Ka Nonanona, Volume I, Number 3, 3 August 1841 — MOKUNA VII. KANAWAI HOOPONPONO KULA. [ARTICLE]

MOKUNA VII.

KANAWAI HOOPONOPONO KULA.

16. Eia kekahi olelo pili i na keiki i hanau i ke kau ia Liholiho, a i keia kau hoi ia Kauikeaouli, aole pili i na mea i hanau mamua aku. O na kanaka a pau i hanau, mai ke kau ia Liholiho mai, ina aole lakou ike i ka heluhelu, a me ke kakau lima, a me ka palapala aina, a me ka helu, aole lakou e noho i kiaaina, aole i lunakanawai, aole i lunaauhau, aole noho konohiki, aole hoi noho i luna maluna o kekahi kanaka. A o ke kane ike ole i ka heluhelu, a me ke kakau lima, aole ia e mare i wahine, a pela @ i ka wahine i ike ole i ka heluhelu, a me ke kakau lima, aole @ e mare i kane. Aole nae i pili keia mau olelo a pau i ka poe i hanau e mamua aku o ke kau ia Liholiho. 17. Ina i poino maoli kekahi, a nolaila kona ike ole, ua powehiwehi pa@ ka ike ana, a i ole ia, ua noho ma kal@ mehameha paha, ma kahi kula ole, a i ole ia, he poino e aku paha, a nolaila ka ike ole, ua paa nae kona manao e mare, i wahine, i kane paha, alaila, pono ia ia ke hele i ke kiaaina, a nana no e hookolokolo, a maopopo iaia, aole no ka molowa ka ike ole, ua poino ma@ alaila, pono no i ke kiaaina ke haawi ia ia i palapala mare. 18. Eia kekahi, aole pono @ ke kahukula ke haawi i ka palapala k@mu no ka mea ike ole, a me ka mea i ikeia he kanaka kolohe, a pono ole k@ noho ana @ A ina ike kanaka i ka heluhelu, a me ka palapala aina a me ke kakau lima, a me ka helu, a he kanaka noho malie, kolohe ole, a makemake @ kanaka i ka palapala kumu, pono i ke kahu ke haawi, aole hoole. 19. Eia kekahi olelo no na lunaauhau a pau. Pono ia lakou e hoolohe i ka olelo a na kahukula, ke olelo lakou i waiwai no ke k@u, a no na kumu paha, e like me ka olelo maloko o keia kanawai, a ke olelo lakou i ka hale kula, e hana hou. E hana no na lunaauhau e like me na olelo iloko o keia kanawai. E hai aku nae lakou i ke kuhina nui i ka waiwai a pau a lakou i haap wi ai i na kahukula, a i na kumu paha. 20. Ma keia kanawai ua hooleia kela kanawai kula i kauia i ka la 15 o Okatoba 1840, a laha aku keia kanawai, a hihi hoi i

ka la e kau ai keia, alaila, pau ka manao ana i kela. Aka, o na lunakula i koho pono ia, ua paa no lakou a hala ka makahiki mua, alaila, ina manao na kanaka e koho hou, ua pono no. Eia hoi kekahi. O na aina i haawi pono ia i na kumu e like me na olelo ma kela kanawai, ua paa no ma keia kanawai hou, e like me na aina a na kahukula e haawi ai. Eia hoi ka la e kau ai keia kanawai. Ina e kukuluia ma kekahi kulanakauhale, a ma kekahi aina paha, o ka la e kukalaia'i, oia ka la e kau ai ma na wahi, a i ole ia e kukulaia, o ka la o @ o Sepatemaba, oia ka la e kau ai ma na wahi a pau loa o Hawaii nei. Ua hooholo@ olelo a pau o keia kanawai e ua'lii a me @po@ i kohoia, a ua ka@ hoi @ i ko @ua m@ in@ i keia la iwakaluakumamakahi o Mei, i ka makahiki o ka Haku, hookahi tauwani, ewalu haneri me kanahakumamakahi ma Lahaina, Maui KAMEHAMEHA III KEKAULUOHI.