Ka Makaainana, Volume V, Number 14, 6 April 1896 — Page 6

6 HONOLULU, OAHU, POAKAHI, APERILA 6, 1896.

NA AINA MAMAO.

Mau Lono Huikau mai kela a
me keia Wahi Like Ole.

Kukala Kaua Hemolele ma Ai gupita

No Ladana ka lono o Maraki 20, e hoike ana ua kukala ae ke Kalifa he kaua hemolele (pili hoomana) no ke kue aku ia Ai gupita, me ke kauoha aku i na poe Derevise a pau i kupono e hapai i na mea kaua e hoopaa ia lakou malalo iho o ka lepa omaoma. Ua oleloia ae e haalele aku ana o Osemana Digina ia Kasala a e hui aku ana me na Derevise e nonoho la a puni o Donogola.
                Aia no na pualikoa Beritania me Ai gupita me na ola maikai a ke paikau mau la i na la a pau. He heluna o na pu mikini ka i hoounaia aku imua no ke kahua o ka hana i manaoia ai.

Hoohana I talia me na Poe Madisa.

Mai Roma mai hoi ka lono o Maraki 20, e hoike ana ua hoouna aku o Generala Baladisiera, ke Alakai Italia ma Aferika, he elua bataliona o na koa helewawae a he batari koa pukaa no Kerene, no ke kue aku hoi i na poe Madisa.
                Ma ka la 18 aku, no eha manawa i lele kaua aku ai he mahele o na Derevise i na Italia ma na alapali-ololi ma Sabederata, kokoke i Kasala. Ua hoauheeia lakou i kela a me keia manawa me ka nui o ka poino.
                No Kairo mai hoi he lono palapala e olelo ana ua lawe ae a ua noho aku o Konela Huneta ma Akase, ma ka hema aku o Wade Halafa, me ke kue ole ia.

Kokua Enelani ia I talia ma Aigupita.

A ma ko Enelani aoao hoi, ua hoounaia aku he 8,000 o na koa Beritania-Ai gupita e pii ma ka Nile no ke kokua ana ia Kasale. Iloko o ka Hale Makaainana ma Ladana, ua kokua o Kamelani i keia keehina ma ke kumu, o ka hana naauao loa ma ko Aigupita aoao, o ia ka manao e mamua ae no keia lele kaua ia mai a e keakea aku hoi i ka hoopuuluuluia ae o na poe Derevise, a mamuli hoi o ia hana e loaa ai he kokua ana no Italia. Ua olelo hou ae no o Kamelani ua kakoo o Geremania ia Beritania Nui, apono pumehana hoi o Auseturia, a ae oluolu loa hoi o Italia me ka mahalo nui palena ole. E pili ana hoi no Farani a me Rusia, ua kunana ke Aupuni a kakali aku.
                No Sana Peterobuga aku ke kahi lono palapala i loaa i ka nupepa Ahailono o Nu Ioka, Maraki 19, e olelo ana o ko Enelani nee awiwi ana ma Aigupita ka mea nana i hookunana i ko ka lehulehu manao malaila. Ua olelo ae ka nupepa Vedomisiti me he la ua oi ae ko Enelani ike i ka pana o ka manao o Europa Waena mamua o kahi mea e ae. Mumule loa hoi ka nupepa Novoe Veremaia, koe wale no ka olelo ana ae, ano e loaa ana ia kakou he kaua io, a ina hoi ua lawa pono ole loa i na pualikoa o Aigupita, alaila, o na pualikoa Inia aku ana ka mea kupono e panai ae ai.
                Imua o ka Hale Makaainana, Maraki 19, ua hoike ae o Balafoa, ka Haku Mua o ka Waihona Waiwai, ua loaa ae na pane uweaolelo mai Auseturia, Italia a me Geremania, e ae ana i ka unuhiia ae o £500,000 mai ka waihona hoahu Aigupita no ka uku ana i na lilo o ka huakai pii ma ka Nile. Aohe o Farani a me Rusia i pane aku no nei kumuhana.

