Ka Nonanona, Volume I, Number 3, 3 August 1841 — HE OLELO HU IA. [ARTICLE]

HE OLELO HU@A.

Ua ku pono kekahi inoa o ke alii nui o Hawaii nei i na hoku a pau o ka lani. Nolaila ke ninau aku nei au, ia oukou e ka poe akamai, i ke ku pono ana? Pehea? E hoomoakaka mai. Eia no keia mea paakiki, na na keiki ma Lahainaluna e wehe ae, a e hoakaka mai; a ina i loaa ole ia lakou, na na kaikamahine ma Wailuku e hoike mai. He ilio kolohe, he kao, a he kau wahi kakipi ko kekahi kanaka, a manao na kanaka la e hele ma kahi e, a lawe pu i keia mau waiwai akolu. Hele iho la ia, a hiki i kekahi muliwai nui pono olu ke au aku i kela kapa. Noho iho la ia a noonoo i mea e hiki aku ai me kana mau waiwai ma kela kapa. Huli no oia i waa, aole waa pono, he wahi waa uuku loa wale no i loaa ia ia, a pono ole ke lawe i kona kino a me kaua mau waiwai ekolu. Ina o kona kino a me ka waiwai hookahi, pono iki ke holo aku. Nolaila pilikia iho la; eia kona mea e pilikia ai, ina i lawe aku oia i hookahi o na waiwai, i ka ilio paha, a waiho i ke kao a me ke kakipi mahope, pau koke ke kakipi i ke kao, a pono ole malaila, no ka mea, aole mea e paa ai ke kao; a ina i lawe aku ia i ke kakipi ma kahi waa, a waiho i ka ilio a me ke kao, pau koke ke kao i ka ilio kolohe, oia pilikia no ia: a ina i lawe aku oia i ke kao ma ka waa a waiho i ke kakipi a me ka ilio, aole hewa oia: aka, aole pau ka pilikia, no ka mea, ina i waiho aku oia i ke kao ma keia kapa, a kii mai i ka ilio, a waiho pu me ke kao ma kela kapa, pilikia hou, no ka mea, pau koke ke kau i ka ilio ke waiho pu

ia, a i ole @, ina i waiho aku i ke kao a kii hou mai i ke kakipi, a lawe aku, a waiho pu me ke kao ma kela kapa a ku hou mai i ka iho, pau koke ke kakipi i ke kao. Nolaila ua paapu ka pilikia o keia kanaka. Ea, aole anei e hiki ia kakou ke kokua aku ia ia. E na keiki o Lahainaluna, a o na kaikamahine o ka S@mineri ma Wailuku paha, e kokua oukou i keia kanaka pilikia. E hai mai i ka Nonanona i ko oukou noonoo ana.