| Eia hoi kekahi olelo a Bihopa no ka pule ia Maria. MAKUWAHINE O KE AKUA,' Owai la ia? Ke pule mai nei na haumanu Pope, 'Santa Maria ma- kuwahine o ke Akua '!! O Maria ka! ka Makuwahine o ke Akua! ''Oia ka Makuwahine o Iesu, a o Iesu ke Akua. Nolaila, oia ka Makuwahine o ke Akua." Wahahee!! O ko Iesu kino kanaka, ua hanau ia na Maria mai. Aka, o ko Iesu Akua ana, aole ia he mea hanau. Ina o Maria ka makuwahine o ko Iesu Akua ana, alaila, o Iehova kana kane, a ua moe wahine ka Makua nona ka lani a me ka honua, e like me ka ke ka- naka hana ana. Alaila hoi o Maria ke lii wahine o ka lani, e Iike me ka lakou kapa ana ia ia ma kekahi pule. Alaila hoi, elua ana kane; O ka Makua, a-o Iosepa. Ke weli- weli nei au i keia manao o ka Pope. A heluhelu oukou i keia pule, e ka poe noonoo, pehea la ko oukou manao i ka ka Pope? Aole no he makuawahine o ke Akua; aole ma ka lani, aole ma ka honua nei aole ma ka po ilalo --aole loa. He mau inoa wahahee wale no neia, i kapa- ia'i o Maria. "Ke lii wahine o na anela." Nohea mai neia? No ka ke Akua olelo anei? Aole loa. "E pule oe no makou." I ka manawa i pule aku ai o Maria ia Iesu ma ka honua nei, loane 2: 3, 4, i aku la Iesu ia ia, 'E ka wahine, heaha ia mea ia kaua?" Pono anei ke olelo aku pela i ke lii wahine o na anela? He wahine maoli o ka honua, e no- ho alii ana maluna o na anela!! Na ka Pope wale no ia manao. "E ka wahine," oia iho no ka Iesu i kapa. ai ia ia. Aole i komo iki ka inoa alii. | "Ke kokua o na Keristiano." Ka inoa o Iesu ia; aole ka, he wahahee ka Paulo, a he oiaio ka ka pope! "Ka Hoku loa." Hoikeana 22: 16. "Owau no ka hoku loa malamala- ma." Ma ka palapala a ke Akua, o Iesu ka hoku Ioa malamalama. Ma ka olelo a ka Pope, o Maria no ua hoku la, aole o Iesu. Aka, e olelo mai paha lakou, "o Iesu no hoi ke- kahi." E nana hoi kakou, elua no anei na hoku loa? Hookahi no hoku, "Owau no ka Hoku loa malamala ma," o Iesu wale no, aohe lua. Mahope paha e noonoo kakou i na inoa e ae i kapaia'i o Maria. I kuu manao, he mau inoa hoomana lakou e hoomana ai ia ia, A no ke aha la lakou e hoole nei, aole hoo- mana ka lakou pule ia ia? Bp. NO KA HAKAKA, ANA O KA POPE ME KE ALII NUI O FARANI. Ia manawa, ku e ke lii nui o Farani o Pilipo IV. I ka pope, no kona manao kiekie. Manao o Bonifake e hooweli- weli ku la Pilipo, no ia mea, palapala aku ia ia menei: Pono oe a me na lii a pau loa e ae mai i ka manao o ka pope, ma na mea a pau loa, no ka mea, ua kauohaia mai oukou e ke Akua e hana pela. A lohe ke lii i ko ka pope ma- nao kiekie, ukiuki loa ia. Hoole ikai- ka aku ia i ua manao la. Paa kona mana o kipaku aku ia Bonifake, i ole ia e hana hou ma kona ano pope. No- laila, kauoha aku ia i kekahi kauwa ana; E hopu aku i ka pope, i paa. Ua hana pela ua kauwa la a ke'lii, me ka manao ole i kona ano pope, no ia mea, ua make ka pope me ka hilahila, a me ke kaumaha nui o ka naau. "A make o Bonifake, ua waeia kekahi kahuna o Farani i pope hou, a ua noho ia ma A- vigenona ma Farani, e like me ka ma- nao maalea o Pilipo. He kanahiku mau makahiki ka noho ana o na pope ma Farani. Oia kekahi mea i nawaliwali ai ka ekalesia o Roma. Mooolelo no ka Ekalesia, aoao 96. Na LIMAIKAIKA, e hoopuka'ku. | |