Hoomano Sepania e Kinai ia Cuba.

Ma na hiohiona o na mea a pau, ua paa loa ko Sepania manao e kinai pio loa i na kipi o Kuba, no ka mea, i Maraki 20, ua hoopuka ae ke Kuhina Waiwai he kahea no 30,000 poe koa hou loa. E maheleheleia aku ana lakou iwaena o na puali like ole no ke ao a hoomaamaa ana, a ma ia hope aku e aeia ai lakou e hoi aku i na home no ke kakali ana no ka wa o ka hana e ulu ae ai. Ua makaukau a ua lawa pono ae hoi na hoolala ana no ke kahea koke ia aku o ka hoakoakoa mai o na koa kuikawa. Ke makemakeia hoi lakou no ka hana, e hoounaia aku ana lakou no na papu kaua ma ka puali, a hoounaia'ku hoi na koa kumau no Kuba. He kauoha no 120,000 pu raifela a Mause ka i haawiia ae no kahi hana oia ano pu, he 40,000 hoi no Kuba. Ke lawelaweia la na keehina no ka hooikaika ana i na papu ma na aekai o Sepania a me na panalaau Sepania ma Aferika Akau.
                He kuahaua ka i hoopukaia ae ma Ha vana, Kuba, Maraki 8, e Kapena-Generala Weila, ka alihikaua hou, e haawi ana i umi wale no la no na poe a pau ma na apana kipi e hoike ai ia lakou iho imua o na luna aupuni, a mahope aku hoi o ia wa e kapaia no lakou he poe kipi, oia hoi, na poe i hoike ole ae. A ma kekahi mau wahi hoi, he umikumamalima la ka manawa i haawiia. Ua akaka ole no ka hopena o keia kaua kipi ma ia mokupuni, a ua lilo hoi ia i mea ano nui loa i ka oihana mahiko, no ka mea, ina e mau loa aku ana, pela no e mau ai ka pii ana o ke kumukuai o ke kopaa. Na Hunahuna Laulaha. Ke manaoia la e ulu hou ae ana no he kaua kipi kuloko ma Kolomobia, no ke kue aku ia Peresidena Zelaia. Ua haalele aku ka hapanui o na Kuhina.
                Ke pii la ka ikaika o ka manao iloko o ko Amerika Huipuia Aha Senate no ka hooholoia aku o na olelo hooholo e kokua ana i ka ikeia aku o na kipi o Kuba.
                Mamuli hoi o ka hehihehiia o ka hae Amerika e na haumana kula Sepania, ua panai aku hoi na haumana Amerika o Nebarasaka i na hana ano like malaila i ka hae Sepania.
                E lilo aku ana paha o Mekiko i kahua no kekahi hana kipi. Aia na koa ma Nogale kahi i ku makaukau ai no ke pale ana i ke komo ana mai o na kipi mai ka aoao aku o Amerika Huipuia.
                He kuikahi malu ka i hooholoia mawaena o Kina a me Rusia, a mamuli hoi o ia i loaa ai na mana oi kelakela loa ia Rusia ma ka hoomoe ana i alahao maloko aku o Manakuria.
                Ua hoolahaia ae ua hoopalau ia o William Waldorf Astor o Nu Ioka ia Lede Ranadope Kakahila, wahine a Haku Ranadope Kakahila i make. O Misi Kini Kirome oia o Nu Ioka mamua.
                Ua hoomakaia mai nei ka hookolokolo ana ia Kauka Kemisona, i kaulana ma kela oehu kipi a huakai paoa ma ke Taranavaala, imua o kekahi o na Aha Hoomalu o Ladana, o Sa John Bridge ka Lunakanawai Poo.
                Ke hoao la o Tureke e hookikina aku i ka Makua Poo Ekalesia o Amenia e ae aia maluna ona ke koikoi no na hana kipi hoohaunaele, a ke hooikaika la hoi o Rusia e waiho oia i kona noho poo ana no ka Ekalesia.
                Ma la 28 o Ianuari i hoike aku ai o Peresidena Barioso o Guatemala i ko Sepania elele ua hiki ole loa ia aina ke hana aku e like me kana koi, oia hoi, e kinai i ka ahahui kipi no ke kokua ana i na poe o Kuba, oiai, ua hanaia maloko mai o ke kanawai.
                Ua hoole loa ae o Peresidena Karuga o ke Taranavaala aole ia aina e kukala loa ae ana i kona kuokoa. O na mea i oleloia ae e pili ana no ke kukalaia ae o kona kuokoa i Feberuari 27, ka piha ana o na makahiki he umikumamalima o ka loaa ana o kekahi lanakila hiwahiwa ia lakou maluna ae o na Pelekane malalo o Generala Kole, ma ka Puu o Majuba, he lawe'na olelo wale no ia i mea e hoinoino wale ai no ia lakou. Ua oi loa aku ka ka maluhia o ka aina i nei wa.
                Ua haawi aku ke Aupuni o Amerika Huipuia i ke Aupuni o Iapana i na kii o na mokukaua Inidiana a me Nu Ioka, a hoihoi hou aku no hoi ke pau ko lakou makemake no ka hana ana aku i mau mokukaua e like ke ano me ia mau moku.
                Ua olelo ae o Pita Iakesona, ka paele kaeaea ma ke kuikui puupuu, oia ka moho o ke ao holookoa nei, no ka mea, aohe ae o Kimo Kobeta e hui pu me ia ma ke kahua mokomoko. Nui ko Kobeta inaina no keia mea, a ke ku la ka pihe o kaena.
                Ua kipakuia mai nei na poe misionari Hoolepope e ke Aupuni Pukiki Kuloko mai ke Kaikuono o Dela goa, Aferika, a no ka lahui Sui sa hoi ka hapanui

