Ka Makaainana, Volume VII, Number 22, 31 May 1897 — Page 6
| This text was transcribed by: | Kehau Chrisman |
| This work is dedicated to: | Kehau Chrisman |
Ka Makaainana.
IOSEPINE
KA
EMEPERESE PUUWAI OLU
O FARANI.
MOKUNA X.
KA PONI ANA.
[Mai ka Helu 21]
Ua kukuiia ae la ka lono i keia manawa e poniia aku ana o Napoliona i Moi. Ua iini loa ka hapanui o ka lahui no ia mea, a oiai, aole he kuehaua akea i hoopukaia ae, ua piha nae ka lewa me na lono no ia mea. Ua pilihua loa o Iosepine i keia manawa. Ua akaka iaia he mea pono loa e loaa ono hooilina no Napoliona. Aole nae ona wahi @ansolana e lilo hou ana oia i makuahine. Ua lohe oia me ke kau n@ha, ua koiia aku kana kane e oki i ko lau, noho mare ana a e mare hou; a o ko Napoliona hui ana aku me kekahi pua o na ohana alii kahiko o Europa, a me ka puka ana mai ona keikikane mai ia laua mai, ka mea hoi malana ona e hiki ai iaia ke hooili aku i ko ia kalaunu, he mea ia nana e hoonipaa iho ai i kona mana. A oiai, ua hoomaopopo no oia i ka nui o ko Napoliona aloha nona, aka, ua piha oia i na manao hopohopo, no ka mea, aohe no he mohai e ae a kana kane e alaaa aku ai i ko ai kona mau manao haak@i a me ke ake hanohano.
I kekahi la, komo malie aku la o Iosepine iloko o ke keena oihana o kana kane. E kamailio ana no o Punipake me Buriene. I ka la mamua iho, ua hoopukaia ae kekahi manao iloko o ka nupepa Monitu@, me he la, e hoomakaukau ana i ke alanui no ka hiki aku i ka nohoalii Hookokoke aku la o Iosepine i kahi a kana kane e noho ana a noho iho la malana o kona kuli, apo aku la i ka a i o ke kane, a me na waimaka e haloiloi mai ana ma kona mau maka, pane ae la me ka leo nahenahe me ka i ana: “Ke noi aku nei au ia oe, mon ami, mai hoolilo ia oe iho i moi. Ua ike na au na Lusiena oe e koikoi nei. Mai noho oe a hoolohe iki aku iaia.”
Mino aka iho la o Puuipake a pane iho la: “E kuu Iosepine aloha, ua pupuleia paha oe. Mai noho oe a hoolohe ia mau olelo hakuepa. Ke hoolalau wale nei nae hoi oe ia’u. He nui ka’u hana”
I na la kinohi o ko Napoliona noho kanikela ana, ua moe like no oia me kana wahine iloko o ke keena hookahi, e like no me na makaainana haahaa. Ake nae, i keia manawa, oiai na hoi@ihi a hookapukapu alii e hoomakaia mai ana e malama iloko o ka home o ke kanikela, na ano pohala ko laua noho ana, a ua malihini hoi ko laua ohumuhumu ana. Ua hookaawale loa ia kona mau keena mai ko kana kane mai, a he alahele loihi mai ka rumi mai o kekahi a i ko kekahi. O na rumi hoi o na haiawahine o ke aloalii, @ hamama ana ko lakou mau ipuka ma kela a me keia aoao o ke ala. Ua lilo i mea ole ka nani o ko Iosepine mau keena iaia mamuli o ke ano pahemahema o ke aloha a me ka launa mau ana me ka mea ana i aloha nui ai. Ua hopohopo no hoi oia o lilo paha auanei keia kaawale ana o ko laua mau keena moe i omaka no ko laua kaawale loa ana aku mahope. Ina e moe ana o Napoliiona ma ko Iosepine rumi i kekahi po, aole loa ia e nalowale i ko ka hale holookoa. Ma ia mau manawa e lohi mau ana o Iosepine i ke ala ana, no ka mea, e hala ana ka hapanui o ka po ia laua i ke alaia, me ke kamailio kukakuka ana no ke ano o ko laua noho ana.
“Me he mea la,” wahi a kekahi o na lede o ka hale kanikela, “ke ike la no au iaia, e hele mai ana i kona aina-kakahiaka me na helehelena hauoli, e anaanai ana i kona mau wahi lima liilii, he wahi hana i maa iaia ke piha oia i ka olioli, me ka mihi ana no kona lohi. Keloaa ia haawina iaia, e oi loa ae ana kona lokomaikai, a aole loa oia e hoole i kekahi mea, a e loaa auanei ia makou ka makou mau mea a pau i makemake ai ke noi aku; he ike maoli no ko’u ia’u iho.”
Aole i pau
E Kipa a e Ike Ae
I kela hoa oiwi o kakou, ia S. M. Kamakau, ma ka halekuai waiona o Lovekeoe Ma, kihi o na alanui Nuuanu a me Marine. He heahea a he oluolu oia, a ua loihi kona kamaainaia ma ia hale, malalo o kona mau kahu mua elua, i pau. O na waiona maikai wale no ke loaa malaila, a pela no hoi me na waina Kaleponi maikai loa. Oluolu na kumukuai, a pela no me na hookipa a kuka pu ana me ua hoa la malalo o kona mau haku hou.
He mele Hawaii me na hua mele ka i hakuia iho nei e Misi Matila Waka, he moopuna na Keoni Kamaka, a ua kapaia o “Moani ke Ala,” me ka alauaia ia Misasa C O. Bega. Eia ke kuaiia nei mo ua halekuai buke. Ua eleu no ka hoi nei opio o kakou.
Wanaao Poakahi, la 10 nei, i hopuia ai o Kaiakauilani, wahine a O. K. Kapule, no kona walasu ano opulepule a ua lawe a hoopaaia ma ka Halewai. I ka auwina la iho, ua lawe loa ia aku oia no ka Halemai Pupule. A i nei wa hoi, ua oluolu hou oia, a ua hookuuia mai i kahi la i hala ae.
Na Haumana Hele Kula.
Mai ka hoike mai a Kahukula Nui Taon@sena, ua hoomaopopoia ka haluna a me na lahui o na haumana e hele nei ma na kula a pau a puni o ko Hawaii Paeaina nei, a ua like no ia me ka papahoike huahelu mahope iho, penei:
KANE WAHINE HUINA
Hawaii…………………. 3,048 2,432 5,480
Hapa-Hawaii……….. 1,147 1,296 2,443
Amerika……………… 219 198 417
Beritania…………….. 105 151 256
Geremania………….. 152 136 288
Pukiki………………….. 2,066 1,534 3,600
Norewai…………….. 51 47 98
Kepani……………….. 242 155 397
Pake………………….. 641 280 921
Paemoku Hema…… 15 13 28
Na Lahui e ae………. 57 33 90
Huina nui _____ ______ ______
7,743 6,275 14,018
No ke ao ana i keia poe keiki, ke ao nei he 280 kumuao ma na Kula Aupuni a he 203 hoi ma na Kula Kuokoa, a i ole ia, he huina o 483. Ma na lahui, eia mahope iho ka hoakaka o na kumu ma na Kula Aupuni: 49 Hawaii, 53 hapa Hawaii, 105 Amerika, 52 Beritania, 2 Geremania, 1 Farani, 1 Belegiuma, 5 Norewai me Suedena, 11 Pukiki, 1 Pake; huina 280. A penei iho hoi ma na Kula Kuokoa: 15 Hawaii, 10 hapa-Hawaii, 121 Amerika, 24 Beritania, 6 Geremania, 4 Farani, 6 Belegiuma, 1 Holani, 1 Norewai, 2 Pukiki, 2 Kepani, 11 Pake; huina 203
Ua hookohuia o Kapena Fitigerala, o ka mokumahu Helene iho nei, i Luna Awa a i Pailata no ke awa o Hilo, Hawaii, ma kahi o Ata Keonikona, i pau, a ua hala aku oia no laila ma ke Kinau o ka Poalua, la 18 nei.
Robert Napunako Boyd
(ITALIA)
He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.
[ pic of hand here] Keena Hana: Mauka iho o ka Hale Leta, maluna ae o ka haleaina Pake, Alanui Betela.
apl.13-mp
S K PUA,
He Agena no na Waiwai Paa
He Mea @uli i na Kuleana Aina i mea e maopopo ai;
He Mea Ohi i na Aie i hiki ole ke Ohiia e na Poe no lakou na Aie, a
He Mea Hana i na Ano Palapala Pili Kanawai a pau.
KEENA HANA:--Ma ke keena o R. W. Wilikoki, Alan@i Konia.
aug 31—1mk.
