi no a pau ae ko lakou mau manao pahaohao no ko lakou kokua a alakai hoi, a o ka mea oi loa aku no paha o ke ano pohihihi i keia mau hana, oia no o Lauomidihae, ka pua nani hookahi o ke Ao Olino, a ke kupua Hapakudera i hanai ai a nui me ka wai o na pua.
Mahope iho o ia manawa, na lo aku la ua wahi luahine la no ka hoomakaukau ana i mea-ai na kana poe malihini a aole i liuliu hoea mai la me ka huaolelo, - ua makaukau ka papaaina no oukou e na keiki. E haele ae e ai i na mea i hoomakaukauia no oukou."
Naue like aku la lakou e nuu i na mea ai o luna o ka papaaina me ka haawi pu ana he mau kike kiaha ana no ke ola o ka mea hale, a pela aku.
He mau la loihi mahope iho o ko lakou noho ana ilaila, hapai iho la o Lauomidihae i ke keiki a i ka hiki ana mai o ka la e hanau ai o ua keiki la, ikea ae la ka hakumakuma o na ao o ka lewa. - A o ka oi loa aku, o ia no ka manawa o ke kuakoko hope loa i hiki iho ai maluna o ka makuahine no ka hemo ana mai o ke keiki.
Ua oi loa ae na hana hoopahaohao i ikeia iloko o ia wa, e kui ana ka hekili me ka olapa pu o ka uwila, a o ka aina hoi i kela wa ua uhi pu ia e ka noe a aole e hiki ke ike pono ia aku na mea kino ke hele ae. He la ia no ka pilihua i ikeia, a o na kanaka a pau i kela manawa ua pilihua lakou no keia mau mea pahaohao.
A i ka wa a ka la i kau pono ae ai i ka lolo, ua oili aku la ua keiki la iwaho me kona poino ole. Ua papalua hou iho la ka haule makawalu ana o na pakaua iloko o ia manawa me ka olapa o ka uwila a me ke kui ana o ka hekili, ke olai hoi e hoonaue ana i ka honua holookoa.
I ka wa i hemo aku ai o ua keiki la, ua lilo aku la na hooponopono ana i kahi kilokilo o ke keiki a me ka makuahine.
A pau kana hooponopono ana laweia mai la ko keiki a imua o kona makuakane a me kona poe kaikuahine no ka hoomaikeike ana aku imua o lakou. A ua lilo ia he mea hauoli ia lakou ka loaa ana o ke keiki mai ka puhaka o ka hanai a ke kupua.
No na la loihi keia noho ana o lakou i ka aina o ke kilokilo o na hana kamahao, ua haalele iho la ua kilokilo la ia lakou a hele aku la maluna o kona wahi waapa hookalakupua no ka muuliwai Muzine, no ka hana maa mau iaia iloko o ua la i hala ae.
A ma kahi ona i pae mua ai i hoikeia hoi ma na helu i hala mua, a hui ai oia me ka Moi a me kana-Moiwahine, malaila no oia i hoopili aku ai i kona waapa kupua, a auwana hele aku la maluna o ka aina no ka hoolohelohe ana i na mea e pili ana i ua mau hoa'loha nei ona.
Iaia o noke ana i ka hoolohe lohe i na mea e pili ana i keia misiona ana, loaa mai la iaia he moali e hoike ana, ua paa pio na makua o ua mau kamahele la o Siama malalo o ka mana o ka Moi o Peresia, mahope iho o kela hooili kaua ana i mohai ai o Numaredina i kona ola no kela wahine hookahi wale iho no o Lauomidihae.
-
Heaha la ia i ko makou mau keiki wili papapai, ke hele la a lele liilii ka lehu o kapuahi, a o ka wiliki hoi keia he ki-pu wale no i ka hoeuli.
NA PALAPALA.
[Aole maluna io o makou ke koikoi o na hala a me na hewa no na manao i hoopukaia malalo okeia poo, aka, aia no maluna iho o na poe na lakou kakau mai.]
-
Ua Kapaeia ka Oiaio.
[Hoomauia.]
Ma ka la 17 o Feberuari, 1818, make iho la o Opukahaia. A o Toma Hopu, he hoapili paa loa ia no Opukahaia, a i ka wa e ailiili ana o kona aho maluna o kona wahi moe, ua pane ae la ia, "E Hopu e, kuu hoapili o nei aina malihini, e pule oe no'u a e pule aku hoi no ko kaua aina kulaiwi e noho mai la iloko o ka pouli. O oe o kaua ko hoi hookahi aku ana, e hookanaka oe a e hoomanawanui hoi." Mahope iho ua pane hou ae la ia e like no me ia maluna ae a lele loa ae la kona aho.