o lakou. Ua komo aku ke kue a ka pe residena o ka Ahahui Misiona i ka Ahakuka o ke Aupuni Poo no keia hana.
                Aole loa he hilinai iki ia he wahi manao kahi o ke Sule tana o Tureke e hooponopono ae i na hana hoomainoino a manaonao e nokeia la ma Asia Uuku, ina no e koiia aku ana e na Mana e ae o Europa, koe wale no paha a lawelawe oolea ia aku. I mea loa nae paha hoi kahi i ko Rusia ano kokua aku.
                Aia ke hooikaikaia la imua o ko Amerika Huipuia Aha Senate ka haawiia ae o kekahi uku kokua no ka laina mokumahu Amerika e holoholo nei mawaena o Kapalakiko me Auseteralia ma Honolulu aku nei, i mea hoi e pale aku ai i na kokua i ka laina Kanada-Auseteralia.
                He olelo hooholo ka i aponoia mai nei e ka Hale Makaainana o Amerika Huipuia e hoahewa ana ia Ame basedoa T. F. Baiada, no kekahi mau mamalaolelo ana i hoopuka ai ma kekahi mau anaina hoolaulea ma Enelani a ma Sekotia, he wa i hala ae. Ua manao ka Hale aohe pono o kahi luna ma na aina e ke kamailio ma ke ano kapakahi, o lilo auanei hoi ia i mea e inoia ai

Ua ku mai i ke ahiahi Poakolu iho nei ka Mariposa mai na Panalaau Hema, a i ka auina la Poaha iho la i niau loa aku ai no ka ipuka gula me ka lawe pu aku i ka huina nui o na ohua malihini i o kakou iho nei.
                Pau kauna o na hope lunahooponopono o KA MAKAAINANA. Ke pau ae ka ka lunahooponopono heluhelu ana i na polu, hao mai la na hope i ko lakou mana, pau na manao i ka loleloleia, pau mua ae la no na manao i ka heluheluia mamua o ka puka ana o ka pepa.