Ka Makaainana, Volume V, Number 19, 11 May 1896 — Page 7

Ka Makaainana.

Honolulu, Oahu, Poakahi, Mei 11, 1896        3

 

Olivia Kazela

            Ka olali noho kuahiwi o inia.

            Ka ui hololio imua o ke kahua kaua.

            Helu 4

            Ia manawa i nana koke ae ai na maka o ua hapauea la iluna o ke aouli a m ka eleu ui hopu aka la i kana pua pana a olelo aku la i kana keiki e nana pono iluna o kekahi kumulaau, kani a kekahi manu e kau hoolai ana.  Ae aku la kana keiki a nana aku la e like me ke kauoha a kona makuakane na ka olelo pu aku:

            "Ke ike nei au he manu uuku aia iluna o kela kumulaau, a heaha kau hana maluna ona?"

            "E nana mai oe."  Ia manawa no i omau iho ai oia i kana pua maluna o kana pana a huki mai la a moliolio pono ke kaula, a i kona wa i hookuu aku ai, ua lele pololei aku la ka pua a ku ka manu, a puana ae la, "Pela au e luku aku ai i na enemi."

            Me ia mau olelo, huli ae la ia a nana i kana keiki alaila, olelo aku la e kii i kekahi pahikaua ano halepolepo e kau ana ina ka paia o ka hale a e lawe mai imua ona.  O ia mea ka Oliwa i kii aku ai a lawe mai la me ka hookaulua ole.

            Kii aku la hoi ka elemakule i kekahi eke i piha i ke one a lawe ae la imua o kana keiki, a olelo aku la: "Ua makemake au e hoohana i kou ikaika maluna o keia eke one me kena pahikaua."  Hoopaa aku la ia i ua eke la me kekahi kaula a hiu ae la iluna o kekahi lala laau, alaila, olelo hou aka la.  "E holo me ka ikaika maluna o koa lio, a e hou pololei i kau pahikaua ia waenakonu o kele @ke, ina e hiki ia oe ke hana pela, alaila, ua hiki loa ia oe e kuu keiki ke ku aku imua o ka enemi me ka hopohopo ole."

            Ae koke mai la o Olia me ka awiwi a kau ae la maluna o kona lio, a holo pololei aku la me ka ikaika me ka pahu pololei ana i kana maka pahikaua no ke kiko waena o ua eke la.  He ea oiaio,  like me ka mea a ka hapauea i makemake ai, pela no o Oliva i hooko pololei aku ai, a "aohe pahu@na hala a ka Maluakele," ua ku pono i ka "miloholu o Waiakea."

            Paipai koke ae la ua olomana la i k@na mau lima, a i iho la: "Kupaianaha no ka hikiwawe o @[phrase], e Oliva .Akahi no oe @[phrase]

hana e@a na@, ua lilo @ mea ole imua ou." 

            I ka @u i hou ana mai o kana keike e nana i na eke la, ike mai la ia @ kona makua ane e kaikai an@ i kona koi kaua a hoomoe iho la maluna o kekeahi pauku laau nui e waiho ana ma kona alo, a maheleia ae @a iloko o na apana elua.  "Aole no ka i pua ka ikaika o kou mau lima," wahi ana i kamailio ae ai, "ke mau nei no."

            He oioio iloko o na la i hala, o Kazela kekahi o na kanaka i heluia ma ka papa ekahi o nei mea he kaikai ana i na mea kaua, ke koa a me ka wiwo ole, a me ke aloha oiaio i kona aina hanau.  Aole no hoi i poina iaia iloko o kona mau la kanikoo ka o@ ana i kana mau mea kaua.

            Nolaila, e ike aku ana kaua e ka mea heluhelu, ma keia mua iho i kadna mau hana weliweli imua o na enemi, a me kana keiki ahonui.

            Hoihoi aku la ia i kana mau mea kaua a waiho iluna o kekahi noho laau a kahea aku la i kana keiki e hoi mai laua e paina, a hele aku i ke aloha.  Ke nana aku i na helehelena o na elemakule la, ua piha i ka hoihoi.

            Noho iho la laua e paina, a pau, hoomakaukau ae la laua e kakua i ka laua mau mea kaua ma ko laua mau puhaka.  A pau ia, kakakau ae la maluna o na lio, a hele aku la e hakilo pono i ke kahua hoomoana o na enemi a me ko lakou kulana makaukau.

            Ua ano poeleele ia manawa, a ua a@ae na lama ahi e hoomalamalama ai i ke kahua hoomoana holookoa ia wa.  Ike aku la laua i ka nui launa ole mai o na halelole e kuku ana o na koa, ia manawa no o Oliva i pane ae ai i kona makua:

            "O lakou keia! A e hele ana anei kaua e hui pu me lakou, aole paha?"

            "Aole, e kuu keiki; aole loa kaua e hele pu me lakou.  E luku aku ia lakou e pono ai a neoneo mai luna aku o ka honua." (Aole i pau.)

 

            He mau aahu hou makalike ko na kiai o ka Hale Dute@r ke@a wa.

            Kakahiaka nei wale o ka Poakolu nei i ku mai ai ka Mariposa mai Kapalakiko, a ia po iho no i haalele mai ai i keia awa no Kikane.

            Ua loaa mai ia Konela Makalena o na pualikoa oka Repubalika he kiaha dala, mai ka pualikoa mai o Kaleponi ma o Kanikela Waila, he makana hoi no ka eo ana i ko onei poe koa o ke kiki pu hookuku ioloko o Feberuari i hala iho la.

 

                        Ua Hala ka Pili o ke Ao.

