Ka Makaainana, Volume VI, Number 14, 5 October 1896 — Page 2

Ka Makaainana.

 

2                      HONOLULU, OAHU, POAKAHI, OKATOBA 5, 1896.

 

MOOKUAUHAU ALII.

Na Iwikuamoo o Hawaii Nei

Mai Kahiko Mai.

[Mai ka Helu 13.]

KO STELLA KEOMAILANI COCKETT.

 

            1.  Kaulaheaokamoku k  noho ia Naawahineokamoku w, loaa o Kalauikanowakea w.

            2  Kalanikauowakea w noho ia Kaoao k, loaa o Kuaena w.

            3.  Kuaena w noho ia Hilinaka k, loaa o Kuapuualokalani w.

            4.  Kuapuualokalani w  noho ia Kalauawa k, loaa Kukaeleiki w.

            5.  Kukaeleiki w noho ia Kamaunu k. loaa o Namakeha k me Naea k.

            6.  Namakeha k noho ia Halauwai w, loaa o Hinau k.

            7.  Hinau k noho ia Makaaiau  w, loaa o Stella Keoniailani w.

            8.  Stella Keomailani w  mare ia James D. Cockett, aohe pua.

            9.  Namakeha k mare ia Kapiolani w, aohe pua.

            10.  Naea k mare ia Fanny Kekelaokalani Young, loaa o Emma Kaleleonalani.

            11.  Emma Kaleleonalani mare ia Alekanedero Liholiho (Kamehameha IV.) loaa o Albert Edward Kauikeaouli, i kapaia-Ka Haku o Hawaii

MA KO KAMAUNU K  AOAO MAI

            12.  Umiulaakaahumanu w noho ia Kukeleiaiku k, loaa o Kahaunuakea k.

            13.  Kahaunuakea k noho ia Kanoena w, loaa o Ha`u k.

            14.  Ha`u k noho ia Kekuole w, loaa o Kamaunu k.

            15.  Kamaunu k noho ia Kukaeleiki w, loaa o Namakeha k me Naea k.

            16.  Namakeha k noho ia Halauwai w, loaa o Hinau k.

            17.  Hinau k noho ia Makaaiau w, loaa o Misasa Stella Keomailani Cockett.

            18.  Naea k mare ia Fanny Kekelaokalani Young, loaa o Emma Kaleleonalani.

            19.  Emma Kaleleonalani mare i ka Moi Kamehameha IV., loaa Ka Haku o Hawaii.

KO SOLOMONA LEHUANUI MA.

            1.  Umi-a Liloa k noho ia Piikea w, loaa o Kumulae k.

            2.  Kumulae k noho ia Kuanuunuunuipuawalau w, loaa o Makua k.

            3.  Makua k noho ia Kapahele mai w, loaa o I(kauaka)k.

            4.  I(kanaka)k noho ia Kuwalu w, loaa o Ahu-a-I k.

            5.  Ahu-a-I k noho ia Kaouiokalani, loaa o Kapaihi-a-Ahu k me Kapaihi a Ahu w.

            6.  Kapaihi a Ahu k noho ia Uminlaakoahuinanu w, loaa o Heulu k.

            7.  Heulu k noho ia Kahihiokalani w, loaa o Kalaniwahineuli w.

            8.  Kalaniwahineuli w noho ia Kalaniopuu k, loaa o Kalaipaihala k 1.

            9.  Kahihiokalani w noho hou ia Kahapuu k, loaa o Kaohie k.

            10.  Kaohie k noho ia Kahiwahiwalani w, lo a o I(kanaka) w.

            11.  I(kanaka) w noho ia Mahoe k, loaa o Kahahana w, Kailahakoli w, Peleiholani k me Kealoha w.

            12.  Kahahana w noho ia Aalamanu k, loaa o Kekulu w me Mokuau k.

            13.  Kahahana w, noho hou ia Kalaniulumoku k, loaa o Peleioholani k. II.

            14.  Kekulu w noho ia Kepanila, loaa o Kaenaokalani w.

            15.  Kaenaokalani w, noho ia Napaa k, aohe pua.

            16.  Peleioholani k II. noho ia Kalua w, loaa o S. Leihuanui k me I(kanaka) k.

            17.  Peleioholani k II. hou no, mare ia Kepaa w, a make ia wahine me kana keiki iloko o ka pu.

            18.  Peleioholani k II. hou no, mare ia Pakele w, loaa o Kekulu w.

            19.  Kekuluß w, noho ia Kaiakoili k, loaa o David Kalani.

KO KAHIWAHIWALANI AOAO.

            20.  Kuahuia k noho ia Keopumailani w, loaa o Luluka k.

            21.  Luluka k noho ia Kalanioumi w, loaa o Mokulani k.

            22.  Mokulani k noho ia Kamehaiku w, loaa o Kahiwahiwalani.

            23.   Kahiwahiwalani noho ia Kaohie, loaa o I(kanaka) w.

            24.  I(kanaka) w noho ia Mahoe k, loaa o Kahahana w, Kailahakoli w, Peleioholani k me Kealoha w.

            25.  Kahahana w. noho ia Aalamanu k, loaa o Kekulu w me Mokuau k.

            26.  Kahahana w, noho hou ia Kalaniulumoku k. loaa o Peleioholani k II.

            27.  Kekulu w noho ia Kepanila k, loaa o Kaenaokalani w.

            28.  Kaenaokalani w, noho ia Napaa k, aohe pua.

            28.  Peleioholani k II. noho ia Kalua w, loaa o S. Lehuanui k a me I(kanaka) k

            29.  Peleioholani k II. hou no, mare ia Kepaa w, a make ia wahine me kana keiki iloko o ka opu

            30.  Peleioholani k II. hou no, mare ia Pakele w, loaa o Kekulu w

            31.  Kekulu w, mare ia Kaiakoili k, loaa o David Kalani.

                                                Aole i pau.

            Ua hookohuia aku ia huuona a C. @, oia o A. Keonikona, i noho lunahooponopono ai no kekahi mau nupepa namu lehulehu mamua, i Luna Kiai Awa ma Hilo, Hawaii.  Ola no i ka puaalua la, i ka Hope Luna Date

 

Komisina Farani Hou.

           

            Ma kekahi helu mamua aku nei i hoike aku ai makou no ka pae ana mai o M. Louis Voisson (Monosiua Lui Voisona, ke Komisina a Kanikela hou no Farani ma Hawaii nei, a pela no hoi me kona hele ana aku e ike i ke Aupuni e ku nei.  Eia iho malalo kahi moolelo pokole nona.

            Ua hanauia oia ma Farani i ka makahiki 1847.  O kona makuakane, he aliikoa ia no loko o ka pualikoa pu-kaa o Farani.  I ka 17 o kona mau makahiki, komo oia i ke kula koa ma Sana Cyr, elua makahiki mahope mai, ua puka mai oia mai loko mai o ia kula ma ke kulana aliikoa.  Ma ke kaua ana mawaena o Farani a me Perusia, ua lilo oia i mea kaulana loa mawaena o kona pualikoa, oia ka Regimana Elua o na koa Papale Hulu Kila o ka Puali Imeperiaia o Farani Makekahua o Garavelote, ua hoehaia oia me ke kukonukonu loa, a ua paa pio oia, ma ke ano he pio no ke kahua kana, ma ka halepaahao Geremania, ma Muenster, Westphalia.  Ma ka makahiki 1871, ua hoounaia aku oia i Alegeria, Aferika, me kekahi pualikoa "hulumanu" (zouaves) a hoopio i kekahi haunae e kuloko i ulu ae maloko o ia aina.  Ma ka makahiki 1874, haalele oia i ka oihana koa o Farani, a nolaila, ua hoounaia oia e ke Aupuni o Farani i Manadale, ke kulauakauhale poo o Burema, a malaila oia i noho ai he eha makahiki.  Ma ka makahiki 1880, kohoia oia i Kanikela no Katuma, ke kulanakauhale poo o Aigupita Soudana.  Ma ka makahiki 1882, huli hoi oia no Farani, a loaa iaia he m@dala hoohanohano mai ka Hui Kaleo Hoike honua aku.  Iloko a Augate, 1883, lilo hou no oia i kanikela ma Ranaguna, ke awa kumoku kaulana loa o Burema.  Ma ka makahiki 1885, kohoia oia i Kanikela ma Piladelepia, a mai ia wahi oia i nee mai ai @o Hawaii nei.  He kanaka kakau buke naauao keia, a o ka oi loa aku hoi o kane buke kaulaua, o ia ka buke e pili ana i ka Hoomanaoia ana o ka Haneri Makahiki o ke Kumu kanawai o Amerika ma Piladelepia.

            Eia kona wahi e noho nei iwaho o Kulaokahua, ma alanui  Lunalilo, ma kahi no o kona mua ae i hoi hou iho la ma ke kulana kakauolelo i noho iho nei, a o  laua pu no ia e noho like nei.  Aia no hoi mala la kona keena oihana.

