Ka Makaainana, Volume VII, Number 24, 14 June 1897 — Page 3

 

NA MOKUPUNI.

_______

 

Na Lono Huikau no ka Paeaina Holookoa.

 

Hoike no ka Huakai a ka Papa Ola a me na Lonolono Huikau.

 

            Ua hool@ukanaka mai makou e na maka malihini o Honolulu mai, i ke kakahiaka poniponi wale o ka Poalima i hala aku, Mei 28.  Na ka mokumahu [walani i lawe mai i na lala o ka Papa Ole, mai ka P@residena, ka agena, ke kakauolelo, a pela aku.  A o ke kakauolelo h@i o ka Y. M. C. A. o na Haole ma Honolulu kekahi, a @ na poe kakau nupepa no hoi kekahi, a mawaho ae hoi o ia na ohana o na ma’i.

            Ohuohu no ka Iwalani, keia moku i kaulana i ka himeniia e kona kupakako mua, ka mea e noho nei i aliimoku kiekie no ka mokumahu Mauna Loa,

                        “Ilaila aku nei o ka Iwalani,

                        Ke kaupu hehi ale o ka moana.”

 

HUI NA MA’I ME NA OHANA.

 

            Ua oluolu @a manao o kekahi poe ma’i, i ka hui pu ana me ka ohana, olo na p@he ma na alanui a iloko hoi o na hale o na ma’i; a ua pono hoi ia, aole olelo ana he hooluu wale no.  Eia ka, ua papaia na poe o ka moku mai, aole e mau na ihu ma ka uwapo me na ma’i o onei, aole n@e hoi i papaia ke aloha lulu-lima, e like me kela hooheno o Honolulu, penei:

                        “Haawi ke aloha lulu-lima,

                        Me na huapala maka onaona.”

            Ua kauohaia e hoi ma ka hale, malaila e huepau ai na nihoniho, a pela no i ka hoi ana, aole mau na ihu ma ka uwapo.  Pehea auanei keia aloha a ka Hawaii:

                        “Neenee mai a pili,

                        E ka ihu o ka makamaka?”

            Ua laweia aku kekahi mau keiki liilii iwaho ma ka apono ana o ka Papa Ola, na na ohana e malama.

 

WIWI A KOLILA KA BIPI.

            Ua ike kumaka iho ka Papa Ola i ka bipi a makou e ai nei, a ua komo ka hoowahawaha iloko o lakou @o keia bipi wiwi.  Nawai ia bipi?  Na ka agena no hoi o Kalae ae nei.  Koe n@@ ka olelo ana aku o ka Papa mai haawi hou aku ia lakou, aole i mahuiia aku ia wahi.  Maikai ke dala, ka io hoi o ka bipi he kolila.  I ka manao paha he poe ma’i makou.  Aka, ua laki nae, ua ike pono iho la no lakou i na aka o lakou.  Ina no Maui mai a me Hawaii ka bipi, momona, ai iho na ma’i, na keiki hoi a ka Papa Ola, make ka puu i ke aloha i ka ai ana i ka mea maikai; o ka mea ino hoi, kiola na na ilio a me na popoki, o ia na holoholona nui ma ke alo o ka hapanni o na ma’i.  Ua komo like no keia poino me na haole ma’i o loko nei o makou, a he hao hoi keia la lole bipi no na ma’i, ikeia ana @a bipi, mai kahi i loleia ai a ka hale e hoahu ai.  Ike ko Iapana mau malihini mai.

 

MANAO HOALA I AHAHUI OPIOPIO.

 

            Mahope o ka aina awakea, hiki mai la ke kakauolelo o ka Y. M. C. A. maloko o Wilikoki Hale, me ka manao e kukulu i Y. M. C. A. e like me ko Honolulu.  Aole i holopono kana misiona.  Paipai pokole mai oia i na poe kakaikahi i hele aku, a hookuu na hana me ka pule.

 

NO HONOLULU NO KE AHO.

            Pau na hana a ka Papa Ola ma ka hale oihana, huli hoi no ke awa e hoi ai no ka moku  He la oehu nalu ia o ke awa, hoohikihiki liilii na ohua ma na waapa.  Hora 5 p. m., uwe hope mai la ke oeoe o ka Iwalani ia makou no Honolulu ia ahiahi.

 

KELA HIHIA @OEHA HOU PAHI.

            Poaono, Mei 29, noho iho la ka Aha Apana no ka hihia hoeha hou pahi o Keoni Kaaa, ia Kipa (w), i hoolaha mua ia hoi he mau pule mamua aku nei ma ka nupepa KA MAKAAINANA.  Ua hooloheia @a olelo ike a pau a me ka ike a ke kauk@.  O ka hou pahi no ka loio ma kona aoao, a ua haawi mai ke kahu o ka Aha, J. H. Mahoe, i ka hoopai o elua makahiki ma ka halepaahao.  Ua makapoia keia makamaka, hanaino ka lima, hoea mai kana hua he hua ino.

 

WAI-AUAU UA MEA O KA BIA.

            Eia no keia mea ino o loko nei, mai kekahi poe ma’i ae no, oia hoi, wai-auau ka bia.  O kekahi poe haualili i ke Karistiano ua ai a hewa ka waha.  Ke olelo ae nei kekahi poe--Ahaha!  Wela ia keko.  Me ka ike iho no i ke koikoi i ka ma’i e kau ana i ke kino, he mea ole nae ia.  Ua lilo ka bia i kekahi poe ma’i i laau no lakou e hooikaika ae ai, mea ole ka leo papa o Kauka Oliwa--aole pono e inu na ma’i i ka waiona he mea hoohikiwawe mai ia i ka pilikia kokoke loa.  He mea ole ia leo.  Kaeha!

 

NA OLELO HOOKUU A HOOPAU ANA.

            Ua lawa keia mau pua rose, ke oni mai nei na nalu i na makalae, a ke hoi ae la ka opua e kau iho maluna o Haleolono.

            E ka punahele, mai hoomahui i ka ino no ka ino, @aka, i ka maikai no.

                                                                                                S. KALEI.

Kalaupapa, Molokai, Iune 2, ’97.

_______

 

Papaaina Hamuhamu Malu.

            Ma ka Poaono, la 5 nei, he paina ka na elemakule ma o aku o ka uwapo o Hooliliamanu, he kamano maka hauna a me hookahi puaa keiki i kaluaia, o na haae lewalewa wale no ka i nuu iho.  H@ounaia kekahi i omole gi@i, hoi mai, he alualu me na iwi kana i ai ai a luai malu.  Aole i konoia na poe kakau nupepa, o na haae lewalewa wale no.  Na Keau i pule, a manao e ai i ke poo puaa, kailiia a lilo ia hai.  Hoopailua na hana a na poe haae lewalewa.               MU.

 

 

Uoia a Paa ka Hipuu Polena.

 

KAMIKO--KEALIIHOPEOLE

            Ahiahi Poaha, Mei 27, mauka o Kapalama-waena, ma kahi noho o na makua oa ka wahine e kokoke la i Wailuakio, i uoia ai @ S. K. Kamiko, kekahi oiwi lima poahi ma ka oniu hua ke pau no Ke Aloha Aina mamua a no keia halepai hoi i nei wa, me Misi Mollie Kealiihopeole, o ka Rev. Makua Valekino.  Heahaike a he papaaina mahope iho.

 

HAPAI--GRUBE

            Ahiahi Poaha, la 3 nei, ma ka luakini o Kawaiahao, i uo ae ai ka Rev. H. H. Paleka ia Henry Hapai, he oiwi no ka Ua Kanilehua a e lawelawe hana nei ho no ka Oihana Dute, me Misi Carrie Grube.  He haumana ke kane no ke Kulanui Oahu a o ka wahine hoi no ke kula Virigine o Sana Amaru, a u hui opio ae la no.  Aohe ia he mea hewa, aka, o ka maikai maoli no ia.

 

HENSHALL--AFONG.

            A i ke ahiahi Poalima, la 4 nei hoi, ma kahi noho o ka makuahine o ka wahine, i mareia ai o Wm. A. Henshall, he loio opio e noho hana pu nei ma ko A. S. Hakawela keena, ia Misi Helena Afona.  Na ka Rev. D. P. Bine laua i uo imua o na lala wale no o ka ohana.  Pau ka mare a me ka ike a hoolauna ana, ua hoi aku laua no ko laua wahi @a ke kihi o na alanui Keeaumoku me Moi, ma Pawaa.

_______

 

Ulia Eha Mai Kekahi Omole.

            I kahi wa o ka Poalima, Mei 28, ua halawai o J. Ake Ahiona me kekahi ulia eha e poino loa ai paha ka ike o kona mau maka.  Iaia i kii ai e lawe mai he omole wai momona mai ka pahu hau, ma kona wahi noho ma alanui Robelo, Kapalama, u a pahu ae la he omole ruta bia, a ua pa oia ma na maka me na apana omole i puehu liilii ae, a ua moku na onohi a elua.  Ma ke telepone i kauohaia aku ai o Kauka Wahie, a ma kana ao, ua hoi oia no ka Halemai Moiwahine, i hiki ai hoi ke hana a ke malama pono ia.  Ke pii aenei kona oluolu a ua ike iki hou ae, koe nae hoi ka nui loa, me ka manaolanaia e palekana loa ana a hiki hou no iaia ke hele i kana hana, he kamana.

_______

 

Loaa i ka Ma’i Kuhewa.

            Ma ka Alameda i loheia mai nei, oiai ka o Palani Hasetine ma ka aha-ike a Peresidena Makiuile i na lala o ka Ahakuka Oihana Le@a o na Aupuni ma Wasinetona, i ke ahiahi Poakolu, Mei 19, na mauleia iho la oia a waihe ana ilalo.  Ua kaikai koke ia aku oia no kona hotele a kiiiai kauka.  Ma ka ikeia i@@, ao ka hakahaka mai o ka houpo ke kumu, a ua manaolanaia hoi e palekana ana no.  Eia n@e, ua loheia mai ma ka Belegica ua kupilikii loa oia, a aohe i akaka kona pono.

 

William Kamali.

            Pena Hale o na ano a pau, Kau Pepa a Lu One paha, e like me k@ oukou makemake.  Ua hiki ke hoohinuhinu i na @meke, Pakaukau, Pahu-ume, Moe, Puniu, i hiki ole ke hoomaemae hou ia.  Ua hiki ke hookoia na hana me ka eleu loa, a o na kauoha a pau mai na kuaaina mai ua hiki ke hookoia.  He oluolu loa ka uku ma ke kuka olelo ana.  E kipa mai e na makamaka mai poina.

            Keena hana, ma ke S. K. Pua keena, Helu 7 1/2, Alanui Konia.

            Wahi Noho, Kapalama.                                               mar 15-6@

_______

 

Hoolaha a ka Lunahooponopono Waiwai.

            Ua koho pono ia ka mea nona ka inoa malalo nei, i Luna Hooponopono Waiwai no ka waiwai o E. HELEKUNIHI (k) o Haiku, Makawao, Mokupuni o Maui, i make kauoha ole.  Nolaila, ma keia ke hoikeia aku nei ka lohe i na mea a pau he mau koi ka lakou ma ka Moraki a palapala e ae paha, e hoike koke mai i ka mea nona ka inoa malalo iho nei, iloko o Eono Mahina (6) mai keia la aku, a i ole, e hoole loa ia mahope o ia manawa; a o na poe a pau he mau koi ka lakou i ka mea i make, e awiwi lakou i ka hookaa koke mai ma ke Keena Loio o S. K. Ka-ne, ma ke kihi o na Alanui Moi a me Betela, ma ka hale maluna.

                                                                                                S. K. KA-NE,

            Lunahooponopono Waiwai o E Helekunihi (k), i make kauoha ole Honolulu, Mei 24, 1897.  my. 24-5ts

_______

 

H. W. Schmidt & Snos

H. W. KAMIKA & KEIKI)

Eia lakoa, ke hooluhi nui nei ma ke kakau hoemi loa ana iho i ko lakou mau waiwai a

Kumukuai Kudala.

Ka emi loa i lohe mua ole ia ma Honolulu nei

_______

 

Ke wehe nei no hoi lakou i na Waiwai  Hou ma ka Auseteralia mai nei.

_______

 

Halekuai ma Alanui Moi, e pili pu la me ka Hale Oiwi.

mar. 15--1 yr.

_______

 

HELE HOOLUOLU

 

O. R.                L. CO.

 

MA NA POAONO A ME NA LA PULE.

            E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M

 

Na Palapala Uku Puni

 

                                                                                                Papa 1.                        Papa 2

Manana    .     .     .     .      .     .     .     .     .     .     .     .     .     $   75               $   50

Mahiko o Ewa.     .     .     .     .     .     .     .     .     .     .     .        1 00                     75

Waianae   .     .     .     .     .     .     .     .     .     .     .     .     .        1 50                  1 25

 

F. C. Smith,

Agena Okua a Palapala Nui

_______

 

Hui Papa a Kukulu Hale Oahu.

 

(OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu

_______

 

Poe Kalepa Laau, Hana Aelike a me Kukulu Hale.

 

            Poe Hookonio Mai a Hoolilo aku i na

Puka, Olepelepe, Kui,

            Pepa, Pena, Aila,

                        Na Pono Kamana,

            A pela aku, a pela aku.

Telephone 53.                    Pahu Leta.

                                    @@@