Eia iho kekahi mele i hakuia o lakou mahope mai o ka make ana o Opukahaia no Hawaii nei:
1 E na mokupuni moana,
Hauoli oukou no'u,
Ke ola, ke ola,
Hookani mau ae,
Na aina, na 'lii,
Na kanaka mai o a o.
2. Ua pale ka po, ua puka ke ao,
Eia ka la iluna,
E ola o Hawaii,
Ka Mea Kiekie,
Ka makamua o na la,
Me kona aahu nani lua ole.
3. Mai ka lani mai,
Ka leo kahea,
Nou e Hawaii Paredaiso,
Pio mai la kona nani,
Mai ka luakupapau mai,
Nou e Hawaii.
4. Poha mai la kona leo,
Nou e Hawaii,
E i ae ka milenio,
Nou o Hawaii,
A o ae la o Opukahaia e,
Nou makou e hauoli mau ai,
5. Hauoli auanei,
Hawaii nou,
Kou aina hanau,
Ke pu-a e mai la,
Ka la olino,
Nou e Hawaii.
6. Opua ae la na opuu rose,
A moani aala mai la,
Nou o Hawaii,
Nani loa o Sarona hiehie moana,
E oli ae, e oli ae,
E oli ae no.
A ma kela leo nonoi a Opuka haia ia Hopu, kona hoapili, e pule nona a no ko laua aina hanau, pela oia i hana ai i kona wa i hui pu aku ai me Honolii ma, a lawelawe iho la i na hana haipule no Hawaii nei e like me kela leo nonoi a Opukahaia ia Hopu. Ua manaoia o ia ka lua o ka leo kahea a Opukahaia, e weheia ka puka o Hawaii nei no ka euanelio.
Ka hookuuia ana o lakou nei mai ke kula kahunapule mai o Anedovera, a holo mai no Hawaii nei i Okatoba 1, 1819. Ma keia la i nienieleia ai lakou e na kumu, a ua nui ko lakou mahaloia no ka holomua o ko lakou naauao a me ka paa rula ma na kanawai o ke ao mele a me ka buke baibala.
O Toma Hopu a me Wiliama Kanui, he mau kanaka makaukau loa laua i na kanawai o ke mele ana a me kekahi mau mea e ae. A o Keoni Honolii a me Keoki Humehume, he makaukau loa laua ma ke kulana ae kula baibala, a he mau kanaka makaukau loa laua i ka unuhi ana i ka baibala mai ka olelo haole a i ka olelo Hawaii. He ike i na kanawai o ke ao piliolelo, a he mau kanaka o ke kulana kapukapu, ke koa a me ka hoi hope ole no ka pono a laua i ike ai he pono.
O keia poe Hawaii ae la, o lakou ka ke Akua i kahea mai ai o kii i ka buke baibala a me ka euanelio i hoouli no na paemoku o Hawaii nei. A nolaila, ke ike nei kakou i na hana kupaianaha a ke Akua ma o keia poe kanaka la ana i lawe mai ai. E hoike mai ana ua wae mua no o Iehova ia lakou i poe na lakou e ao i ko lakou lahui iho no.
[Aole i pau.]
-
HALEPAI MAKAAINANA.
-
F.J. TESTA (Hoke) - - Ona
Aia ma Alanui Konia, mauka o ke kihi Akau, ma ka huli ma Ewa, o Alanui Moi.
Ua makaukau loa e hana i na ano hana paipalapala a pau loa, e laa
Na Bona,
Na Aelike,
Na Laikini,
Na Palapala Kono,
Na Likiki,
Na Bila-poo,
Na Hoolaha Pai Alanui,
A pela aku, a pela aku.
NA HANA BUKE A ME PAI NUPEPA.
Aia malaila e paiia nei na nupepa "Ka Makaainana" a me "Ke Kuokoa" namu.
E hookoia no na kauoha me ka hikiwawe a me eleu. iul 14-mhp
-
HALEKUAI KUIKE OAHU
-
"KE OLA O HAWAII."
Oiai hoi, ua pau ae la ke kuahana ana, ua weheia hoi ka halekuai maluna ae i Iulai 1 nei, nolaila, ua makaukau loa e hooko a e hoolawa aku i na iini o na poo a pau. E ko no ka makemake o na wahine ke kipa mai malaila, a e pono no hoi ke kipa mua mai mamua o ka hele ana i na halekuai e ae. Malaila no e loaa ai.
Na Makalena, na Kalakoa, na Keokeo Halua me Vitoria, na Papale, na Kakini, na Hainaka, na Waiala, a pela aku a nui a lehulehu wale.
E ike mai ia kakou hoakanaka.
M.E. SILVA,
iul 8-tf Luna Nui.
-
No ka Hoolimalima
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku.
E ninau ma ke keena o
WM. G. IRWIN & CO.,
iune 24 Kaupalenaia.
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk