Ka Naʻi Aupuni, Volume I, Number 2, 28 November 1905 — NU HOU KULOKO [ARTICLE]

NU HOU KULOKO

Heaha ka hua o nei la? Kamemeha, Ka Na'i Aupuni. Ke wawaia mai nei, e lilo aku ana o Hope Loio Kalana Milverton i Hope Loio Kuhina no ke Teri tori. Ua hahao ia aku iloko o na ipu waiho lanai o ka mokukaua "Lena" i kea mau la iho la, he 3,016 tona lanahu, no ke kumukuai o $28,000. Pokeokeo no! He mau la wale no paha koe a ike aku kakou i na mokukaua ahikanana o Adimarala Togo e haulani mai ana ma ka nuku ae nei o Mamala. He 21 Haneri Tona ukana a ka mokuahi Manekuria i lawe mai ai i ke ahiahi nei no keia awa, a e haalele iho ana no Kapalakiko ika manawa e pau ai i ka hu'eia. Ma ko makou pepa o ka la apopo e puka aku ai kela manao e pili ana i ka "Mare Lehulehu" i hoomakaia ai ma ko makou pepa o ka la inehinei (Poakahi, Nov.27." Hanau Ka Na'i Aupuni Kamehameha I ma ka malama o Novemaba, 1736, a hanau hoi Ka Na'i Aupuni o keia mau la aku, ma ka malama o Novemaba nei, 1905. He koa na'i aupuni ka mua, me ka ihe laumeki; a he koa hoi ka lua me ka maka-peni, ka mea nona ka oleloia ana. "He oi ae ka mana o ka maka-peni mamua o ka pahikaua. Ma ke kakahiaka Poaono nei i laweia ae ai imua o ka Aha Apana o Honolulu nei he luina no luna o ka mokukaua Rukini Lena," e ku nei ma ke awa o Kou, no ka hewa ona rama. A no ka loaa ole ana o kekahi maheleolelo kupono e hiki ai ke unuhiia ae kana olelo imua o ka Aha, a pela hoi ka ka Aha mau olelo iaia, ua hookuuia oia. Aohe. ike o keia Rukini i ka olelo Beritania. Ua nonoi aenei o H. P. Balauwine i ke Keena Aina Aupuni i pono a i kuleana hoomoe auwai no luna aku o na aina aupuni, na Napili, Kaanapali, Maui. O ka uku hoolimalima a Mr. Balauwina i haawi aku ai no ko ke aupuni kuleana, he $10 no ka makahiki a o ka @@@l i o ka manawa, he 50 makahiki. O ka laula o ka aina i makemakeia no ka moe ana o keia auwai, he 40 kapaai. E kuai kuala ia aku ana keia hoolimalima ma Dekemaba ae nei.

Ē lawe e ka Lahni Hawaii Oiwi o ka % Aina i ka Nupepa Puka La——