Ka Nupepa Kuokoa, Volume III, Number 16, 16 April 1864 — Kahuna Hoopunipuni. [ARTICLE]

Kahuna Hoopunipuni.

E ka Nupepa -Kuokoa e; Aloha oe:—Ka pu kuniahi 'kani o keia mau moku puni, ka uahi kokolo o Puoina e punohu ana i ke kula, ka manu inu wai ono o na pali, e kiko hoomau ana i ka pua o ka Lehua ku i ka waokele! No'u kahi mnnao hai aku ia oe, a nau ia e hai ae i mua o ka lehulehu o ko kaua mau Mokupuni; i ike lakou a hoomaopoopo, \ keia kahuna alapahi. Eia no ia: Ma ka la 30 o Mar. hele mai la kekahi wahine o Napili kona inoa, i ua kahuna nei, nona na hua e kau ae la ma ke poo o kahuna hoopunipuni, i hele mai oia no ke kunihi kapakahi ana o ko na puuwai i ke aloha no ka na kane mare; oiai ua lilo aku i ka ulaia me ka wahine manuahi, ka hoa heenalu o ka nalu o Uo, ame ka malu ulu o Lele, a ka pae ia iho nei hoi oi nei me kona aloha ole. Olelo 'aku la ka wahine i ua kahuna nei, e oluolu paha oe e Kamakani, oia ka inoa o ke kahuna a kakou e olelo nei i ka alapahi, e hana mai oe i kUu kane, wahi a ka wahine.

Pane mai la ua kahuna nei , e hananna no au, ke makaukau niai oe i na dala he 25, pane aku la ua wahine nei ? ua lako au no ia mea, o ka haawi aku la 110 ia o Napili he 25 dala ma ka lima o Kamakani; pnne mai la ke kahuna, "Ua paa kuu pule ia oe, a ke hai aku nei au ia oe, me ka pololei loa, e hoi mai ana ko kane me oe iloko o na la elua, aole e oi aku i ke kolu ; ke pule nei au," \vahia ua kahuna nei, kuu pule aloha, i hoi ko kane me oe." Penei ka pule ana: u Heaha ka ia, e Kanikalolou, He Mano ka ia, e Kaniknlolou, Heaha ka ia, e Kanikalolou, He Puhi ka ia, e Kanikalolou, Heaha ka ia, e Kanikalolou, He Loli ka ia, e Kanikalolou, Heaha ka ia, e Kanikalolou, He Niuhi ka ia, e Kanikalolou, . Heaha ka ia, e Kanikalolou, He Ulua ka ia, e Kanikalolou, Heaha ka ia, e Kanikalolou, He Mahimahi ka ia, e Kanikalolou." Aole i pau keia pule, no ka loihi loa, nolaila, ke hooki nei au maanei, i ka Amama ana o ka pule a ua kahuna nei; wehewehe mai la i kekahi mau mea uuku ia makou. Penei, "He Mano ka ia, hooirtano ke aloha o ko kane ia oe, aole e pau a hoi mai me oe, He Puhi ka ia, hoopuhi ke aloha o ko kane ia oe, oni wale no me kahi kapa ole, he wela ke kapa ke pili aku i ka ili, he Loli ka ia, iloli ke aloha o ko kane ia oe, nolaila, e kali oe iloko ona la elua." O ka olu iho la no īa o ua wahine nei, he wai ko lalo, hoomaka makou i ke kali i ka la mua, aole hoi iki mai, pela i ka iua o ka la, aole no he maliu iki ia mai i ke kaukau aku a ka.wahine mare ia īa, e hoi pu mai laua, aole wahi mea a maliu ia mai e i ala.

Mahope, kii hou aku ua wahine nei i na | dala ana he 25, no ke ko ole o ka mea i noi aku ai ia. Pane mai la kela, "ua lilo ike kolohe ia, ua nahaha kahi i waiho ia ai." A kahi no a ike ia he kahuna hoopunipuni keia. Ena makamaka la i imi mea hou, i lohe oukou i keia kahuna o Kamakani kona j n oa, mai puni oukou, o loaa oukou i keia hua olelo Kohahe, e like me keia wahine. He ma-u ia. Ke hoi nei ke keiki o ka malu o ka ulu o Lele, ame kahi wai hohono iepo o Hoolanapi, ke nee roai la ka ua paupili, i ke kuikui lau lii o Harona. Me ke aloha i ka Hui Kuokoa. S. P. Kkahialoa. Pinarose Home, Lakaina, 'Maui. [ E pono ke hoopiiia ia Kahuna, no kona imi loaa ma ka hoopunipuni.]