Ka Nonanona, Volume I, Number 3, 3 August 1841 — NO KA HAKAKA ANA O KA POPE ME KE AEH NUI O FARANI. [ARTICLE]

NO KA HAKAKA ANA O KA POPE ME KE ALII NUI O FARANI.

Ia manawa, ku e ke lii nui o Farani o Pilipo IV. I ka pope, no kona manao kiekie. Manao o Bonifake e hooweliweli aku la Pilipo, no ia mea, palapala aku ia ia menei: Pono oe a me na lii a pau loa e ae mai i ka manao o ka pope, ma na mea a pau loa, no ka mea, ua kauohaia mai oukou e ke Akua e hana pela. A lohe ke lii i ko ka pope manao kiekie, ukiuki loa ia. Hoole ikaika aku ia i ua manao la. Paa kona manao e kipaku aku ia Bonifake, i ole ia e hana hou ma kona ano pope. Nolaila, kauoha aku ia i kekahi kauwa ana; E hopu aku i ka pope paa. Ua hana pela ua kauwa la a ke'lii, me ka manao ole i kona ano pope, no ia mea, ua make ka pope me ka hilahila, a me ke kaumaha nui o ka naau. A make o Bonifake, ua waeia kekahi kahuna o Farani i pope hou, a ua noho ia ma Avigenona ma Farani, e like me ka manao maalea o Pilipo. He kanahiku mau makahiki ka noho ana o na pope ma Farani. Oia kekahi mea i nawaliwali ai ka ekalesia o Roma. Moolelo no ka Ekalesia, aoao 96.