           

            He haole Amerika aoo o 76 makahiki, nona ka inoa o Dan Markle, ka i loaa aku ua weke iloko o kona rumi i noho ai ma Kapa@ ae nei i kakahiaka Poakahi, Sepatemaba, 31.  Ua kau loihi ka ma`i haao huna ana.  Ma ka ilina o Maka@ i k@ a ai.  Aohe ana ohana maanei a na ka Hui Kokua Manawaiea Amerika oia i kokua no kahi wa i ha`a ae.

 

Robert Napunako Boyd

(ITALIA)

 

He Ana-aina a he kokua no hoi ma ka hoe

            ponopono ana i na waiwai paa, huli ana

            paha i na Buke o ke Aupuni, a pela aku.

                        Keena Hana: Mauka iho o ka

Hale Leta, maluna ae o ka haleaina Pake. 

Alanui Be@ela.                       apl 13-mp

 

C. B. DWIGHT

(KALE KUAIKA.

Mea Hana Pohaku Kaekae Alanui, na He

            Kupapau a me na Kia Hoomanao Ma-

            hala.

                        E loaa no oia ma kona wahi noho ma Koiuiu, Honolulu nei.  Telepona Helu 833.   17-1mk

 

HALEKUAI LAHUI KALAHIKI.

 

Helu 405, Alanui Moi, ma Waikiki aku o

            Alanui Nuuanu, ma ka aoao mauka, ke

            keena mua o ka "Hawaii Holomua."

Ma ia halekuai o na oiwi e loaa ai na anoi a

me na paihi o na ano hou loa, e laa

            Na Kalakoa.    Na Keokeo,

            Na Makalena, Na Kinamu,

            Na Huluhulu, Na Lihilihi,

            Na Kamaa o na Kane, Wahine me Keiki,

a pela aku.

            Oluolu no ke kuai ana.  Aohe hewa ke

kipa mai e ikemaka, a aohe no hoi he kuau

kunuia no ka hoikeike ana i na mea kuai.

            M. PALAU.  Luna Nui.

ok 14-@f

 

NO KE KUAI

 

            He Hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.  Aia keia wahi ke pili kokoke la i kahi noho o E. S. Boyd.

            KUMUKUAI:---$1,000; $500 ma ke kuike a ma ka Moraki ke koena no ekolu makahiki ma ka 8 pa-keneta ukupanee.

            No na mea i koe, e ninau ia

BRUCE WARING & CO.,

a i ole, ia F. J. TESTA, ma ke keena o keia nupepa.   sept. 7-mp

 

Iloko o ka Aha Kaapuni Apana Hoo-

kolokolo Ekahi o ko Hawaii Paeai-

na-Ma ka Hooponopono Waiwai.

 

            MA KA HANA O KA WAIWAI O KALAHIKU (k) o Ewa, Oahu, i make kauoha ole.

            No ka mea, ua waihoia mai e Akaneki Kekua [w] ka moopuna, he palapala noi no ka hookohu Lunahooponopono Waiwai no ka waiwai i oleloia, a e hoopukaia aku ia palapala ia Solomon K. Oili, nolaila, ma keia, ke hoolahaia aku nei i ka poe a pau i kuleana ma ua waiwai la, o ka POAKAHI, OKATOBA 26, M. H. 1896, ma Aliiolani Hale, Honolulu, hora 10 o ke kakahiaka, o ia kahi a n@e ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.

            J. A. THOMPSON;

            Kakauolelo.

            Honolulu, Sepatemaba 22, 1896.

                        sep       28---3mw.

 

C. E. Williams me Keiki

Ed. A. Williams,         Luna Nui.

Helu 611, Alanui Moi, ma Ewa iho o ka

Pa o Aigupita.

 

He mau mea kuai lako hale o

ua ano a pau loa.

 

                        He mau mea Hana Pahu Kupapau a Hooponopono Hoolewa.

 

            E hoolakoia no na Kaa Kupapau, na Kaa pio a me na Kaa ohana.

            Ina no e ninau ia laua, e loaa no na Pohaku Kia Hoomanao no na He Kupapau.

 

            O ka Ialoa kekahi hana hiki loa ia laua aia ia malalo o ka lawelawe ponoi ana a Ed  A. Williams, F. D., he mea i puka pono ma ka Kalaka Kula o ka Ialoa Maikai ana iloko o Mei, 1894.

NA TELEPONA

Keena, Helu 179---Kauhale a me Kahea Po.

Helu 813.

nov 9-mp                     @