            Ma ka hora 4, wanaao La Pule, Aperila 9, ma a aekai o Waikiki i Kalehuawehe, ua kii mai la na lima menemene ole o ka make a kaili ae la i ka hanu hope loa o ko makou mama i aloha nui ia, Mrs. Hana Luhea Kaeakulani Hinauoholani, a waiho mai la ia makou e nojo u aku ma keia aoao o ka muliwai elele o ka make.  Ua hanauia mai oia na Kaihiwa (k) me Pohano (w) i ka noe liula o Sepatemaba 3, 1832, am Honuakaha, Honolulu nei.  A i ka 18 paha o kona mau makahiki, ua mareia oia me S.d Hinauoholani i make mua, a na laua mai na keiki e ola nei, Mrs. Elizabeta Haleakala Kekupuohi, Mrs. Ane Isabela Waoala kanahele Lonoai a me Mr. Adam Kaeokulani Kukahi Hinauoholani.

            He makuahine aloha keiki a he heahea i ka poe a pau i kamaaina iaia, a he aloha ohana nohoi.  Ua noho a kup i ke alo o na alii, mai a Kamehameha III. a ia Liliuokalani; a he lala no ka Hui Lei Mamo, a he hoa hoi no ka Hale Naua, i ke au o Kalakaua, ka Moi.

            He mau mahina 6 a 8 kona waiho mai ana he uhipu a pouli mai na maka i ka hapanui o ka manawa, a ma ka la 39 o Maraki iho nei, ua hoi ma ka home o ka ohana i Waikiki a he mau la mahope iho ua loaa no ka oluolu; hele auau wahi kai o Kahaloa, a i ka la 4 o Aperila, loli ano e ka mai, a pii mai laka pehu, pela ke anumeume ana a hala wale aku la i ka pilina o ke ao, Aperila 19, 1896, a i ke 64 a oi o namakahiki o kona ola ana, a ma ia auwina la no i laweia mai ai kona kino wailua, a moe pu me ka ohana ma ka ilina o Kawaiahao.

            Ke noi ae nei i ke Akua, e hoomama mai i ka ohana, a me na keiki i hooneleia i ka makua hine ole.

            J. H. Kapikoolani.

Haimoeipo, Honolulu, Mei 1, 1896

            O na umoki maikai loa, mai Alegeria mai no ia.  He ululaau nui e uhi ana ia 2,500,000 e ulu la ma ia aina.

 

Robert Napunako Boyd

(Italia)

            He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.

            Keena Hana:  Muka iho o ka Hal Leta, maluna ae o ka haleaina Pake, Alanui Betela.  apl 13 mp

 

                                                                                                                 C. B.Wright

[Kale Kuaika.]

            Mea Hana Pohaku Kaekai Alanui, ua He Kupapau a me na Kia Hoomanae Mahala.

            E loaa no oia ma kona wahi ma Koiuiu, Honolulu nei.  Telepona Helu 833.  17-lmk

 

            Hunahuna Mea Hou O Waimea.

            Ma ka mahina o Feberuari aku nei ua make aku la kekahi elemakula kahiko, oia o Kapule.  He kamaainaoia no Waialua, ma ka mare ana i ka wahine o Waimea nei.  Ua hoi mai oia a noho ma kahi o kana wahine.  Ua olelo mai, ua haneri a oi ona mau makahiki!  Kahi io no!

            No ka wi.- He nui ka wi ma Waimea nei.  Ke ai nui nei na kanaka i ka poi palaoa i kupaia a moa, kuiia e like me ke kalo, a hoowaliia e like me ka poi maoli.  He nui ka pilikia a me ka ne@e o keia wahi awawa pali, aole he mau hana e loaa ai ke dala, aka, lawa maoli no ma na ano a pau, no ka mea, aole he ku wahi huli kalo ma Waimea nei, aia wale no ke ola o keia wahi i na Pake.  Me ke dala wale no ke ola i na wa a pau.

            Ua hiu a wela aku la kekahi keiki hapa-haole i ka wahine a ko makou wahi olo mana a nolowale aku la i ka uka o Kolokini, i kahi a ia eu i, noho ai, a nona keia wahi hooneho, "Luhiehu Halemano i ka lau Lehua,"

            No ka oio ku-Ma na pule mua iho la o Aperila, he nui ka maile o ke kai a ua nui na oio i ku mai iloko o ke awa o Waimea nei.  Ua eleu koke mai la ke keiki lalawai o Waimea, J. K. Kaianui, ka mea i lako me na mea lawaia a pau a ku iho la i kana mau upena a hei aku la na oio, he mau lau.  O i noke iho na poe maauauwa a haalele wale.  Ma ia pule mai no, ua hoopuni hou ae la no ua keiki lalawai nei o Waimea, a puni hou ae la no naoio he mau haneri ka nui, a ku ana iuka. Ua haawi ae la o J.L. Nailil me J. Pelekane i ke koho kiekie ana no keia mau oio he ekolu a eha paha haneri, a lilo aku la ia laua no kanakolu kumamalua wale no poohina. Eleu no hoi kahi kilo, kau li mai la kana wahi olelo ole wale, e i ana, "Ola ka aina, ua ku ka ia mua he oio."

            Henry Baresa.

            Waimea, Oahu.

 

F. J. Testa, (Hoke)

Mea Ohi A Koi Aie

            Mea Huli Moolelo Aina a Waiwai a ae paha.

            Mea Unuhi a Mahele Olelo Hawaii a Enelani paha.

            Mea Hana Palapala Kanawai o na Ano a pau.

            Mea Kuai Mikini Humuhumu Lole.

            Mea Hoolimalima a Hoolilo A@

            Mea Kuai Waiwai no ka Uku Komisina Haahaa.

            Ua makaukau m au oia e lawelawe i na hana a pau e haawiia mai ana iaia, Hekuike ka rula.

            E loaa no oia ma keia kaena.  apr 8-1 mk