Ka Nonanona, Volume I, Number 3, 3 August 1841 — Page 12

12 KA NONANONA [AUGA TE,

pau na mea ino he nui wale o Hawaii nei. Pela ka manao o ka Nonanona.

MOKUNA VII.

KANAWAI HOOPONOPONO KULA.

16.           Eia kekahi olelo pili i na keiki i hanau i ke kau ia Liholiho, a i keia kuu hoi ia Kauikeaouli, aole pili i na mea i hanau mamua aku. O na kanaka a pau i hanau, mai ke kau ia Liholiho mai, ina aole lakou ike i ka heluhelu, a me ke kakau lima, a me ka palapala aina, a me ka helu, aole lakou e noho i kiaaina, aole i lunakanawai, aole i lunaauhau, aole noho konohiki, aole hoi noho i luna maluna i kekahi kanaka. A o ke kane ike ole i ka heluhelu, a me ke kakau lima, aole ia e mare i wahine a pela no hoi ka wahine i ike ole i ka heluhelu, a me ke kakau lima, aole ia e mare i kane. Aole nae i pili keoa mau olelo a pau i ka poe i hanau e mamua aku o ke kau ia Liholiho.

17.           Ina i poino maoli kekahi, a nolaila kona ike ole, ua powehiwehi paha ka ike ana, a i ole ia, ua noho ma kahi mehameha paha, ma kahi kala ole, a i ole ia, he poino e aku paha, a nolaila ka ike ole, ua paa nae kona manao e mare, i wahine, i kane paha, alaila, pono ia ia ke hele i ke kiaaina, a nana no e hookolo, a maopopo ia ia, aole no ka molowa ka ike ole, ua poino maoli, alaila, poino no i ko kiaaina ke haawi ia ia i palapala mare.

18.            Eia kekahi, aole pono i ke kahukula ke haawi i ka palapala i kumu ao ka mea ike ole, ia me ka mea i ikeia he kanaka kolohe, a pono ole kona noho ana. A ina ike kanaka i ka heluhelu, a me ka palapala aina a me ke kakau lima a me ka helu, a he kanaka noho malie, kolohe ole, a makemake ia kanaka i ka palapala kumu, pono i ke kahu ke haawi, aole haole. 19. Eia kekahi olelo no na lunaauhau a pau. Pono ia lakou e hookole i ka olelo a na kahukula, ke olelo lakou i waiwai no ke kumu, a no na kumu paha, e like me ka olelo maloko o keoa kanawai a ke olelo lakou i ka hale kala, e hana hou. E hana nona lunaauhau e like me na olelo iloko o keoa kanawai. E hai uku nae lakou i ke kuhina nui i ka waiwai a pau a lakou i haawi ai i na kahukula, a i na kumu paha.

20.           Ma keia kanawai ua hookeia kela kanawai kula i kauia i ka la 15 o Okatoba 1840, a laha aku keia kanawai, a hihi hoi i ka la e kau ai keia, alaila, pau ka manao ana i kela. Aka, o na lunakula i koho pono ia, ua paa no lakou a hala ka makahiki mua, alaila, ma manao na kanaka e koho hou, ua pono no. Eia hoi kekahi. O na aina i haawi pono ia i na kumu e like me na olelo ma kela kanawai, ua paa no ma keia kanawai hou, e like me na aina a na kahukula e haawi ai. wi ai. Eia hoi ka la e kau ai keia kanawai. Ina e kukalaia ma kekahi kulanakauhale, a ma kekahi aina paha, o ka la e kukalaia'i, oia ka la e kau ai ma ia wahi, a i ole ia e kukalaia, o ka la a ua o Sepatemaba, oia ka la e kau ai ma na wahi a pau loa o Hawaii nei. Ua hooholoia na olelo a pau o keia kanawai e na'lii a me ka poe i kohoia, a ua kau hoi maua i ko maua mau inoa i keia la iwakaluakumamakahi o Mei, i ka makahiki o ka Haku, hookahi tausani, ewalu haneli me kanahakumamakahi ma Lahaina, Maui. KAMEHAMEHA III. KEKAULUOHI.

PEHEA LA E LOAA'I KA POMAIKAI?

                E na kamalii, ina e makemake ana oukou i ka pomaikai, eia kekahi mea a oukou e hana ai. Eia ka mua; E hoomanao oukou i ka mea nana oukou i hana. Eia no hoi ka lua. E hoomanao i ke Akua ana. Eia no hoi ke kolu. E hoomanao iAkua, no ka mea; pela kana kauoha. He mau ninau ekolu. Heaha? Ahea? No ke aha?"Heaha ka oukou mea e hoomanao ai." "O Iehova. E malama aku ia ia me ke aloha." "Ahea ko oukou manawa e hoomanao ai i ke Akua?" "Ano, i ko oukou wa kamalii." "No ke aha la oukou e hoomanao ai ia ia."

 No ka mea, Na ke Akua i kauoha mai ai. Ina e hana oukou i ua mau mea la, alaila pomaikai oukou makeia ao, a i ka manawa e make ai oukou, e hele ma ka lani e noho pu me Iesu.

NA LIMAIKAIKA, o hoopuka'ku.