Ka Nonanona, Volume IV, Number 13, 15 October 1844 — Page 74

mea uuku ko lakou   aloha i na   Kahunapule, aole nui ka   makemake i ka-na hana.   Lilo kekahi poe o    lakou he poe palaualelo, a i poe   hoomaunauna i ka    lakou waiwai.   Aka, p ka nui, ua lilo lakou he poe   puniwaiwai,   Holo kiki   lakou mamuli o na mea o keia ao e like me Dema i ole -loia ma Timoteo elua   14: 10.     "Ili iho la nahaha ka   manaoio, a houhou ia lakou iho i na ehaeha he nui" Aole pela ka poe malama kumu no ke aloha ia Iesu a me   kona au-

puni; ka   poe malama kumu ao no hoi; kuai baibala, a   me na buke e ae; ka poe hana mamuli o na hana maikai a pau.   Nui ko lakou make-make   i ka euanelio   a Iesu   Kristo, no ka mea, ua nui   ke kumu kuai. Nui ko lakou makemake i ka lakou kumu, no ka mea, ua hanai lakou ia ia.     Nui ko   lakou makemake i   ka baibala, no   ka mea, ua   kuai lakou ia buke.    Nui ko   lakou   makemake   i ka luakini o Iehova, no ka mea, na lakou   i kukulu.     Nolaila, ua ikaika lakou i ka ka Haku hana, aole palaualelo, aole molowa i ka hana, aole hoomaunauna i ka lakou waiwai ma ka hanai i ka   poe hana ole.   Aole nae lakou e lilo i poe puni dala, aole aua   i ka haawi   aku i ka    lakou waiwai i mea e hoolaha ia'i ka olelo a ke Akua ma na aina a pau.     No ia mea, ua akaka   loa ia, o ka hanai Kahunapule, o   ka malama kumu ma na mea o ke kino, he mea ia e nui ai ke aloha o na hoahanau ekalesia i ka lakou kumu.   Aole anei e pono oukou o na hoahanau e hoao ia mea

i maopopo?      Na'u na   GELINA.

                                                                                                                                                                                                                                                                     O

l ka la 9 o Ok.   nei, holo nui ka Moi, me kana wahine, me ke Kuhina a me na'lii e ae i Kaneohe.     Noho iki   lakou malaila, a holo nui aku   i Maui ma na   moku,    Hooikaika, Paalua, Amelia,   Kinau, a me Hakalelepono.

Waimea,   Sepal.   17, 1844. No KA NONANONA.    l ko makou hoi ana mai, mai Honolulu mai, loaa

iho la ka pilikia ia makou a pau. Aole pilikia a koe aku.     He mai ko

makou pilikia.   Mai   na keiki eha, a mai na makua elua.       Elua keiki i aneane make.   Elua Sabati a me ka hapalua, aole   au i hai aku i ka ke Akua olelo, no ka nui o kuu eha. No ka nui o ko makou pilikia, hele aloha    mai Mi.   Bona no    Kohala, a noho pu a kokua mai,a   pohala   ma-kou, alaila hoi aku Ia oia.     Nani ke ahonui a me ka lokomaikai o ke   Akua i ka hoopau ana mai i ko makou

pilikia. A pau kuu pilikia, alaila hele aku la au i   Hamakua, e   nana i na ekalesia a me na kula a me na mea e ae

no hoi. A ke kakau nei au i na mea i loaa

ia'u. 1.   Eia ka mua.   NA ekalesia.   He

11 ekalesia malaila.    Maikai ka noho ana o na hoahanau.     Uuku ka hihia i hoopukaia mai i    keia   mau malama elima. A o kekahi poe hoa-

hanau i hihia a haule mamua,   ua pau i ka   mihi.     A no ka   liuliu o ko lakou mihi   ana, ua hoihoi ia mai la-

kou iloko o ka ekalesia; 200 a keu aku ia poe.   A o   ka poe mawaho, ua huli   mai kekahi o lakou.    He 15 na mea i moakaka, a i   manaoia   ua huli   io mai.   Ua   hookomoia   lakou iloko   o ke aupuni.   O kekahi poe hoi ua hoopaneeia ko lakou komo ana, a i kekahi manawa aku. Ua ikaika   kekahi poe hoahanau i ka hana; ikaika i ka hele io ia nei.        Elua   hale pule i ako hou ia.     Ua paa ka awai   ma kekahi hale pule e ae.    He mau noho hoi   i hanaia ma kekahi hale   pule.   2.   Eia ka lua. NA KULA..   He 15