E HOOPAA POHO
I Kou Hale a me na Pono o loko mai ka poino ana i ke Ahi me ka
HUI
Panihakahaka Ahi Springfield
WAIWAI IO, $4,105,374.75.
Oluolu a Haahaa loa na hoouku ana.
W. F. WILSON, Agena,
Helu 209, Alanui Kalepa, Honolulu.
[fby. 15—6ml.]
HUI HAWAII KUAI AINA
NA LUNA NUI.
JAS. H. BOYD…………… Peresidena
J. K. KAULIA……………. Hope Peresidena
C. A. LONG……………… Puuku
ENOCH JOHNSON…… Kakauolelo
JOS. PAAKAU@A......... Luna Hooia
W. C. ACHI……………….. Luna Hoohana
NA LALA O KA PAPA ALAKAI.
J. K. KAHOOKANO, R. W. WILCOX
J. W. BIPIKANE.
He Hui i kukuluia no ka hookuonoono a kokua ana i ka lahui Hawaii; ua makemakeia na Hawaii a pau loa e komo mai i ka Hui.
Honolulu, Ianuari 11 jan. 11—1yr
YEE SING TIE.
Mea Hana Aelike a Kukule Hale
Mea Pena a Kuai Lako Hale.
Na Noho I Pake, Moena Pake, a me na
Pela Moe, no ke Kuai Emi Loa.
Alanui Papu, mauka ae o Pa Aloha.
mei 3—1yr
NO KE KUAI.
He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la ma kahi noho o E. S. Boyd
KUMUKUAI: --$1,000; $500 ma ke kuike a ma ka Moraki ke koena no ek@lu m@ kahiki ma ka 8 pa-keneta ukupanee.
[picture of hand here] No namea i koe, e ninau ia
BRUCE WARING & CO.,
a i ole, ia F. J. TESTA, ma ke keena o keia nupepa.
sep 7 – mhp.
Hui Papa a Kukulu Hale Oahu.
(OAHU LUMBER & BUILDING CO.)
Leleo, Alanui Moi, kokoke i ke Kahua o ka Hui Alahao & Aina Oahu
Poe Kalepa Laau, Hana Aelike a me Kukulu Hale
Poe Hookomo Mai a Hoolilo aku i na
Puka, Olepelepe, Kui
Pepa, Pena, Aila,
Na Pono Kamana,
A pela aku, a pela aku
Telepone 53. Pahu Leta.
@@@@
Kauka Amana
(CHOW KOCK SUN, M.D.),
Helu 109, - - Alanui Maunakea,
(Quong Sing Tong.)
Oia no kekahi o na kauka o ka Hale mai Pake ma Keoneula, Kapalama, i hookohu pono ia no kona makaukau ma na hana lapaau ma’i o kona aina.
Ua makaukau loa oia e lawelawe i na ano ma’i a pau o ke kino, e laa ke koko ino, ka hano, ke kaokao, na ano eha a pau, na ma’i lele, na ma’i kunu, na ha’i, na palapu, a pela aku, me ka eleu a me ka ike i lo@a iaia no ka hoopalekana ana O na ano ma’i no a pau, aohe mea koe, i nele iaia. E hewa ole no hoi ke ui ae i kona ike, malia o loaa no he wahi ponoi. Oluolu loa ma ke kuka ana a emi no hoi ma ka auhau ana.
MANAWA HANA: Mai ka hora 9 a.m. a ka hora 2 p.m., a mai ka hora 3:30 p.m. a po a ao.
E hoomanao nona a mai no na poe a pau e heluhelu ana i keia hoolaha a hoopoina iki nona. He kokua a he pale oiaio oia no ka manawa popilikia.
` apr. 26—5m.
ED. A. WILLIAMS.
Helu 514, Alanui Papu, ma Ewa iho o Pa Aloha.
He mea kuai lako hale o na ano a pau loa.
He mea Hana Pahu Kupapau a Hooponopono Hoolewa
[picture of wagon and horses here]
E hoolakoia no na Kaa Kupapau, na Kaa pio a me na K@@hana.
Ina no e ninau iaia, e loaa no na @@ha ku Kia Hoomanao no na He Kupapau.
O ka Ialoa kekahi hana hiki loa iaia aia ia malalo o ka lawelawe ponoi ana a Ed A. Williams, F. D., he mea i puka pono mai ka Kalaka Kula o ka Ialoa Maikai ana iloko o Mei, 1894.
---NA TELEPONA---
Keena, Helu 179—Kauhale a me Kahea Po Helu 818.
nov8-mp @@ @-mp